საქართველოს მთავრობის მიერ „ღია მმართველობის პარტნიორობის“ 2016-2017 წლების სამოქმედო გეგმით აღებული ვალდებულებების მიმოხილვა

სიახლეები | პუბლიკაციები | ღია მმართველობა | სტატია 1 დეკემბერი 2016

ავტორი: ნატალია ვარაზი, ლევან ავალიშვილი და გიორგი კლდიაშვილი

 

2016 წლის 11 ნოემბერს საქართველოს მთავრობამ „ღია მმართველობის პარტნიორობის“ რიგით მესამე, 2016-2017 წლების, სამოქმედო გეგმა დაამტკიცა. აღნიშნული სამოქმედო გეგმა, სამოქალაქო და ბიზნეს სექტორებთან, აგრეთვე საერთაშორისო ორგანიზაციებთან მჭიდრო თანამშრომლობით, „ღია მმართველობა საქართველოს“ სამდივნოს (საქართველოს იუსტიციის სამინისტროს ანალიტიკური დეპარტამენტის) მიერ „ღია მმართველობა საქართველოს“ ფორუმის ფარგლებშია შემუშავებული და მასში 24 უწყების 24 ვალდებულებაა გაერთიანებული. აღსანიშნავია, რომ 2016-2017 წლების სამოქმედო გეგმის შემუშავების მიზნით, საქართველოს მასშტაბით 19 შეხვედრა გაიმართა.

 

საჯარო კონსულტაციების ტექნიკურ მხარდაჭერას აშშ-ს განვითარების სააგენტოს „კარგი მმართველობის ინიციატივა“ (USAID Good Governance Initiative in Georgia) ახორციელებდა, ხოლო ინფორმაციის თავისუფლების განვითარების ინსტიტუტი (IDFI), როგორც ღია მმართველობა საქართველოს ფორუმის თანათავმჯდომარე ორგანიზაცია,  აქტიურად იყო ჩართული სამოქმედო გეგმასთან დაკავშირებული კონსულტაციების დაგეგმვისა და ორგანიზების პროცესში. 

 

„ღია მმართველობის პარტნიორობის“ 2016-2017 წლების სამოქმედო გეგმის შემუშავების მიზნით საკონსულტაციო შეხვედრები ისეთ ქალაქებში ჩატარდა, როგორიცაა ბორჯომი, ბათუმი, სამტრედია და სხვა. ამასთან, უნდა აღინიშნოს, რომ ახლად დამტკიცებულ სამოქმედო გეგმაში შესული რამდენიმე ვალდებულება სწორედ რომ საჯარო კონსულტაციების შედეგად იქნა შემუშავებული. მათ შორისაა მუნიციპალიტეტების ვალდებულებები ბიუჯეტის შემუშავების ჩართულობითი პროცესის შესახებ, ადგილობრივ თვითმმართველობაში პროცესების ღიაობისა და იუსტიციის სახლის შეზღუდული შესაძლებლობების პირებისთვის ადაპტირების შესახებ. 2016-2017 წლების სამოქმედო გეგმის შემუშავების პროცესთან დაკავშირებით, „ღია მმართველობის პარტნიორობის“ რეგულაციების შესაბამისად, OGP-ის საქართველოს სამდივნომ რეკომენდაციები რამდენიმე არასამთავრობო ორგანიზაციისაგან, მათ შორის „ინფორმაციის თავისუფლების განვითარების ინსტიტუტისაგან“ (IDFI), მიიღო.

 

მესამე სამოქმედო გეგმის ვალდებულებებზე საუბრისას, საყურადღებოა, რომ აღნიშნული გეგმის იმპლემენტაციაზე პასუხისმგებელი უწყებების რაოდენობა 17-დან 24-მდე გაიზარდა. სახელდობრ, IDFI-ის  რეკომენდაციების შესაბამისად, „ღია მმართველობა საქართველოს“ ფორუმს დაემატა ისეთი უწყებები, როგორიცაა საქართველოს შრომის, ჯანმრთელობისა და სოციალური დაცვის სამინისტრო, საქართველოს ენერგეტიკის სამინისტრო, საქართველოს ეკონომიკისა და მდგრადი განვითარების სამინისტრო, საქართველოს რეგიონალური განვითარებისა და ინფრასტრუქტურის სამინისტრო, საქართველოს სასჯელაღსრულებისა და პრობაციის სამინისტრო, საქართველოს მთავარი პროკურატურა და სსიპ „კონკურენციის სააგენტო“.

