პროექტები

2018 და 2019 წელს, ორგანიზაცია NGOsource შეამოწმა IDFI-ის ფინანსური და ორგანიზაციული გამართულობა და შედეგად IDFI-ს აშშ-ის საზოგადოებრივი ორგანიზაციის ეკვივალენტობის სერტიფიკატი მიანიჭა. შედეგად, IDFI შევიდა სპეციალურ სიაში, საიდანაც აშშ-ის გრანტის გამცემ ორგანიზაციებს შეუძლიათ გაეცნონ IDFI-ის ფინანსურ და ორგანიზაციულ გამართულობას და დამატებითი შემოწმების გარეშე გამარტივებული და სწრაფი პროცედურით გადასცეს ორგანიზაციას გრანტი.

პროექტი დონორი პერიოდი თანხა ხელშეკრულება
საქართველოში გამჭვირვალობის და მოქალაქეთა მონაწილეობის შესახებ სახელმძღვანელოს განახლებაზე საკონსულტაციო მომსახურების გაწევა ევროპის საბჭო 2020 € 2,500

 

 

ხელშეკრულების ტიპი/ პროექტი: პირდაპირი დაფინანსება / ერთჯერადი კონტრაქტი
კონტრაქტის ნომერი: 2020-417
პროექტის ID / სექტორი: ადგილობრივ და რეგიონულ ხელისუფალთა კონგრესი
კონტრაქტის საგანი: საქართველოში გამჭვირვალობის და მოქალაქეთა მონაწილეობის შესახებ სახელმძღვანელოს განახლებაზესაკონსულტაციო მომსახურების გაწევა
დონორი: ევროპის საბჭო
ბიუჯეტი: 2,500 ევრო
ხანგრძლივობა: 2020 წლის სექტემბერი-ნოემბერი

 

აღწერილობა

 

ევროპის საბჭოს ადგილობრივ და რეგიონულ ხელისუფალთა კონგრესი საქართველოში გამჭვირვალობის და მოქალაქეთა მონაწილეობის შესახებ სახელმძღვანელოს (1-ლი გამოცემა 2017 წელს) განახლებას ახორციელებს. განახლებული სახელმძღვანელო მეორე ვერსიის სახით გამოქვეყნდება, მისი შინაარსი კი საფუძვლად დაედება შემუშავების პროცესში მყოფ ონლაინ ინსტრუმენტს - bE-Open-ს.

 

 

სწორედ აღნიშნულ კონტექსტში შეირჩა განმახორციელებელი მხარე, რათა განახლდეს საქართველოში გამჭვირვალობის და მოქალაქეთა მონაწილეობის შესახებ სახელმძღვანელოს არსებული ვერსია, ყველა იმ ინსტიტუციური და საკანონმდებლო ცვლილებების გათვალისწინებით, რომელიც სახელმძღვანელოს შინაარსთან მოდის კავშირში, მათ შორის: კორუფციასთან ბრძოლა, გამჭვირვალობა, მოქალაქეთა მონაწილეობა და ღია მმართველობა. სახელმძღვანელო აგრეთვე უნდა შეიცავდეს დამატებით თავს - „საჯარო შესყიდვების გამჭვირვალობა”.

 

წარსადგენი დოკუმენტები და ბიუჯეტი

ხელშეკრულება

საგრანტო ხელშეკრულება

საქართველოში გამჭვირვალობის და მოქალაქეთა მონაწილეობის შესახებ სახელმძღვანელოს განახლებაზე საკონსულტაციო მომსახურების გაწევა

იხილეთ მეტი →
გამჭვირვალობისა და ეთიკური სტანდარტების ხელშეწყობა ხელოვნური ინტელექტის (AI) გამოყენებაში არაკომერციული სამართლის საერთაშორისო ცენტრი, Inc. (ICNL) 2020 $19,999

 

პროექტის დასახელება: გამჭვირვალობისა და ეთიკური სტანდარტების ხელშეწყობა ხელოვნური ინტელექტის (AI) გამოყენებაში  
დონორი ორგანიზაცია: არაკომერციული სამართლის საერთაშორისო ცენტრი, Inc. (ICNL)
პროექტის საკონტრაქტო ნომერი: Netherlands.2020.IDFI.01
ბიუჯეტი: $19,999
პროექტის ხანგრძლივობა: 01 ივლისი, 2020 –31 დეკემბერი, 2020

 

კონტექსტი

 

ხელოვნურ ინტელექტს აქვს პოტენციალი მნიშვნელოვნად შეუწყოს ხელი სახელმწიფო ადმინისტრაციის რეფორმას, გადაწყვეტილებების მიღების და სერვისების მიწოდების კუთხით. თუმცა, მისი გამოყენება დაკავშირებულია გარკვეულ გამოწვევებთან არასაკმარისი გამჭვირვალობის, ანგარიშვალდებულების, მონაცემთა ზედამხედველობის მექანიზმების, სიზუსტის და სამართლიანობის თვალსაზრისით. გარდა ამისა, ისეთ ქვეყანაში, როგორიცაა საქართველო, რომელსაც არ აქვს საკმარისი ზედამხედველობის მექანიზმები სამართალდამცავი ორგანოების მიმართ და სადაც სასამართლო სისტემის დამოუკიდებლობა კვლავ საეჭვოა, გადაწყვეტილების მიღებაში ხელოვნური ინტელექტის გამოყენება შეიძლება მოხდეს პირადი ცხოვრების უფლების ხელყოფით.

 

შინაგან საქმეთა სამინისტროს მიერ შემუშავებული სახის ამომცნობი სისტემის გამოყენება საჭიროებს შესწავლას და შეფასებას. სისტემის ექსპლუატაცია დაიწყო 2017 წლის ივნისში, და მუშაობს 400 CCTV სათვალთვალო კამერის მეშვეობით, რომლებიც დამონტაჟებულია საქართველოს დიდ ქალაქებში, მათ შორის დედაქალაქ თბილისში. გარდა ამისა, თბილისის მერია განიხილავს თბილისის მეტროს სისტემაში სახის ამომცნობი ბიომეტრიული  კამერების დანერგვას და ამ ტექნოლოგიის საზოგადოებრივი ტრანსპორტის სისტემაში გამოყენებას. ამრიგად, მნიშვნელოვანია ამ საკითხის სიღრმისეული გამოკვლევა, კერძოდ, საქართველოს საჯარო უწყებების მიერ სახის ამომცნობი ტექნოლოგიების გამოყენების, განსაკუთრებული ყურადღება უნდა დაეთმოს შინაგან საქმეთა სამინისტროს. გარდა ამისა, აუცილებელია სამთავრობო ინსტიტუტების წარმომადგენლების, ფართო საზოგადოების და სხვა დაინტერესებულ მხარეების ცნობიერების ამაღლება ხელოვნური ინტელექტის გამოყენების და მისი შედეგების შესახებ. რაც მთავარია, საკითხის სიახლიდან გამომდინარე, აუცილებელია მათი ინფორმირება ხელოვნური ინტელექტის გამოყენებასთან დაკავშირებული ეთიკის და გამჭვირვალობის სტანდარტების შესახებ. ასევე, IDFI მიიჩნევს, რომ ძალზედ მნიშვნელოვანია ამ მხრივ შესაძლებლობების გაძლიერება და სახელმწიფო ინსპექტორის სამსახურის ჩართულობის მხარდაჭერა.

 

პროექტის მიზნები

 

ამ პროექტის საშუალებით, IDFI მიზნად ისახავს, საჯარო უწყებების მიერ ხელოვნური ინტელექტის გამოყენების საკითხებში მეტი გამჭვირვალობისა და ეთიკური სტანდარტების შემუშავების და დანერგვის ხელშეწყობას.

 

ამ მიზნით, IDFI:

 

  - შეისწავლის და დაადგენს ძირითად გამოწვევებს საჯარო უწყებების მიერ ხელოვნური ინტელექტის/სახის ამომცნობი სისტემების გამოყენების თვალსაზრისით (შინაგან საქმეთა სამინისტროზე განსაკუთრებული ყურადღების გამახვილებით);

 

  - ხელს შეუწყობს საჯარო უწყებების მიერ ხელოვნური ინტელექტის/სახის ამომცნობი ტექნოლოგიების გამოყენების საკითხებში მეტი გამჭვირვალობისა და ეთიკური სტანდარტების შემუშავებას და დანერგვას.

 

  - ხელს შეუწყობს ამ საკითხის საჯარო განხილვას;

 

  - იმუშავებს ამ საკითხის შესახებ ყველა შესაბამისი დაინტერესებული მხარის ცნობიერების ამაღლებაზე.

 

პროექტის აქტივობები

 

აღნიშნული მიზნების მისაღწევად, IDFI განახორციელებს შემდეგ აქტივობებს:

 

1) საწყისი სამუშაო შეხვედრა სამთავრობო უწყებების წარმომადგენლებთან, რომლებიც იყენებენ ხელოვნურ ინტელექტს გადაწყვეტილების მიღების პროცესში.

 

2) მეთოდოლოგიის განახლება, ინფორმაციის მოთხოვნების გაგზავნა და (საჭიროების შემთხვევაში) ინტერვიუების ჩატარება.

 

3) საქართველოს საჯარო უწყებების მიერ ხელოვნური ინტელექტის გამოყენების კვლევა - შეგროვებული მონაცემების საფუძველზე, IDFI მოამზადებს კვლევას საჯარო უწყებების მიერ გადაწყვეტილების მიღების პროცესში ხელოვნური ინტელექტის გამოყენების შესახებ, რამდენად იცავენ ისინი ეთიკის და გამჭვირვალობის სტანდარტებს და არსებობს თუ არა ამ პროცესში ანგარიშვალდებულების რაიმე მექანიზმი.

 

4) პოლიტიკის რეკომენდაციების და ეთიკის და გამჭვირვალობის სტანდარტების შემუშავება - გამოვლენილი გამოწვევების საფუძველზე, IDFI შეიმუშავებს პოლიტიკის რეკომენდაციებს, ამ მიმართულებით საუკეთესო საერთაშორისო სტანდარტებისა და პრაქტიკის გათვალისწინებით.

 

5) შემდგომი სამუშაო შეხვედრა - ძირითადი დასკვნების და რეკომენდაციების შემუშავების შემდგომ, IDFI ჩაატარებს მეორე სამუშაო შეხვედრას ყველა შესაბამისი საჯარო უწყების წარმომადგენლებთან.

