მრგვალი მაგიდა „ღია მმართველობა და მოქალაქეთა ჩართულობა“ კორუფციის წინააღმდეგ ბრძოლის უწყებათაშორისი საკოორდინაციო საბჭოს ინიციატივით გაიმართა

სიახლეები | კორუფციასთან ბრძოლა | პუბლიკაციები | სტატია 2 აგვისტო 2013
2013 წლის 29 ივლისს, სასტუმრო „ქორთიარდ მარიოტში“ იუსტიციის სამინისტროს ინიციატივით, კორუფციის წინააღმდეგ ბრძოლის უწყებათაშორისი საკოორდინაციო საბჭოს ფარგლებში, „USAID“-ის პროგრამის − „დემოკრატიული მმართველობა საქართველოში“ (G3) − და ინფორმაციის თავისუფლების განვითარების ინსტიტუტის მხარდაჭერით მრგვალი მაგიდა „ღია მმართველობის პარტნიორობა და მოქალაქეთა ჩართულობა“ გაიმართა.
 
შეხვედრის მთავარი მიზანი „ღია მმართველობის პარტნიორობის” საერთაშორისო ტენდენციების გაცნობა, საქართველოს სამოქმედო გეგმის შესახებ სამოქალაქო საზოგადოების რეკომენდაციების მიღება, პრიორიტეტული მიმართულებების განსაზღვრა და მოქალაქეთა თანამონაწილეობის ხელშეწყობის საკითხების განხილვა იყო. 
მრგვალი მაგიდა იუსტიციის მინისტრის  მოადგილე ალექსანდრე ბარამიძის და დემოკრატიული  მმართველობის პროგრამის დირექტორის  მარის მიკელსონის  მისალმებით გაიხსნა.  შეხვედრას ანტიკორუფციული სამუშაო ჯგუფის წევრები, არასამთავრობო ორგანიზაციისა და „ღია მმართველობის პარტნიორობის” სამოქმედო გეგმის შესრულებაზე პასუხისმგებელი უწყებების წარმომადგენლები ესწრებოდნენ. 
 
მრგვალი მაგიდის მონაწილეებს სიტყვით საქართველოში USAID-ის მისიის დირექტორმა, ბატონმა სტივენ ჰეიკინმა მიმართა. სიტყვით გამოსვლის დროს, ბატონმა ჰეიკინმა   ისაუბრა პრეზიდენტ ობამას ინიციატივის „ღია მმართველობის პარტნიორობის“ მნიშვნელობის შესახებ, რომელიც მთავრობებისგან უპრეცედენტო გამჭვირვალობის მიღწევას, მოსახლეობის წინაშე ანგარიშვალდებულებების გაზრდას გულისხმობს. იგი მიესალმება საქართველოს მთავრობის მზაობას,  აქტიურ თანამშრომლობას,  საზოგადოების წარმომადგენლების ჩართულობას და ხაზი გაუსვა მათი მხრიდან მხარდაჭერასა და დახმარებას. 
 
გიორგი კლდიაშვილმა, IDFI-ის დირექტორმა, წარმოადგინა სამოქალაქო საზოგადოების მიერ შემუშავებული რეკომენდაციები „ღია მმართველობის პარტნიორობის“  სამოქმედო გეგმასთან მიმართებაში. მან აღნიშნა, რომ რეკომენდაციები ემსახურება საჯარო დაწესებულებების გამჭვირვალეობისა და ანგარიშვალდებულებების შესრულებას,  მოქალაქეთა აქტიურ ჩართულობას მთავრობის საქმიანობაში, რაც უპირველესად უკუკავშირის შედეგად მთავრობის ეფექტურ საქმიანობას უწყობს ხელს. პრეზენტაციის დროს ხაზი გაესვა კომუნიკაციის მექანიზმების შემუშავებასა და დანერგვას.    
 
საქართველოს იუსტიციის სამინისტროს ანალიტიკური დეპარტამენტის ხელმძღვანელმა რუსუდან მიხელიძემ ისაუბრა „ღია მმართველობის პარტნიორობის“ სამოქმედო გეგმის პრიორიტეტულ მიმართულებებზე და განმარტა, რომ  აღნიშნულ გეგმაში განსაკუთრებული ადგილი მმართველობის პროცესში  საზოგადოების ჩართულობას ეთმობა. სიტყვით გამოსვლის დროს მან ისაუბრა იუსტიციის სამინისტროს გეგმის ერთერთ მთავარ კომპონენტს ელექტორნული დემოკრატიის პროექტის დანერგვას წარმოადგენს,  რაშიც იგულისხმება უკუკავშირის მიღება დაინტერესებული ჯგუფების მხრიდან ისეთი ფორმებით, როგორიცაა პეტიციების სისტემა, საჯარო ინფორმაციის პროაქტიულად გამოქვეყნება და აქტიური თანამშრომლობა.
 
მონაცემთა გაცვლის სააგენტოს  თავმჯდომარემ, ბატონმა ირაკლი გვენეტაძემ, ისაუბრა ელექტრონული საქართველოს სტრატეგიის სამოქმედო გეგმისა და მოქალაქეთა ჩართულობის ფორმების არსებული პრაქტიკის განვითარებისა და ხელშეწყობის შესახებ.   
 
მონაწილეებს საშუალება ჰქონდათ, დისკუსიის რეჟიმში ღიად ესაუბრათ მოქალაქეთა თანამონაწილეობის ხელშეწყობის ფორმებზე, საჯარო სამსახურების წარმომადგენლობის მომზადებასა და არსებული ინიციატივს ფარგლებში კონკრეტული ნაბიჯების გადადგმის აუცილებლობაზე. 
 
მრგვალი მაგიდა, „ინფორმაციის თავისუფლების განვითარების ინსტიტუტისა“ (IDFI) და USAID-ის G-3  პროგრამის “კანონმდებლობის გაუმჯობესება და საზოგადოებრივი ცნობიერების ამაღლება ინფორმაციის თავისუფლების საკითხებში” კოალიციური პროექტის ფარგლებში, იუსტიციის სამინისტროს ინიციატივით გაიმართა.
სხვა მასალები ამ თემაზე
სიახლეები

სპორტული ფედერაციების 2019-2020 ხარჯების ანალიზი

23.09.2021

პერსონალურ მონაცემთა დაცვის აქტუალური საკითხები - ესეების კრებული

22.09.2021

სასერტიფიკატო და საუნივერსიტეტო პროგრამა - დეზინფორმაციისა და პროპაგანდის კვლევა: ისტორია, თეორიები და გაბათილების საშუალებები - დაიწყო

21.09.2021

არქივები და კონსპირაციის თეორები: ბულგარეთის მართლმადიდებლური ეკლესიის მაგალითი

17.09.2021
განცხადებები

IDFI ფარული მასალების გავრცელებას ეხმიანება

17.09.2021

IDFI-ის განცხადება გენერალური პროკურორის არჩევის წესის ცვლილებასთან დაკავშირებით

08.09.2021

ევროკავშირის დახმარებაზე უარი საქართველოს ევრო-ატლანტიკური კურსიდან გადახვევის ღია დეკლარირებაა

31.08.2021

ვახო სანაიას საქმეზე მართლმსაჯულება სათანადოდ არ აღსრულებულა

25.08.2021
ბლოგპოსტები

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021

სახელფასო პოლიტიკა თვითმმართველობებში და პრემიერის დაპირება

12.08.2021

ფართოზოლოვანი ინფრასტრუქტურის სახელმწიფო პროგრამის საპილოტე პროექტი ოზურგეთში

13.05.2021

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021