საკანონმდებლო ღიაობა და ღია მმართველობის პარტნიორობა - 2015 წლის მიმოხილვა და მზადება 2016 წლისთვის

სიახლეები | პუბლიკაციები | ღია მმართველობის პარტნიორობა | სტატია 16 ნოემბერი 2015

ღია მმართველობის პარტნიორობის (OGP) ინტერნეტ კონფერენცია 17 ნოემბერს გაიმართება სახელწოდებით ,,2015 წლის მიმოხილვა და მზადება 2016 წლისთვის: საკანონმდებლო ღიაობა და ღია მმართველობის პარტნიორობა." ინტერნეტ კონფერენცია 19:00 საათზე დაიწყება და 1 საათს გასტანს.


ინტერნეტ კონფერენციის სპონსორებს, OGP-ის მხარდაჭერის დეპარტამენტსა და მსოფლიო ბანკის ჯგუფს მიაჩნიათ, რომ 2015 წელს, ღია მმართველობის პარტნიორობამ მრავალ ქვეყანაში შეუწყო ხელი საკანონმდებლო ღიაობის გაუმჯობესებას. ამჯერად კი, ინტერნეტ კონფერენციის მსვლელობისას განიხილება საქართველოს ღია პარლამენტის სამოქმედო გეგმა.


ამასთანავე, ინტერნეტ კონფერენციის დროს საქართველოს ღია პარლამენტის სამუშაო ჯგუფს შეეძლება წარმოაჩინოს საქართველოს პარლამენტის წვლილი საქართველოს ღია პარლამენტის სამოქმედო გეგმის შემუშავებაში, რომელიც საქართველოს პარლამენტმა სამოქალაქო საზოგადოებასთან თანამშრომლობით ჩამოაყალიბა. ინტერნეტ კონფერენციაზე საქართველოს პარლამენტისა და სამოქალაქო საზოგადოების წარმომადგენლები ისაუბრებენ მათ თანამშრომლობაზე ღია მმართველობის პარტნიორობის ფარგლებში, განიხილავენ თუ რა აქტივობები განახორციელეს საქართვლოში საკანონმდებლო ღიაობის ხელშესაწყობად, რა იყო მათ მიერ განხორციელებული წარმატებული ნაბიჯები და რა გამოცდილება მიიღეს აღნიშნული თანამშრომლობიდან.


ღია მმართველობის პარტნიორობის ინტერნეტ კონფერენციაზე მომხსენებლები იქნებიან: გიორგი კლდიაშვილი - ინფორმაციის თავისუფლების განვითარების ინსტიტუტის (IDFI) დირექტორი და OGP-ის საქართველოს ფორუმის თანა-თავმჯდომარე, სკოტ ჰაბლი - ეროვნული დემოკრატიული ინსტიტუტის (NDI) მმართველობის პროგრამების დირექტორი (NDI, ჩილეს კონგრესთან ერთად არის ღია მმართველობის პარტნიორობის საკანონმდებლო ღიაობის სამუშაო ჯგუფის თანა-თავმჯდომარე) და ნინო ბერაძე - საქართველოს პარლამენტის საზოგადოებასთან ურთიერთობისა და ინფორმაციის დეპარტამენტის უფროსი.


OGP-ის ინტერნეტ კონფერენციაში მონაწილეობის მისაღებად, გთხოვთ რეგისტრაცია გაიაროთ ბმულზე.

სხვა მასალები ამ თემაზე
სიახლეები

ტრენინგი თემაზე "FATF-ის მე-8 რეკომენდაცია არაკომერციული იურიდიული პირებისთვის"

01.06.2020

5G ტექნოლოგია, რუსული დეზინფორმაცია და კორონავირუსი

27.05.2020

ივანე ჯავახიშვილი და საქართველოს დამოუკიდებლობა

26.05.2020

ბენიამინ (ბენია) ჩხიკვიშვილის მემორიალური ალბომი

26.05.2020
განცხადებები

პარლამენტმა მხარი არ უნდა დაუჭიროს კანონპროექტს ინფორმაციული უსაფრთხოების შესახებ

29.05.2020

IDFI-ი მოუწოდებს საქართველოს პარლამენტს არ დაუშვას კანონპროექტის დაჩქარებული წესით მიღება

20.05.2020

IDFI-ის განცხადებით ხელისუფლებამ უნდა გააკეთოს მკაფიო განმარტება მოსალოდნელი შეზღუდვების სამართლებრივი საფუძვლების შესახებ

15.05.2020

პარლამენტმა სასამართლოს აქტების ხელმისაწვდომობის უზრუნველსაყოფად განსახორციელებელი საკანონმდებლო ცვლილების მიღება გადადო

02.05.2020
ბლოგპოსტები

ივანე ჯავახიშვილი და საქართველოს დამოუკიდებლობა

26.05.2020

მეორე მსოფლიო ომში გამარჯვების დღის მითვისება რუსული პროპაგანდის მიერ

08.05.2020

საქართველოს მოსახლეობის დამოკიდებულება პროკურატურის მიმართ

04.05.2020

ქართული პრესისა და ბეჭდვითი მედიის ცენზურის მიმოხილვა

03.05.2020