 

6) დასკვნითი კონფერენცია - სამუშაო შეხვედრის დასრულების შემდეგ, IDFI დაასრულებს კვლევასა და რეკომენდაციებს. მომზადების შემდეგ, დოკუმენტები ითარგმნება და დაიბეჭდება.

 

7) ტრენინგის ჩატარება შესაბამისი საჯარო უწყებებისთვის, რომლებიც იყენებენ ხელოვნურ ინტელექტს - IDFI ჩაატარებს პრაქტიკულ ტრენინგს, საჯარო უწყებების წარმომადგენლების ცნობიერების ამაღლების მიზნით, ხელოვნური ინტელექტის, სახის ამომცნობი და ავტომატური გადაწყვეტილების მიმღები სისტემების გამოყენების ეთიკის და გამჭვირვალობის სტანდარტების შესახებ.

 

8) საკითხის შესახებ ცნობიერების ამაღლება - საჯარო მოხელეებზე მორგებული ტრენინგის გარდა, IDFI მოამზადებს ინფორმაციულ ბროშურას ფართო საზოგადოებისთვის, რათა მოხდეს მოქალაქეების ცნობიერების ამაღლება აღნიშნულ საკითხთან დაკავშირებით.

 

დაგეგმილი ღონისძიებები და ბიუჯეტი 

 

ხელშეკრულება

საგრანტო ხელშეკრულება

პროექტის მიზანია საჯარო უწყებების მიერ ხელოვნური ინტელექტის გამოყენების საკითხებში მეტი გამჭვირვალობისა და ეთიკური სტანდარტების შემუშავების და დანერგვის ხელშეწყობა.

იხილეთ მეტი →
თელავისა და ლაგოდეხის მუნიციპალიტეტების მერიებისთვის გამჭვირვალობის და კეთილსინდისიერების სტრატეგიისა და სამოქმედო გეგმის შემუშავება USAID-ის კარგი მმართველობის ინიციატივა საქართველოში, Tetra Tech ARD 2020 GEL 40,970

 

 

 

პროექტის დასახელება: თელავისა და ლაგოდეხის მუნიციპალიტეტების მერიებისთვის  გამჭვირვალობის და კეთილსინდისიერების სტრატეგიისა და სამოქმედო გეგმის შემუშავება

დონორი ორგანიზაცია: USAID-ის კარგი მმართველობის ინიციატივა საქართველოში, Tetra Tech ARD

პროექტის ნომერი: GGI-SUB-042

ბიუჯეტი: 40,970 ლარი

პროექტის ხანგრძლივობა: 23 აპრილი 2020 – 31 აგვისტო, 2020

 

 

პროექტის მიზნები

 

პროექტის ძირითადი მიზანია გააძლიეროს თელავისა და ლაგოდეხის მერიების შესაძლებლობები ადგილობრივ დონეზე კორუფციის წინააღმდეგ ბრძოლის თვალსაზრისით.

 

პროექტის კონკრეტული მიზანია თელავისა და ლაგოდეხის მერიების მხარდაჭერა შემდეგი მიმართულებით:

 

1) გამჭვირვალობის და კეთილსინდისიერების სტრატეგიის და შესაბამისი სამოქმედო გეგმის შემუშავება და მონიტორინგის მექანიზმების შექმნა; 

 

2) კეთილსინდისიერებასა და გამჭვირვალობაზე მერიების თანამშრომლებისთვის ცნობიერების ამაღლების აქტივობების ორგანიზება, რათა მათ წარმატებულად შეძლონ ანტიკორუფციული ზომების პრაქტიკაში დანერგვა.

 

 

პროექტის აქტივობები

 

ზემოაღნიშნული მიზნების მისაღწევად, IDFI განახორციელებს შემდეგ აქტივობებს:

 

- დეტალური მეთოდოლოგიის შემუშავება;

 

- დეტალური სამუშაო გეგმის შემუშავება;

 

- სიტუაციის ყოვლისმომცველი ანალიზის მომზადება;

 

-  სიტუაციური ანალიზის ანგარიშისა და რეკომენდაციების მომზადება;

 

- სტრატეგიებისა და სამოქმედო გეგმების პირველადი ვერსიების შემუშავება;

 

- საჯარო დისკუსიების ჩატარება (ფოკუს ჯგუფი);

 

- სტრატეგიებისა და სამოქმედო გეგმების დასრულება;

 

- ტრენინგ მოდულის შემუშავება;

 

- შესაძლებლობების განსავითარებლად საჭირო აქტივობების ორგანიზება.

 

აქტივობების განრიგი

 

კონტრაქტი

 

ბიუჯეტი

საგრანტო ხელშეკრულება

პროექტის მიზანია გააძლიეროს თელავისა და ლაგოდეხის მერიების შესაძლებლობები ადგილობრივ დონეზე კორუფციის წინააღმდეგ ბრძოლის თვალსაზრისით

იხილეთ მეტი →
ღია მონაცემების პრაქტიკის განვითარება გორის, ლაგოდეხის, ოზურგეთის, სენაკის, თელავისა და ზუგდიდის მუნიციპალიტეტების მერიებში USAID-ის კარგი მმართველობის ინიციატივა საქართველოში, Tetra Tech ARD 2020 GEL 70,171.50

 

 

 

პროექტის სახელწოდება: ღია მონაცემების პრაქტიკის განვითარება გორის, ლაგოდეხის, ოზურგეთის, სენაკის, თელავისა და ზუგდიდის მუნიციპალიტეტების მერიებში
დონორი ორგანიზაცია: USAID-ის კარგი მმართველობის ინიციატივა საქართველოში, Tetra Tech ARD
პროექტის კოდი: GGI-SUB-041
სრული ბიუჯეტი: 70,171.50 GEL
ხანგრძლივობა: 1 მაისი, 2020 – 31 აგვისტო,2020

 

პროექტის მიზნები

 

პროექტის ზოგადი მიზანია გორის, ლაგოდეხის, ოზურგეთის, სენაკის, თელავის და ზუგდიდის მუნიციპალიტეტებში კარგი მმართველობის გაუმჯობესება და ღია მონაცემების პოლიტიკის მიმართ ცნობიერების ამაღლება.

 

პროექტის კონკრეტული მიზნებია:

 

1. გორის, ლაგოდეხის, ოზურგეთის, სენაკის, თელავის და ზუგდიდის მუნიციპალიტეტების სპეციფიური საჭიროებების იდენტიფიცირება ღია მონაცემების შეგროვების, დამუშავების და გამოქვეყნების პრაქტიკებთან მიმართებაში.

 

2. საქართველოში არსებული ღია მონაცემების სახელმძღვანელოს გადახედვა და მისი მორგება მუნიციპალიტეტებში არსებულ საჭიროებებზე.

 

3. იდენტიფიცირებულ საჭიროებებზე დაყრდნობით ტრენინგ მოდულის და მასალების შემუშავება.

 

4. მუნიციპალიტეტის საჯარო მოხელეებისთვის შესაბამისი ტრენინგების ჩატარება ღია მმართველობის პრაქტიკის გაუმჯობესების მიზნით.

  

პროექტის აქტივობები

 

აღნიშნული მიზნების მისაღწევად, IDFI შემდეგ აქტივობებს განახორციელებს:

 

- დეტალური მეთოდოლოგიის შემუშავება

 

- დეტალური სამუშაო გეგმის შემუშავება და მუნიციპალიტეტების წარმომადგენლებთან კომუნიკაცია

 

- ღია მონაცემების შეგროვების, დამუშავების და გამოქვეყნების არსებული პრაქტიკების ყოვლისმომცველი სიტუაციური ანალიზის მომზადება (სიტუაციური ანალიზის პროცესი სხვა კომპონენტებთან ერთად უნდა მოიცავდეს ფოკუს ჯგუფების ჩატარებას სხვადასხვა დაინტერესებულ მხარეებთან)

 

- სიტუაციურ ანალიზსა და საერთაშორისო საუკეთესო პრაქტიკაზე დაყრდნობით, თითოეული მუნიციპალიტეტის საჭიროებებზე მორგებული რეკომენდაციების და სიტუაციური ანგარიშებისშემუშავება.

 

- ღია მონაცემების სახელმძღვანელოს განახლება

 

- ტრენინგ მოდულის და მასალების შემუშავება

 

- შესაძლებლობების განსავითარებლად საჭირო აქტივობების ორგანიზება 6 მუნიციპალიტეტის მერიის საჯარო მოხელეებისთვის, რათა მათ პრაქტიკაში შეძლონ მონაცემების შეგროვება, დამუშავება და გამოქვეყნება.

 

- საბოლოო შედეგების ჩაბარება, გატარებული სამუშაოების და მიღწეული შედეგების მოკლე აღწერით.

 

დაგეგმილი ღონისძიებები და ბიუჯეტი

 

კონტრაქტი

საგრანტო ხელშეკრულება

პროექტის მიზანია გორის, ლაგოდეხის, ოზურგეთის, სენაკის, თელავის და ზუგდიდის მუნიციპალიტეტებში კარგი მმართველობის გაუმჯობესება და ღია მონაცემების პოლიტიკის მიმართ ცნობიერების ამაღლება.

 

იხილეთ მეტი →
ციფრული უფლებების სამართლებრივი გარანტიების უზრუნველყოფა საქართველოში Counterpart International 2020 GEL 110,695

 

 

 

პროექტის სახელწოდება: ციფრული უფლებების სამართლებრივი გარანტიების უზრუნველყოფა საქართველოში
დონორი ორგანიზაცია: Counterpart International
პროექტის კოდე: AID-OAA-LA-11-00008
სრული ბიუჯეტი: 110,695 GEL (34,964 USD)
პროექტის ხანგრძლივობა: 15 აპრილი - 28 აგვისტო, 2020

 

აღწერა


ინტერნეტი საქართველოში თავისუფლად მიიჩნევა. Freedom House-ის ანგარიში თანახმად, ინტერნეტი 2012 წლიდან თავისუფალია. თუმცა, 2016 წელს საერთაშორისო პლატფორმების, როგორიცაა, Wordpress და Youtube–ის დაბლოკვა და ბოლო პერიოდში შემოთავაზებული საკამათო ცვლილებები „ინფორმაციული უსაფრთხოების შესახებ“ საქართველოს კანონში ცხადყოფს სამოქალაქო საზოგადოების ჩართულობის აუცილებლობას ციფრული უფლებების სამართლებრივი გარანტიების გაუმჯობესების მიზნით. უსაფრთხოებასთან დაკავშირებული რისკების მიუხედავად, მნიშვნელოვანია ინტერნეტის თავისუფლებასა და უსაფრთხოებას შორის ოპტიმალური ბალანსის პოვნა, განსაკუთრებით საქართველოსთვის, რომელსაც არ გააჩნია სამოქალაქო კონტროლის საკმარისი მექანიზმები სამართალდამცავი ორგანოების მიმართ და სადაც, სასამართლო სისტემის დამოუკიდებლობა ჯერ კიდევ ეჭვქვეშ დგას.