 

„ღია მმართველობის პარტნიორობის“ 2016-2017 წლების სამოქმედო გეგმის სტრუქტურულ მხარეზე საუბრისას, აღსანიშნავია, რომ ის 5 გამოწვევას მოიცავს და ესენია:

 

- გამოწვევა I: საჯარო რესურსების გაუმჯობესება;

- გამოწვევა II: საჯარო სექტორში კეთილსინდისიერების ამაღლება;

- გამოწვევა   III:  საჯარო რესურსების უკეთესი მართვა;

- გამოწვევა IV: უსაფრთხო გარემოს შექმნა;

- გამოწვევა V: კორპორატიული პასუხისმგებლობის გაუმჯობესება.

 

ამასთან, თითოეული გამოწვევა სხვადასხვა სახის და რაოდენობის ვალდებულებებს აერთიანებს:

 

გამოწვევა I: საჯარო რესურსების გაუმჯობესება: 6 ვალდებულება (მათ შორის, ინოვაციების ეკოსისტემის შექმნა, შეზღუდული შესაძლებლობების მქონე პირების მოთხოვნებთან იუსტიციის სახლის სერვისების ადაპტირება და სხვა);

 

გამოწვევა II: საჯარო სექტორში კეთილსინდისიერების ამაღლება: 7 ვალდებულება (მათ შორის სასამართლო გადაწყვეტილებების გამოქვეყნების ერთიანი წესის დადგენა, ინფორმაციის თავისუფლების კანონის შემუშავება და სხვა);

 

გამოწვევა   III: საჯარო რესურსების უკეთესი მართვა; 2 ვალდებულება (საჯარო ფინანსების ზედამხედველობის (საჯარო აუდიტის) პროცესში მოქალაქეთა ჩართულობის გაზრდა, ელექტრონული ინოვაციები საჯარო შესყიდვების მეტი გამჭვირვალობისა და ეფექტიანობისთვის);

 

გამოწვევა IV: უსაფრთხო გარემოს შექმნა: 3 ვალდებულება (გარემოსდაცვითი შეფასების კოდექსის მიღება, „112“-თან დაკავშირების ალტერნატიული არხის - მობილური აპლიკაციის დანერგვა და სხვა);

 

გამოწვევა V: კორპორატიული პასუხისმგებლობის გაუმჯობესება: 3 ვალდებულება (ეკონომიკური აგენტებისათვის გზამკვლევის შემუშავება, კომპანიების მიერ ანგარიშების ელექტრონულად წარმოდგენა და ხელმისაწვდომობის უზრუნველყოფა და სხვა).

 

საყურადღებოა, რომ 2016-2017 წლების სამოქმედო გეგმაში მუნიციპალიტეტებისათვის განსაზღვრული ვალდებულებები ცალკე თავად არის მოცემული. სამოქმედო გეგმის თანახმად, მუნიციპალიტეტის ორგანოები საჯარო სექტორში კეთილსინდისიერების ამაღლებისა (გამოწვევა II) და საჯარო რესურსების უკეთესი მართვით (გამოწვევა III) გათვალისწინებული ვალდებულებების იმპლემენტაცია ევალებათ. 

 

 

სხვა მასალები ამ თემაზე
სიახლეები

IDFI-ის აღმასრულებელმა დირექტორმა ღია პარლამენტის ფორუმზე დეზინფორმაციასთან ბრძოლაში პარლამენტის როლზე ისაუბრა

03.12.2021

ვებგვერდის პრეზენტაცია - www.historyproject.ge

01.12.2021

ბენეფიციარ მესაკუთრეთა მონიტორნიგის გზამკვლევი

26.11.2021

აღმოსავლეთ ევროპის პარტნიორობის ქვეყნების პოლიტიკური გაერთიანებების წარმომადგენლები IDFI-ის ესტუმრნენ და მის საქმიანობას გაეცვნენ

26.11.2021
განცხადებები

დეზინფორმაცია და არჩევნები – 2021 წლის ადგილობრივი თვითმმართველობის არჩევნების შეჯამება

03.12.2021

კოალიცია უზენაესი სასამართლოს მოსამართლეების დანიშვნას კრიტიკულად აფასებს

02.12.2021

არასამთავრობო ორგანიზაციები საკონსტიტუციო ცვლილებებთან დაკავშირებით ირაკლი კობახიძის განცხადებას უარყოფითად აფასებენ

01.12.2021

კოალიცია პარლამენტში უზენაესი სასამართლოს მოსამართლეობის კანდიდატებთან გასაუბრებების დაწყებას ეხმაურება

24.11.2021
ბლოგპოსტები

ონლაინ ინფორმაციის მანიპულირების ეფექტები: ვინ უნდა შეიმუშავოს და განახორციელოს საჭირო მექანიზმები

20.10.2021

სამთავრობო OGP-ის რეგრესი საქართველოში

06.10.2021

სიკვდილი, როგორც საარჩევნო კამპანიის ძირითადი ნარატივი საქართველოში

29.09.2021

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021