მნიშვნელოვანია, სამოქალაქო საზოგადოების პერსპექტივის გათვალისწინება და ასახვა ქართული ინფორმაციული უსაფრთხოების სისტემის და კანონმდებლობის ცვლილების დროს. ასევე, მნიშვნელოვანია საერთაშორისო საუკეთესო პრაქტიკის და ადგილობრივი გამოწვევების გათვალისწინება ინტერნეტ თავისუფლების და ინფორმაციული უსაფრთხოების თვალსაზრისით.

 

მიზნები


მთავარი მიზანია საქართველოში საკანონმდებლო დონეზე ციფრული უფლებების სამართლებრივი გარანტიების უზრუნველყოფა და გაძლიერება.

 

ამის მისაღწევად პროექტი შემდეგ ქვე-მიზნებს ისახავს:


- ინტერნეტ თავისუფლებას და უსაფრთხოებას შორის ოპტიმალური ბალანსის პოვნა;


- ამ თვალსაზრისით, საქართველოში არსებული მთავარი პრობლემების და გამოწვევების იდენტიფიცირება;


- საერთაშორისო პრაქტიკის და სტანდარტების შესწავლა;


- ხელისუფლების მიერ შემოთავაზებული ინფორმაციული უსაფრთხოების სისტემის/საკანონმდებლო ჩარჩოს ალტერნატივის შეთავაზება/ადვოკატირება.

 

პროექტის აქტივობები


აღნიშნული მიზნების მისაღწევად, IDFI შემდეგ აქტივობებს განახორციელებს:


1. კიბერ-უსაფრთხოების სისტემის, საკანონმდებლო ჩარჩოს და ინსტიტუციური მოწყობის საერთაშორისო პრაქტიკის/სტანდარტების შესწავლა.


2. საკანონმდებლო რეკომენდაციების შემუშავება


3. შესაბამისი საჯარო უწყებების წარმომადგენლებთან და გადაწყვეტილების მიმღებ პირებთან შეხვედრა


4. საბოლოო კონფერენცია


5. საერთაშორისო ექსპერტისა და IDFI-ის შეხვედრა გადაწყვეტილების მიმღებებ პირებთან

 

დაგეგმილი ღონისძიებები და ბიუჯეტი

 

ხელშეკრულება

 

საგრანტო ხელშეკრულება

პროექტის მიზანია საქართველოში საკანონმდებლო დონეზე ციფრული უფლებების სამართლებრივი გარანტიების უზრუნველყოფა და გაძლიერება.

 

იხილეთ მეტი →
სენაკის მუნიციპალიტეტის მერიისთვის გამჭვირვალობის, ანგარიშვალდებულების და კეთილსინდისიერების სტრატეგიისა და სამოქმედო გეგმის შემუშავება USAID-ის კარგი მმართველობის ინიციატივა საქართველოში, Tetra Tech ARD 2020 GEL 30,065

                                                                           

 

პროექტის დასახელება: სენაკის მუნიციპალიტეტის მერიისთვის  გამჭვირვალობის, ანგარიშვალდებულების და კეთილსინდისიერების სტრატეგიისა და სამოქმედო გეგმის შემუშავება

დონორი ორგანიზაცია: USAID-ის კარგი მმართველობის ინიციატივა საქართველოში, Tetra Tech ARD

პროექტის ნომერი: GGI-SUB-040

ბიუჯეტი: 30,065 ლარი

პროექტის ხანგრძლივობა: 25 მარტი, 2020 – 31 აგვისტო, 2020

 

 

პროექტის მიზნები

 

პროექტის ძირითადი მიზანია გააძლიეროს სენაკის მერიის შესაძლებლობები ადგილობრივ დონეზე კორუფციის წინააღმდეგ ბრძოლის თვალსაზრისით.

 

პროექტის კონკრეტული მიზანია სენაკის მერიის მხარდაჭერა შემდეგი მიმართულებით:

 

1) გამჭვირვალობის, ანგარიშვალდებულების და კეთილსინდისიერების სტრატეგიის და შესაბამისი სამოქმედო გეგმის შემუშავება, ასევე,ინდიკატორების და მონიტორინგის მექანიზმების შექმნა; 

 

2) შესაბამისი თანამშრომლებისთვის შესაძლებლობების განსავითარებლად საჭირო აქტივობების ორგანიზება, რათა მათ წარმატებულად შეძლონ ანტი-კორუფციული ზომების პრაქტიკაში დანერგვა.

 

 

პროექტის აქტივობები

 

ზემოაღნიშნული მიზნების მისაღწევად, IDFI განახორციელებს შემდეგ აქტივობებს:

 

- დეტალური მეთოდოლოგიის შემუშავება;

 

- დეტალური სამუშაო გეგმის შემუშავება;

 

- სიტუაციის ყოვლისმომცველი ანალიზის მომზადება;

 

-  სიტუაციური ანალიზის ანგარიშისა და რეკომენდაციების მომზადება;

 

- მიგნებებისა და რეკომენდაციების პრეზენტაცია;

 

- სტრატეგიებისა და სამოქმედო გეგმების პირველადი ვერსიების შემუშავება;

 

- საჯარო დისკუსიების ჩატარება (ფოკუს ჯგუფი);

 

- სტრატეგიებისა და სამოქმედო გეგმების დასრულება;

 

- ტრენინგ მოდულის შემუშავება;

 

- შესაძლებლობების განსავითარებლად საჭირო აქტივობების ორგანიზება;

 

- საბოლოო შედეგების ჩაბარება.

 

 

დაგეგმილი ღონისძიებები

 

ბიუჯეტი


ხელშეკრულება

საგრანტო ხელშეკრულება

პროექტის მიზანია გააძლიეროს სენაკის მერიის შესაძლებლობები ადგილობრივ დონეზე კორუფციის წინააღმდეგ ბრძოლის თვალსაზრისით

იხილეთ მეტი →
ზუგდიდის მუნიციპალიტეტის მერიისთვის გამჭვირვალობის, ანგარიშვალდებულების და კეთილსინდისიერების სტრატეგიისა და სამოქმედო გეგმის შემუშავება USAID-ის კარგი მმართველობის ინიციატივა საქართველოში, Tetra Tech ARD 2020 GEL 44,025

 

                                                                 

 

 

პროექტის დასახელება: ზუგდიდის მუნიციპალიტეტის მერიისთვის  გამჭვირვალობის, ანგარიშვალდებულების და კეთილსინდისიერების სტრატეგიისა და სამოქმედო გეგმის შემუშავება

დონორი ორგანიზაცია: USAID-ის კარგი მმართველობის ინიციატივა საქართველოში, Tetra Tech ARD

პროექტის ნომერი: GGI-SUB-037

ბიუჯეტი: 44,025 ლარი

პროექტის ხანგრძლივობა: 02 მარტი, 2020 – 31 აგვისტო, 2020

 

 

პროექტის მიზნები

 

პროექტის ძირითადი მიზანია გააძლიეროს ზუგდიდის მერიის შესაძლებლობები ადგილობრივ დონეზე კორუფციის წინააღმდეგ ბრძოლის თვალსაზრისით.

 

პროექტის კონკრეტული მიზანია ზუგდიდის მერიის მხარდაჭერა შემდეგი მიმართულებით:

 

1) გამჭვირვალობის, ანგარიშვალდებულების და კეთილსინდისიერების სტრატეგიის და შესაბამისი სამოქმედო გეგმის შემუშავება, ასევე,ინდიკატორების და მონიტორინგის მექანიზმების შექმნა; 

 

2) შესაბამისი თანამშრომლებისთვის შესაძლებლობების განსავითარებლად საჭირო აქტივობების ორგანიზება, რათა მათ წარმატებულად შეძლონ ანტი-კორუფციული ზომების პრაქტიკაში დანერგვა.

 

 

პროექტის აქტივობები

 

ზემოაღნიშნული მიზნების მისაღწევად, IDFI განახორციელებს შემდეგ აქტივობებს:

 

- დეტალური მეთოდოლოგიის შემუშავება;

 

- დეტალური სამუშაო გეგმის შემუშავება;

 

- სიტუაციის ყოვლისმომცველი ანალიზის მომზადება;

 

-  სიტუაციური ანალიზის ანგარიშისა და რეკომენდაციების მომზადება;

 

- მიგნებებისა და რეკომენდაციების პრეზენტაცია;

 

- სტრატეგიებისა და სამოქმედო გეგმების პირველადი ვერსიების შემუშავება;

 

- საჯარო დისკუსიების ჩატარება (ფოკუს ჯგუფი);

 

- სტრატეგიებისა და სამოქმედო გეგმების დასრულება;

 

- ტრენინგ მოდულის შემუშავება;

 

- შესაძლებლობების განსავითარებლად საჭირო აქტივობების ორგანიზება;

 

- საბოლოო შედეგების ჩაბარება.

 

 

დაგეგმილი ღონისძიებები


ბიუჯეტი

 

ხელშეკრულება

საგრანტო ხელშეკრულება

პროექტის მიზანია გააძლიეროს ზუგდიდის მერიის შესაძლებლობები ადგილობრივ დონეზე კორუფციის წინააღმდეგ ბრძოლის თვალსაზრისით

 

იხილეთ მეტი →
გამოცდილების გაზიარება სახელმწიფო შესყიდვების შესახებ Partners for Transparency Foundation 2019 $16,000

 

 

 

                                                 

 

  

 

 

პროექტის სახელწოდება:  გამოცდილების გაზიარება სახელმწიფო შესყიდვების შესახებ
დონორი ორგანიზაცია:  Partners for Transparency Foundation
სრული ბიუჯეტი:
 16,000 აშშ დოლარი
ხანგძლივობა21 ნოემბერი, 2019 – 22 ნოემბერი, 2019

 

 

კონტექსტი:

სახელმწიფო შესყიდვების სფეროში კორუფციასთან ბრძოლა ერთ-ერთი მნიშვნელოვანია საკითხია რომელიც განხილვას საჭიროებს. ამ სფეროში ქვეყნებს შორის გამოცდილების და კარგი პრაქტიკის გაზიარება ხელს უწყობს პრობლემებისა და გამოწვევების გაანალიზებას და მათი გადაჭრის გზების პოვნას.

 

 

პროექტის შესახებ:

პროექტის ფარგლებში IDFI ვაშინგტონში ბაზირებული საერთაშორისო ორგანიზაციის Partners for Transparency Foundation (PTF) ინდოეთის ფილიალთან (PTF India) თანამშრომლობით უზრუნველყოფს სასწავლო პროგრამის განხორციელებას თემაზე: „გამოცდილების გაზიარება სახელმწიფო შესყიდვების შესახებ“.

 

 

პროექტის მიზანია სასწავლო პროგრამაში მონაწილე ინდოეთის ფედერალური რესპუბლიკის საჯარო უწყებების დეპარტამენტების ხელმძღვანელებსა და სახელმწიფოს მფლობელობაში მყოფი საწარმოების მაღალი თანამდებობის პირებისთვისთვის საქართველოს საჯარო შესყიდვების სისტემაში არსებული კარგი პრაქტიკისა და ნაკლოვანებების შესახებ გამოცდილების გაზიარება.

 

 

 

/public/upload/Magda/other/Agreement.pdf

 

 

საგრანტო ხელშეკრულება

პროექტის ფარგლებში IDFI ვაშინგტონში ბაზირებული საერთაშორისო ორგანიზაციის Partnership for Trasparency Foundation (PTF) ინდოეთის ფილიალთან (PTF India) თანამშრომლობით უზრუნველყოფს სასწავლო პროგრამის ჩატარებას თემაზე: „გამოცდილების გაზიარება სახელმწიფო შესყიდვების შესახებ“

იხილეთ მეტი →
სამხრეთ კავკასიაში კორუფციასთან ბრძოლის მტკიცებულებებზე დაფუძნებული სტრატეგიების კვლევის მხარდაჭერა Bertelsmann Stiftung 2019 €2,000

 

 

                                           

 

 

პროექტის სათაური: სამხრეთ კავკასიაში მტკიცებულებებზე დაფუძნებული კორუფციასთან ბრძოლის  სტრატეგიების კვლევის მხარდაჭერა

დონორი: Bertelsmann Stiftung

მთლიანი ბიუჯეტი: 2,000 ევრო

ხანგრძლივობა: 2019 წლის 9 სექტემბერი - 2019 წლის 20 ოქტომბერი

 

 

Პროექტის აღწერა:

 

პროექტის ფარგლებში, ინფორმაციის თავისუფლების განვითარების ინსტიტუტი (IDFI) ხელს შეუწყობს სამხრეთ კავკასიაში კორუფციასთან ბრძოლის მტკიცებულებებზე დაფუძნებული სტრატეგიების კვლევას, რომელიც მომზადდება სამ ქვეყანაში (საქართველო, სომხეთი, აზერბაიჯანი) ჩატარებული კვლევების საფუძველზე. IDFI კვლევის ავტორს დაეხმარება საქართველოში არსებული სიტუაციის ანალიზის მომზადებაში. IDFI შეისწავლის და შეაგროვებს შინაარსის შესაბამის მასალებს, შეარჩევს რესპონდენტებს საქართველოში და საჭიროებისამებრ ჩაატარებს ინტერვიუებს.

 

სამეცნიერო ნაშრომი ეძღვნება საქართველოში კორუფციის და ორგანიზებული დანაშაულის წინააღმდეგ ბრძოლის ფონზე კანონის უზენაესობის განვითარების ანალიზს. ნაშრომში, სხვა საკითხებთან ერთად, მოცემულია პასუხები კითხვაზე თუ რა ფაქტორები განაპირობებს წარმატებას კორუფციასთან ბრძოლაში. ამასთან, კვლევა ასევე შეიცავს რეკომენდაციებს დონორებისა და სამოქალაქო საზოგადოებისთვის ქვეყნის სპეციფიკურ ჭრილშიკორუფციასთან სტრატეგიული ბრძოლის შესახებ.

 

/public/upload/Magda/other/Bertelsmann.pdf

საგრანტო ხელშეკრულება

პროექტის ფარგლებში, ინფორმაციის თავისუფლების განვითარების ინსტიტუტი (IDFI) ხელს შეუწყობს სამხრეთ კავკასიაში კორუფციასთან ბრძოლის მტკიცებულებებზე დაფუძნებული სტრატეგიების კვლევას

იხილეთ მეტი →
საჯარო სამსახურის კარიერულ განვითარებაში გენდერულად განპირობებული პოტენციური განსხვავებება გაეროს განვითარების პროგრამა 2019 $15,000

პროექტის სახელწოდებაკვლევითი პროექტი საჯარო სამსახურის კარიერულ განვითარებაში გენდერულად განპირობებული პოტენციური განსხვავებების შესახებ

დონორი ორგანიზაციაგაეროს განვითარების პროგრამა (UNDP) საჯარო მმართველობის რეფორმის მხარდაჭერის პროექტის ფარგლებში

პროექტის ნომერი: #00095872

სრული ბიუჯეტი: 15,000 აშშ დოლარი

ხანგრძლივობა: 15ივლისი 2019 – 31დეკემბერი 2019

 

კვლევითი პროექტი საჯარო სამსახურის კარიერულ განვითარებაში გენდერულად განპირობებული პოტენციური განსხვავებების შესახებ გაეროს განვითარების ფონდის მიერ დაფინანსებული ინიციატივაა, რომელიც მიზნად ისახავს, დაადგინოს ის მნიშვნელოვანი გავლენები, რასაც გენდერი შეიძლება ახდენდეს საჯარო სამსახურში კარიერის განვითარებაზე და რამდენად მნიშვნელოვნად აღიქმება ეს განსხვავებები თავად ინდივიდუალური საჯარო მოხელეებისა და ზოგადად, საჯარო სამსახურის მიერ.

 

პროექტის მეორადი ამოცანებია:


- ქალი და კაცი საჯარო მოხელეების კმაყოფილების დონის შესწავლა საჯარო სამსახურის კარიერულ განვითარებასთან მიმართებაში;

 

- პოტენციური გამოწვევების და განსხვავებების გამოვლენა ქალი და კაცი საჯარო მოხელეების პროფესიულ განვითარებაში;

 

- გამოვლენილ განსხვავებებთან მიმართებით ინდივიდუალური საჯარო მოხელეებისა და საჯარო სამსახურის სისტემის აღქმის/დამოკიდებულების გაზომვა;

 

- რეკომენდაციების წარმოდგენა საჯარო სამსახურის კარიერის განვითარების სისტემასთან დაკავშირებით.

 

პროექტის ფარგლებში IDFI განახორციელებს კვლევას, რომელიც შემდეგ მთავარ კითხვებს გასცემს პასუხს:

 

1. როგორია ქალი და კაცი მენეჯერის მიერ გავლილი გზა საჯარო სამსახურში ფეხის შედგმიდან დღეს მიღწეულ პოზიციამდე?


2. როგორია ქალი და კაცი საჯარო მოხელეების აღქმა საჯარო სამსახურში პროფესიული განვითარების საჭიროებისა და სარგებლიანობის შესახებ?


3. რა საჭიროებები, გამოწვევები და მოსაზრებები (როგორც პოზიტიური, აგრეთვე ნეგატიური ფაქტორები) აქვთ ქალ და კაც საჯარო მოხელეებს კარიერის განვითარების თითოეულ ეტაპზე?


4. როგორია ქალი და კაცი საჯარო მოხელეების აღქმა საჯარო სამსახურში კარიერის განვითარების სისტემის ეფექტიანობაზე?


5. რა წარმოადგენს საჯარო მოხელეების კარიერის განვითარების საუკეთესო პრაქტიკას და შესაძლო განსხვავებების აღმოფხვრის საშუალებას?

 

კვლევითი პროექტი ხელს შეუწყობს საჯარო სამსახურში კარიერული განვითარების პროცესში ქალი და კაცი საჯარო მოხელეებისთვის არსებულ შესაძლო განსხვავებულ ფაქტორებს და განსაზღვრავს რეკომენდაციებს მათ აღმოსაფხვრელად.

 

დაგეგმილი ღონისძიებები 

 

პროექტის ბიუჯეტი 

 

ხელშეკრულება

საგრანტო ხელშეკრულება

კვლევითი პროექტის მიზანია, დაადგინოს ის მნიშვნელოვანი გავლენები, რასაც გენდერი შეიძლება ახდენდეს საჯარო სამსახურში კარიერის განვითარებაზე და რამდენად მნიშვნელოვნად აღიქმება ეს განსხვავებები თავად ინდივიდუალური საჯარო მოხელეებისა და ზოგადად, საჯარო სამსახურის მიერ.

იხილეთ მეტი →
ყოფილ საბჭოთა რესპუბლიკებსა და აღმოსავლეთის ბლოკის ქვეყნებში სახელმწიფო არქივების ღიაობის ხელშეწყობა ღია საზოგადოების ინსტიტუტის ბუდაპეშტის ფონდი 2019-2020 $78,980.64

 

 

პროექტის სახელწოდება: ყოფილ საბჭოთა რესპუბლიკებსა და აღმოსავლეთის ბლოკის ქვეყნებში სახელმწიფო არქივების ღიაობის ხელშეწყობა
დონორი ორგანიზაცია: ღია საზოგადოების ინსტიტუტის ბუდაპეშტის ფონდი (OSI)
მთლიანი საგრანტო თანხა: 78,980.64 აშშ დოლარი
პროექტის ნომერი: OR2019-58650
შესრულების პერიოდი: 1 ივნისი 2019 – 31 აგვისტო 2020

 

პროექტის მთავარი მიზანი


პროექტის მთავარი მიზნებია საბჭოთა და ტოტალიტარული წარსულის გააზრება სამეცნიერო კვლევების წახალისებითა და პოსტსაბჭოთა და პოსტსოციალისტურ ქვეყნებში სახელმწიფო არქივების ღიაობის ხელშეწყობით. ეს მიზანი მიიღწევა რამდენიმე ღონისძიებისა და მოქმედების შედეგად. პირველ რიგში მოხდება სახელმწიფო არქივების ღიაობის რეიტინგში აღმოსავლეთის ბლოკის ქვეყნების ჩართვა. პროექტში დაგეგმილი კონფერენციის ფარგლებში გაიმართება შეხვედრა ახალ პარტნიორებთან და ექსპერტებთან. ჩატარდება საარქივო ღიაობის საფუძვლიანი შესწავლა პოსტსაბჭოთა და პოსტსოციალისტურ სივრცეში, რათა ჩამოყალიბდეს ნათელი ხედვა იმის შესახებ, თუ როგორ და სად უნდა მოვითხოვოთ მეტი ღიაობა.

 

მიზანი 1. პოსტსაბჭოთა სივრცეში არქივების ღიაობის მხარდაჭერა სახელმწიფო არქივების ღიაობის რეიტინგის გაფართოებით. პროექტის ერთ-ერთი მიზანია პროექტის პირველ წელს მონაწილე არასამთავრობო ორგანიზაციების და მკვლევართა ქსელის გაზრდა და მასში ახალი ქვეყნების არასამთავრობო ორგანიზაციებისა და მკვლევარების ჩართვა. ქსელის მთავარი მიზანი იქნება აქტიური ადგილობრივი და საერთაშორისო ადვოკატირების კამპანიის წარმოება, არქივებში პოზიტიური ცვლილებების განსახორციელებლად. აგრეთვე, ჩართული მკვლევარები აწარმოებენ საარქივო კვლევას და დაწერენ კვლევებს და სტატიებს საბჭოთა წარსულის შესახებ. 

 

მიზანი 2. საბჭოთა და ტოტალიტარული მეხსიერების კვლევების ხელშეწყობა. საბჭოთა პერიოდისადმი საჯარო ინტერესის გაღვივებით, IDFI გეგმავს პროექტის გაფართოებას და საარქივო დოკუმენტების საფუძველზე საბჭოთა და ტოტალიტარული წარსულის მეხსიერების კვლევების განხორციელებას. ჩვენ ვაპირებთ ორი მიმართულებით მუშაობას: მეხსიერების პოლიტიკა და მეხსიერების დისკურსი.


IDFI ხელს შეუწყობს პარტნიორ მეცნიერებს საბჭოთა პერიოდის საარქივო დოკუმენტებზე დაყრდნობით შექმნან ფართო საზოგადოებისთვის ადვილად გასაგები სტატიები და ბლოგები, რისი მიზანიცაა ჩამოყალიბდეს საფუძველი, სადაც საზოგადოება და დაინტერესებული მხარეები ცვლილებების აუცილებლობას და დესოვიეტიზაციის მნიშვნელობას უფრო მგრძნობიარედ აღიქვამენ. ონლაინ რესურსისთვის - www.open-archives.org, მოწვეული იქნებიან ცნობილი ექსპერტები, რათა დაწერონ სტატიები. პროექტი აგრეთვე ჩართული იქნებიან ახალგაზრდა მეცნიერები რათა დაწერონ და გამოაქვეყნონ სტატიები ექსპერტებთან ერთად. პროექტის გუნდი აგრეთვე შეისწავლის უკვე დაწერილ მნიშვნელოვან სტატიებს და თარგმნის რათა გაზარდოს მათზე ხელმისაწვდომობა. პროექტის გუნდი შექმნის საარქივო კვლევაზე დაფუძნებულ მნიშვნელოვან რესურსს და მოამზადებს ადვილად აღსაქმელ ვიზუალიზაციების და მოკლე ვიდეოებს სამიზნე ქვეყნებში გასავრცელებლად.

 

ხელშეკრულება

 

პროექტის ბიუჯეტი 

 

დაგეგმილი ღონისძიებები

საგრანტო ხელშეკრულება

პოექტის მიზანია პოსტსაბჭოთა სივრცეში არქივების ღიაობის მხარდაჭერა სახელმწიფო არქივების ღიაობის რეიტინგის გაფართოებით.

იხილეთ მეტი →
კორუფციასთან მებრძოლთა საგანმანათლებლო სასერტიფიკატო პროგრამის შემუშავება ღია საზოგადოების ინსტიტუტის ბუდაპეშტის ფონდი 2019-2020 $80,397.42

 

 

 

პროექტის სახელწოდება: კორუფციასთან მებრძოლთა საგანმანათლებლო სასერტიფიკატო პროგრამის შემუშავება

დონორი ორგანიზაცია: ღია საზოგადოების ინსტიტუტის ბუდაპეშტის ფონდი (OSI), ღია საზოგადოების ფონდის (OSGF) თანადაფინანსებით

მთლიანი საგრანტო თანხა: 80,397.42 აშშ დოლარი (OSI - 65,397.42 აშშ დოლარი; OSGF - 15,000 აშშ დოლარი) 

პროექტის ნომერი: OR2019-58650

შესრულების პერიოდი: 1 ივნისი 2019 – 30 ნოემბერი 2020

 


პროექტის მიზნები და ამოცანები



პროექტის მიზანია, შექმნას პროფესიონალთა და აქტივისტთა საზოგადოება, რომელიც აქტიურად ჩაერთვება კორუფციის პრევენციაში, კორუფციის რისკების მართვაში და სისტემური კორუფციის შემთხვევების გამოვლენაში.

 

პროექტის პირველი ამოცანაა, შეიმუშაოს მულტიდისციპლინური კურიკულუმი, რომელიც მოიცავს კორუფციას, როგორც ფენომენს, მის ისტორიულ და ძირეულ მიზეზებს, რისკების მართვაზე პოლიტიკის შემუშავების დონეებს, საჯარო და კერძო ორგანიზაციების კეთილსინდისიერების ასპექტებს, კორუფციასთან დაკავშირებულ უახლეს ტენდენციებს და კორუფციის შემთხვევების გამოვლენაზე გამოძიების, მხილებისა და სხვა მეთოდების გამოყენებას.

 

პროექტის მეორე ამოცანაა, შექნას მაღალი დონის საგანმანათლებლო კურსი და კურსში მონაწილეობა შესთავაზოს სხვადასხვა სფეროს წარმომადგენელი და სხვადასხვა გამოცდილების მქონე პროფესიონალს და სტუდენტებს, რომლებიც საკმარის დროსა და ენერგიას დაუთმობენ საგანმანათლებლო პროცესს, და გაუზიარებენ ერთმანეთს მოსაზრებებს, იდეებსა და გამოცდილებას.

 

პროექტის მესამე ამოცანაა, კურსდამთავრებულთა ძლიერი ქსელის ჩამოყალიბება, რომლელში ჩართული ადამიანებიც გააგრძელებენ თავიანთ სფეროში აქტიურ მუშაობას, და ამავე დროს პერიოდულად ჩაერთვებიან საერთო ღონისძიებებში - იქნება ეს კურსდამთავრებულთა შეხვედრებზე დასწრება, ერთობლივი კვლევითი პროექტების ორგანიზება, თუ ცოდნისა და გამოცდილების გაზიარების შესაძლებლობების შექმნა.



მოსალოდნელი შედეგები:



მოკლევადიანი შედეგი: უახლესი მულტიდისციპლინური სასერტიფიკატო პროგრამის შემუშავება, ცნობილი ადგილობრივი და საერთაშორისო ექსპერტების ჩართვა კურსის განხორციელებაში; პირველი ნაკადის მიღება და კურსდამთავრებულთა ჯგუფის შექმნა.


საშუალოვადიანი შედეგი: კურსის მონაწილეთა თემატური ცოდნისა და უნარ-ჩვევების განვითარება, რაც მათ საშუალებას მისცემს გამოიწვიონ დადებითი ცვლილებები მათ მომავალ საქმიანობაში.


გრძელვადიანი შედეგი: კურსის მონაწილეებმა წვლილი შეიტანონ პროგრესულ თანამოაზრეთა საზოგადოების ჩამოყალიბებაში, რომლის წევრებიც მოახდენენ კორუფციის პრევენციის კუთხით შესაძლებლობების იდენტიფიცირებას, კორუფციული აქტივობების გამოვლენასა და კრიტიკული საჯარო აზრის ჩამოყალიბებას იმ რეალურ შედეგებზე, რაც კორუფციას მოაქვს საზოგადოებისთვის.

  

 

დაგეგმილი ღონისძიებები

 

პროექტის ბიუჯეტი 

 

ხელშეკრულება

 

საგრანტო ხელშეკრულება

პროექტის მიზანია, შექმნას პროფესიონალთა და აქტივისტთა - კორუფციაზე მონადირეთა - საზოგადოება, რომელიც აქტიურად ჩაერთვება კორუფციის პრევენციაში, კორუფციის რისკის მართვაში და სისტემური კორუფციის შემთხვევების გამოვლენაში.

იხილეთ მეტი →
საერთაშორისო ანტიკორუფციული პლატფორმების გავლენის შესწავლა საქართველოსა და ევრაზიის რეგიონში გამჭვირვალე და ანგარიშვალდებული სახელმწიფო შესყიდვების წახალისებაში ღია საზოგადოების ინსტიტუტის ბუდაპეშტის ფონდი 2019-2020 $51,456.96

 

პროექტის სახელწოდება: საერთაშორისო ანტიკორუფციული პლატფორმების გავლენის შესწავლა საქართველოსა და ევრაზიის რეგიონში გამჭვირვალე და ანგარიშვალდებული სახელმწიფო შესყიდვების წახალისებაში
დონორი ორგანიზაცია: ღია საზოგადოების ინსტიტუტის ბუდაპეშტის ფონდი (OSI)
მთლიანი საგრანტო თანხა: 51,456.96 აშშ დოლარი
პროექტის ნომერი: OR2019-58650
შესრულების პერიოდი: 1 ივნისი, 2019 – 30 ნოემბერი, 2020

 

პროექტის აღერა და მიზანი

 

პროექტის მიზანია დემოკრატიული სახელმწიფოს მშენებლობის პროცესში საქართველოს მიღწევების შენარჩუნება კორუფციის მზარდ პრობლემასთან შეჭიდებით. განსაკუთრებული აქცენტით სახელმწიფო შესყიდვების სისტემაზე. ეროვნულ დონეზე ამ მიზნის მისაღწევად IDFI იმუშავებს ისეთი საერთაშორისო ანტიკორუფციული პლატფორმების ეფექტიანობის გაზრდაზე, როგორიცაა ღია მმართველობის პარტნიორობა (OGP), ევროპის საბჭოს კორუფციის წინააღმდეგ სახელმწიფოთა ჯგუფი (GRECO) და ეკონომიკური თანამშრომლობისა და განვითარების ორგანიზაციის ანტიკორუფციული ქსელი (OECD-ACN). IDFI ასევე დააკვირდება და შეაფასებს ეროვნული ანტიკორუფციული სტრატეგიისა და სამოქმედო გეგმის განხორციელებას. გარდა ამისა, IDFI განაგრძობს სახელმწიფო შესყიდვებზე მომუშავე სამოქალაქო საზოგადოების ორგანიზაციათა საერთაშორისო ქსელის გაფართოებას, რათა სამოქალაქო საზოგადობამ ერთიანი ძალისხმევით მიაწვდინოს ხმა ადგილობრივ თუ საერთაშორისო გადაწყვეტილების მიმღებებს.

 

ამოცანა 1 კორუფციის წინააღმდეგ საქართველოს სახელმწიფო შესყიდვების სისტემის გაძლიერება სისტემური გაუმჯობესების გზების შემუშავებით. იმისათვის, რომ მიმდინარე საკანონმდებლო რეფორმამ არ დააზიანოს საქართველოში სახელმწიფო შესყიდვების მხრივ არსებული პრაქტიკული მიღწევები, IDFI გააანალიზებს შესყიდვების სისტემის მთავარ კორუფციულ ხარვეზებს და შეიმუშავებს პოლიტიკის დოკუმენტებს, დაინტერესებული მხარეების ჩართულობით, რათა ჩამოაყალიბოს სისტემის გაუმჯობესების საუკეთესო პრაქტიკასა და მტკიცებულებებზე დაფუძნებული გზები.

 

მიზანი 2საქართველოში მოქმედი ყველა ძირითადი ანტიკორუფციული პლატფორმის ეფექტის გაძლიერება; განსაკუთრებული აქცენტით სახელმწიფო შესყიდვების სისტემის გაუმჯობესებაზე. IDFI შეეცდება გააძლიეროს ის დადებითი ეფექტი, რაც საერთაშორისო ანტიკორუფციულ პლატფორმებს აქვთ საქართველოში მიმდინარე რეფორმებზე, რათა შესაბამისმა სახელმწიფო ორგანოებმა აიღონ და განახორციელონ მეტად ხელშესახები ანტიკორუფციული ვალდებულებები. განსაკუთრებული ყურადღება დაეთმობა საქართველოს სახელმწიფო შესყიდვების სისტემაში კორუფციის აღმოფხვრის ვალდებულებებს.

 

ღონისძიებები

 

ამოცანა 1


- პოლიტიკის დოკუმენტების შემუშავება სახელმწიფო შესყიდვების სისტემაში კონკრეტული კორუფციული ხარვეზების აღმოსაფხვრელად.

 

- საჯარო განხილვების მოწყობა ყოველ ასეთ პოლიტიკის დოკუმენტზე.

 

- სახელმწიფო შესყიდვების სფეროს რეფორმირების საქართველოს წარმატებული გამოცდილების გამოყენება ამ თემაზე მომუშავე სამოქალაქო საზოგადოების საერთაშორისო ქსელის (TPPR) გასაძლიერებლად.


ამოცანა 2


- საქართველოს მიერ 2018-2019 წლების ღია მმართველობის (OGP) ეროვნული სამოქმედო გეგმის (NAP) ფარგლებში აღებული ანტიკორუფციული ვალდებულებების შესრულების ხარისხის შეფასება.

 

- საქართველოს ეროვნული ანტიკორუფციული სტრატეგიის ვალდებულებების შესრულების შეფასება.

 

- GRECO-ს რეკომენდაციებთან საქართველოს შესაბამისობის შეფასება.

 

- საქართველოს პროგრესის შეფასება OECD-ACN-ის რეკომენდაციების შესრულებაში და მონაწილეობის მიღება შეფასების ბოლო რაუნდში.

 

დაგეგმილი ღონისძიებები

 

პროექტის ბიუჯეტი 

 

ხელშეკრულება

საგრანტო ხელშეკრულება

პროექტის მიზანია დემოკრატიული სახელმწიფოს მშენებლობის პროცესში საქართველოს მიღწევების შენარჩუნება კორუფციის მზარდ პრობლემასთან შეჭიდებით.

იხილეთ მეტი →
ღია მონაცემების სტრატეგიებისა და სამოქმედო გეგმების შემუშავება ქუთაისის და ახალციხის მერიებისთვის (2019-2020) USAID-ის დემოკრატიული მმართველობის ინიციატივა საქართველოში / Tetra Tech ARD 2019 $18,578

 

პროექტის სახელწოდება: ღია მონაცემების სტრატეგიებისა და სამოქმედო გეგმების შემუშავება ქუთაისის და ახალციხის მერიებისთის (2019-2020)
დონორი ორგანიზაცია: USAID-ის დემოკრატიული მმართველობის ინიციატივა საქართველოში, Tetra Tech ARD
პროექტის ნომერი: GGI-SUB-023
ბიუჯეტი: 50,160 ლარი ($18,578)
ხანგრძლივობა: 03 მაისი, 2019 – 20 ოქტომბერი, 2019

 

მიზნები


GGI-ის მიზანია, დაეხმაროს ახალციხისა და ქუთაისის მუნიციპალიტეტის მერიებს ღია მონაცემების შეგროვებისა და გამოქვეყნების პროცესში, რაც უზრუნველყოფს მონაცემების მეტ ხელმისაწვდომობას, თავსებადობასა და შემდგომ გამოყენებას. GGI-ის საბოლოო მიზანია პარტნიორი მუნიციპალიტეტების დახმარება ღირებული მონაცემთა ბაზების გამოქვეყნებაში, რათა დაკმაყოფილდეს ყველა დაინტერესებული მხარის, მათ შორის, კერძო სექტორის, სამოქალაქო საზოგადოების, მედიის, აკადემიური წრისა და სხვათა მოთხოვნები.

 

პროექტის კონკრეტული მიზანია ტექნიკური მხარდაჭერა გაუწიოს ახალციხისა და ქუთაისის მუნიციპალიტეტის მერიებს ღია მონაცემების სტრატეგიისა და სამოქმედო გეგმის (2019-2020), ასევე, მონიტორინგის მექანიზმების შექმნაში, რაც გააუმჯობესებს მონაცემთა მართვას და დაამკვიდრებს მონაცემების გასაჯაროების საუკეთესო პრაქტიკას, რაც სხვადასხვა ტიპის მთავარი პოლიტიკის დოკუმენტებისა და სამოქმედო გეგმების მნიშვნელოვანი ელემენტია.

 

პროექტის აქტივობები


ზემოაღნიშნული მიზნების მისაღწევად, IDFI განახორციელებს შემდეგ აქტივობებს:


- დეტალური მეთოდოლოგიის შემუშავება


- დეტალური სამუშაო გეგმის შემუშავება


- სიტუაციის ყოვლისმომცველი ანალიზის მომზადება


- სიტუაციური ანალიზის ანგარიშისა და რეკომენდაციების მომზადება


- მიგნებებისა და რეკომენდაციების პრეზენტაცია


- სტრატეგიებისა და სამოქმედო გეგმების პირველადი ვერსიების შემუშავება


- საჯარო დისკუსიების ჩატარება (ფოკუს ჯგუფი)


- სტრატეგიებისა და სამოქმედო გეგმების დასრულება


- ტრენინგ მოდულის შემუშავება


- შესაძლებლობების განსავითარებლად საჭირო აქტივობების ორგანიზება


- საბოლოო შედეგების ჩაბარება

 

დაგეგმილი ღონისძიებები

 

პროექტის ბიუჯეტი

საგრანტო ხელშეკრულება

პროექტის მიზანია ტექნიკური მხარდაჭერა გაუწიოს ახალციხისა და ქუთაისის მუნიციპალიტეტის მერიებს ღია მონაცემების სტრატეგიისა და სამოქმედო გეგმის (2019-2020), ასევე, მონიტორინგის მექანიზმების შექმნაში, რაც გააუმჯობესებს მონაცემთა მართვას და დაამკვიდრებს მონაცემების გასაჯაროების საუკეთესო პრაქტიკას, რაც სხვადასხვა ტიპის მთავარი პოლიტიკის დოკუმენტებისა და სამოქმედო გეგმების მნიშვნელოვანი ელემენტია.

იხილეთ მეტი →
ღია მმართველობის მუდმივმოქმედი საპარლამენტო საბჭოს დახმარება თემატური მოკვლევის ჩატარებაში თემაზე - სახელმწიფო უწყებებში არსებული სამოქალაქო ჩართულობის ინსტრუმენტები და პრაქტიკები United Nations Development Program (UNDP) 2019 $5,613


პროექტის სახელწოდება
: ღია მმართველობის მუდმივმოქმედი საპარლამენტო საბჭოს დახმარება  თემატური მოკვლევის ჩატარებაში თემაზე - სახელმწიფო უწყებებში არსებული სამოქალაქო ჩართულობის ინსტრუმენტები და პრაქტიკები 
დონორი ორგანიზაცია: გაეროს განვითარების პროგრამა (UNDP)
ბიუჯეტი: $5,613
ხანგრძლივობა: მაისი, 2019 – ნოემბერი, 2019

 

პროექტის აღწერა

 

აღმასრულებელი ხელისუფლების დონეზე ღია და გამჭვირვალე მმართველობის ხელშეწყობის მიზნით მიმდინარე წლის 29 მაისს  ღია მმართველობის მუდმივმოქმედმა საპარლამენტო საბჭომ (საბჭო) შექმნა  სახელმწიფო უწყებებში არსებული სამოქალაქო ჩართულობის ინსტრუმენტებისა და პრაქტიკების შემსწავლელი თემატური მოკვლევის სამუშაო ჯგუფი (სამუშაო ჯგუფი).  საქართველოს პარლამენტის საზედამხედველო როლის გამოყენებით საბჭომ მიზნად დაისახა  თანამონაწილეობითი გადაწყვეტილების მიღების პროცესის ხელშეწყობა არა მარტო საკანონდებლო, არამედ ასევე აღმასრულებელი ხელისუფლების დონეზე.


საბჭოს გადაწყვეტილება თემატური მოკვლევის ჩატარების შესახებ გამომდინარეობდა პოლიტიკის შემუშავების პროცესში მოქალაქეთა ჩართულობის მიმართულებით საქართველოში არსებული პრობლემებიდან. გადაწყვტილებათა მიღების თანამონაწილეობითი პროცესის დანერგვა საქართველოს ხელისუფლების ერთ-ერთ გაცხადებულ მიზანს წარმოადგენს (იხ.: ღია მმართველობა საქართველოს 2018-2019 წლების სამოქმედო გეგმა, გამოწვევა 1, ვალდებულება 2; ასოცირების ხელშეკრულების დღის წესრიგი 2017-2020, პრიორიტეტი 2.2; საჯარო მმართველობის რეფორმის გზამკვლევი 2020, მიზანი 1). მიუხედავად აღნიშნულისა, ნელია მოცემული მიმართულებით პროგრესი. ევროკავშირისა და ეკონომიკური თანამშრომლობისა და განვითარების ორგანიზაციის (OECD) მმართველობის განვითარებისა და მენეჯმენტის მხარდაჭერის ინიციატივის (SIGMA) 2018 წლის შეფასებით, საჯარო პოლიტიკის შემუშავების პროცესში საჯარო კონსულტაციების შეფასების კომპონენტში საქართველომ 0 ქულა მიიღო.

 

IDFI როგორც საბჭოსთან არსებული საკონსულტაციო ჯგუფის წვერი ორგანიზაცია, რომელსაც გააჩნია სიღრმისეული ცოდნა და გამოცდილება გადაწყვეტილებათა მიღების პროცესში მოქალაქეთა ჩართულობის საკითხზე, სამუშაო ჯგუფს მიაწვდის ექსპერტულ დახმარებას, რომელიც აუცილებელი იქნება თემატური მოკვლევის დაგეგმვის, ჩატარებისა და წარმატებით დასრულებისთვის.  

 

პროექტის მიზანი

 

პროექტის მთავარი მიზანია თემატური მოკვლევის ჩატარების პროცესის ხელშეწყობა. ამ მიზნით IDFI შეიმუშავებს ყველა აუცილებელ მოსამზადებელ მასალებს, მონაწილეობას მიიღებს თემატური მოკვლევის შეხვედრებსა და ზეპირ მოსმენებში, გააანალიზებს მასალებს, შეისწავლის საუკეთესო საერთაშორისო პრაქტიკას და მოამზადებს თემატური მოკვლევის საბოლოო ანგარიშს.  პროექტის ფარგლებში მომზადებულ ყველა დოკუმენტს, მასალების პარლამეტში ოფიციალურ რეგისტრაციამდე, IDFI შეათანხმებს სამუშაო ჯგუფის წევრებთან. პროექტის მთავარი პროდუქტი იქნება IDFI-ის მიერ მომზადებული და სამუშაო ჯგუფის მიერ დამტკიცებული თემატური მოკვლევის ანგარიში.  ანგარიში სხვა საკითხებს შორის მოიცავს აღმასრულებელი ხელისუფლების ცენტრალურ დაწესებულებებში გადაწყვეტილებათა მიღების პროცესში მოქალაქეთა ჩართულობის პრაქტიკისა და კანონმდებლობის შესწავლის პროცესში გამოვლენილ ძირითად მიგნებებსა და საუკეთესო საერთაშორისო გამოცდილებაზე დაფუძნებულ რეკომენდაციებს. 

 

სამოქმედო გეგმა

 

 

საგრანტო ხელშეკრულება

IDFI როგორც საბჭოსთან არსებული საკონსულტაციო ჯგუფის წვერი ორგანიზაცია, რომელსაც გააჩნია სიღრმისეული ცოდნა და გამოცდილება გადაწყვეტილებათა მიღების პროცესში მოქალაქეთა ჩართულობის საკითხზე, სამუშაო ჯგუფს მიაწვდის ექსპერტულ დახმარებას, რომელიც აუცილებელი იქნება თემატური მოკვლევის დაგეგმვის, ჩატარებისა და წარმატებით დასრულებისთვის.

იხილეთ მეტი →
სადამკვირვებლო ჯგუფების გაძლიერება მთავრობის ანგარიშვალდებულებისთვის ვიშეგრადის საერთაშორისო ფონდი 2019-2020 €33,670

 

 

პროექტის სახელწოდება: სადამკვირვებლო ჯგუფების გაძლიერება მთავრობის ანგარიშვალდებულებისთვის

დონორი ორგანიზაცია: ვიშეგრადის საერთაშორისო ფონდი
პროექტის ნომერი: 21830043
ბიუჯეტი: 33,670 ევრო
ხანგრძლივობა: 1 მარტი, 2019 – 29 თებერვალი, 2020
პარტნიორი ორგანიზაციები: KohoVolit.eu (ჩეხეთიდასლოვაკეთი), K-Monitor Public Benefit Association (უნგრეთი), ePaństwo Foundation (პოლონეთი)

საკონტაქტო პირი: ლევან ავალიშვილი 

 

პროექტის მიზნები



პროექტი მიზნად ისახავს, გააძლიეროს საქართველოში მოქმედი სადამკვირვებლო ჯგუფები და ზოგადად საზოგადოება, რათა მათ უფრო ეფექტურად შეძლონ ხელისუფლებაზე დაკვირვება და მისი გაკონტროლება. პროექტის მიზანია, ასევე, საჯარო მონაცემების ხელმისაწვდომობის გაზრდა.


1) ჟურნალისტების, სამოქალაქო საზოგადოების წარმომადგენლებისა და აქტივისტების შესაძლებლობების გაზრდა მათი ზედამხედველობითი უნარების გაუმჯობესებითა და სადამკვირვებლო საქმიანობის წახალისებით;


2) საქართველოში ღია მონაცემების ხელმისაწვდომობის გაზრდა ადვოკატირების სხვადასხვა მექანიზმების მეშვეობით.


პროექტი გულისხმობს ერთიანი მიდგომის გამოყენებას საზოგადოებრივი ზედამხედველობის გასაძლიერებლად. ასეთი მიდგომა მნიშვნელოვნად გააუმჯობესებს გარემოს სადამკვირვებლო ჯგუფებისთვის, მათი პროფესიული უნარების გამდიდრებით, სამოქალაქო საზოგადოების წარმომადგენლებს, საგამოძიებო ჟურნალისტებსა და აქტივისტებს შორის თანამშრომლობის წახალისებითა და მეტ საჯარო მონაცემზე ხელმისაწვდომობის გაზრდით.


ეს მიდგომა მთელს ქვეყანაში კიდევ უფრო გაზრდის მაღალკვალიფიციური დამკვირვებლებისა და საგამოძიებო ჟურნალისტების რაოდენობას, რომლებსაც ექნებათ საკმარისი უნარები, რომ გააკონტროლონ საჯარო ფინანსების ხარჯვა. გარდა ამისა, სადამკვირვებლო საქმიანობის წახალისებით პროექტი გაზრდის საზოგადოების მხარდაჭერას კარგი მმართველობისადმი. ამ მხრივ მნიშვნელოვანი იქნება ჩვენი პარტნიორების გამოცდილების გაზიარება ვიშეგრადის ქვეყნებიდან.


პროექტის შედეგები


1. ტრენინგისთვის პრაქტიკული სახელმძღვანელოს მომზადება;


2. ვიშეგრადის ქვეყნებიდან პროექტის პარტნიორებთან კონსულტაციები;


3. სამუშაო შეხვედრები/პრაქტიკული ტრენინგები;


4. ჟურნალისტებისთვის/აქტივისტებისთვის/სამოქალაქო საზოგადოების წარმომადგენლებისთვის კონსულტაციების უზრუნველყოფა;
5. ანალიტიკური/საგამოძიებო სტატიების მომზადება;


6. ვიზუალიზაციებისა და ინფორმაციული ვიდეოების მომზადება;


7. მონაცემთა ბაზების მომზადება და www.DataLab.ge-ის შემდგომი განვითარება;


8. ანალიტიკური/საგამოძიებო ანგარიშების/სტატიების კონკურსი;


9. სამუშაო შეხვედრები ღია მონაცემებზე;


10. საბოლოო პრეზენტაცია.

 

პროექტის ფარგლებში დაგეგმილი ღონისძიებები

 

პროექტის ბიუჯეტი 

 

 ხელშეკრულება

საგრანტო ხელშეკრულება

პროექტი მიზნად ისახავს, გააძლიეროს საქართველოში მოქმედი სადამკვირვებლო ჯგუფები და ზოგადად საზოგადოება, რათა მათ უფრო ეფექტურად შეძლონ ხელისუფლებაზე დაკვირვება და მისი გაკონტროლება.

იხილეთ მეტი →
საჯარო ინფორმაციის ხელმისაწვდომობა საქართველოში - 2018 USAID / EWMI ACCESS 2019 $15,000

 

 

პროექტის სახელწოდება: საჯარო ინფორმაციის ხელმისაწვდომობა - 2018

დონორი ორგანიზაცია: USAID / EWMI - ACCESS

პროექტის ნომერი: G-1599-19-210-3023-20

სრული ბიუჯეტი: 15,000 აშშ დოლარი 

ხანგრძლივობა: 15 მარტი – 15 ივნისი (2019)

განმახორციელებელი ორგანიზაცია: ინფორმაციის თავისუფლების განვითარების ინსტიტუტი (IDFI)

  

პროექტის მიზანი

 

პროექტის მიზანია საქართველოს საჯარო დაწესებულებებში საჯარო ინფორმაციის ხელმისაწვდომობის პრაქტიკის ანალიზი და IDFI-ს მიერ შემუშავებული მეთოდოლოგიის საფუძველზე  ყველაზე ღია და დახურული უწყებების გამოვლენა. 

 

პროექტის აქტივობები

 

- 2018 წლის განმავლობაში IDFI-ს მიერ დაახლოებით 250 საჯარო დაწესებულებაში გაგზავნილ საჯარო ინფორმაციის მოთხოვნებზე მიღებული პასუხების შეფასება და შესაბამისი სტატისტიკის წარმოება;


- საჯარო ინფორმაციის ხელმისაწვდომობის 2018 წლის ანგარიშის მომზადება და საჯარო დაწესებულებების რეიტინგის შედგენა;

 

- სტატისტიკური მონაცემები ასახვა IDFI-ის საჯარო ინფორმაციის ხელმისაწვდომობის ელექტრონულ მოდულზე - https://idfi.ge/foi-statistics/

 

- ანგარიშის პრეზენტაცია და ყველაზე დახურული და ღია უწყებების დასახელება (დაჯილდოება შესაბამისი სიგელებით)


- ცენტრალური საჯარო დაწესებულებების (მთავრობის ადმინისტრაცია, პარლამენტი, პრეზიდენტის ადმინისტრაცია, სამინისტროები, სამინისტროებს დაქვემდებარებული სსიპ-ები) ვებგვერდებზე პროაქტიულად გამოქვეყნებული საჯარო ინფორმაციის მონიტორინგი;


- ვებ-გვერდების მონიტორინგის შედეგად საჯარო ინფორმაციის პროაქტიული გამოქვეყნების ხარისხის შეფასება;


- ცენტრალური საჯარო დაწესებულებების მიერ საჯარო ინფორმაციის პროაქტიული გამოქვეყნების ანგარიშისა და რეიტინგის შედგენა;


- საქართველოში საჯარო ინფორმაციის ხელმისაწვდომობის თვალსაზრისით არსებული მდგომარეობის ამსახველი ინფოგრაფიკების, ვიზუალიზაციების და ვიდეორგოლების მომზადება და ცნობიერების ამაღლების კამპანიის განხორციელება. 

 

 

დაგეგმილი ღონისძიებები

 

პროექტის ბიუჯეტი

 

საგრანტო ხელშეკრულება

პროექტის მიზანია საქართველოს საჯარო დაწესებულებებში საჯარო ინფორმაციის ხელმისაწვდომობის პრაქტიკის ანალიზი და IDFI-ს მიერ შემუშავებული მეთოდოლოგიის საფუძველზე  ყველაზე ღია და დახურული უწყებების გამოვლენა.

იხილეთ მეტი →
საჯარო და კერძო სექტორებს შორის დიალოგის ხარისხის კონტროლი საქართველოში-გაგრძელება Deloitte Consulting / USAID 2018-2019 $25,000

      

 

პროექტის სახელწოდება: საჯარო და კერძო სექტორებს შორის დიალოგის ხარისხის კონტროლი საქართველოში - გაგრძელება
დონორი ორგანიზაცია: პროგრამა „მმართველობა განვითარებისთვის საქართველოში“ (G4G), Deloitte Consulting / USAID
პროექტის ნომერი: RFA#2018 – 016
გრანტის ოდენობა: 25,000.00 აშშ დოლარი
პროექტის განხორციელების პერიოდი: 2018 წლის 20 დეკემბერი - 2019 წლის 12 ივლისი

 

პროექტის აღწერა

 

პროექტის ფარგლებში IDFI გააგრძელებს საჯარო-კერძო დიალოგის (PPD) ხარისხის შეფასებას. ცენტრალურ საჯარო დაწესებულებებში (სამინისტროებში) კერძო-საჯარო დიალოგის ხარისხის შეფასებასთან ერთად, IDFI ჩაატარებს ცნობიერების ასამაღლებელ ღონისძიებებს საქართველოს რეგიონებში (სამ შერჩეულ მუნიციპალიტეტში - რუსთავი, თელავი, ოზურგეთი).

 

ამას გარდა, შერჩეული საკვანძო სამინისტროების მიერ დაგეგმილი მნიშვნელოვანი ეკონომიკური ზეგავლენის მქონე კანონი ან რეგულაცია შეფასდება იმის მიხედვით, თუ რამდენად და რა ხარისხით იყო უზრუნველყოფილი სამოქალაქო ჩართულობა. აღნიშნული გაიზომება საჯარო და კერძო სექტორებს შორის დიალოგის ოთხი პარამეტრის შეფასებით:

 

- საჯარო პოლიტიკის შემუშავება და განვითარება;


- საკანონმდებლო პროცესი და საჯარო პოლიტიკის პროექტის შემუშავება;


- მარეგულირებელი ზემოქმედების შეფასება;


- ინფორმაციის გავრცელება და კომენტარები საზოგადოების მხრიდან.

 

შედეგად, თბილისსა და შერჩეულ სამიზნე რეგიონებში ჩატარდება საჯარო დისკუსიები; მომზადდება კანონების შეფასების პერიოდული და საბოლოო ანგარიშები; და დიალოგის ხარისხის კუთხით ყველაზე მაღალი შეფასების მქონე კანონპროექტი დაჯილდოვდება.

 

დაგეგმილი ღონისძიებები 

 

პროექტის ბიუჯეტი 

საგრანტო ხელშეკრულება

პროექტის მიზანია ხელი შეუწყოს კონსტრუქციულ დიალოგს საჯარო და კერძო სექტორებს შორის, და გააძლიეროს ორივე მხარის შესაძლებლობები იმისათვის, რომ შედგეს საჯარო პოლიტიკისა და საკანონმდებლო საკითხებზე ეფექტური თანამშრომლობა

იხილეთ მეტი →
საქართველოს უზენაესი სასამართლოს რეფორმის მხარდაჭერა აღმოსავლეთ-დასავლეთის მართვის ინსტიტუტი / კანონის უზენაესობის მხარდაჭერა საქართველოში (POLoG) 2018-2020 $25,852

 

 

პროექტის სახელწოდება: საქართველოს უზენაესი სასამართლოს რეფორმის მხარდაჭერა
დონორი ორგანიზაცია: აღმოსავლეთ-დასავლეთის მართვის ინსტიტუტი /კანონის უზენაესობის მხარდაჭერა საქართველოში (PROLoG)
პარტნიორი ორგანიზაცია: საქართველოს ახალგაზრდა იურისტთა ასოციაცია (GYLA)
პროექტის ნომერი: G-1584-18-211-3024-20
გრანტის ოდენობა: 25, 852 აშშ დოლარი
პროექტის ხანგრძლივობა: 15 დეკემბერი, 2018 – 31 იანვარი, 2020

 

პროექტის აღწერა

 

პროექტი შეეხება უზენაესი სასამართლოს ინსტიტუციური მოწყობის, უფლებამოსილებებისა და ფუნქციების, უზენაესი სასამართლოს მოსამართლეების დანიშვნის, გათავისუფლებისა და ანგარიშვალდებულების, ასევე მოსამართლეთა სპეციალიზაციისა და საქმეთა განაწილების საკითხის შესწავლას.


კონსტიტუციის ახალი რედაქციით უზენაესი სასამართლოს მოსამართლეებს პრეზიდენტის ნაცვლად, იუსტიციის უმაღლესი საბჭო წარადგენს და მათ თანამდებობაზე უვადოდ ირჩევს საქართველოს პარლამენტი. იმავე წესით ხდება უზენაესი სასამართლოს თავმჯდომარის არჩევა 10 წლის ვადით. პროექტი ითვალისწინებს რეკომენდაციების წარდგენას უზენაესი სასამართლოს მოსამართლეების შერჩევა-დანიშვნასთან დაკავშირებით საკანონმდებლო ცვლილებების თაობაზე, ასევე არსებული სამართლებრივი ჩარჩოსა და საერთაშორისო სტანდარტების შესწავლის საფუძველზე საბოლოო კვლევის ანგარიშის მომზადებას.

 

პროექტის მიზანი

 

პროექტის მიზანია საქართველოს უზენაესი სასამართლოს ინსტიტუციური რეფორმის მხარდაჭერა და საკანონმდებლო ცვლილებების ადვოკატირება.

 

პროექტის ამოცანები


- უზენაეს სასამართლოსთან დაკავშირებით არსებული სამართლებრივი და ინსტიტუციური ჩარჩოს ანალიზი, არსებული გამოწვევებისა და ხარვეზების იდენტიფიცირება;

 

- საერთაშორისო სტანდარტებისა და საუკეთესო პრაქტიკის შესწავლის საფუძველზე რეკომენდაციების წარდგენა საკანონმდებლო ცვლილებებთან დაკავშირებით;

 

- შემუშავებული რეკომენდაციების ადვოკატირება შესაბამის უწყებებთან.

 

აქტივობების განრიგი

 

 

პროექტის ბიუჯეტი

 

 

/public/upload/Magda/Keti Kukava/grant agreemant.pdf

საგრანტო ხელშეკრულება

პროექტის მიზანია საქართველოს უზენაესი სასამართლოს ინსტიტუციური რეფორმის მხარდაჭერა და საკანონმდებლო ცვლილებების ადვოკატირება.

იხილეთ მეტი →
გამჭვირვალობის, ანგარიშვალდებულების და კეთილსინდისიერების სტრატეგიის შემუშავება ახალციხის მუნიციპალიტეტისათვის GGI / Tetra Tech ARD / USAID -ის პროგრამა 2018-2019 $13,074

პროექტის სახელწოდება: გამჭვირვალობის, ანგარიშვალდებულების და კეთილსინდისიერების სტრატეგიის შემუშავება ახალციხის მუნიციპალიტეტისათვის
დონორი ორგანიზაცია: ამერიკის შეერთებული შტატების საერთაშორისო განვითარების სააგენტოს (USAID) დემოკრატიული მმართველობის ინიციატივა (Good Governance Initiative), Tetra Tech ARD
პროექტის კოდი: GGI-SUB-015
სრული ბიუჯეტი: 35,300 ლარი ($13,074)
ხანგრძლივობა: 11 ოქტომბერი , 2018 – 15 მარტი, 2019

 

პროექტის აღწერა 

 

USAID-ის პროექტი „დემოკრატიული მმართველობის ინიციატივა საქართველოში (GGI)“ მხარს უჭერს ახალციხის მუნიციპალიტეტს განავითაროს საკუთარი მმართველობის შესაძლებლობები და გააძლიეროს შესაძლებლობები ადგილობრივ დონეზე კორუფციის წინააღმდეგ ბრძოლის თვალსაზრისით.

 

ახალციხის მუნიციპალიტეტის მერიამ ანტიკორუფციული სისტემის გაძლიერების ვალდებულება ღია მმართველობის პარტნიორობის 2018-2019 წლების ეროვნული სამოქმედო გეგმით აიღო. აღნიშნული ვალდებულება გულისხმობს გამჭვირვალობის და კეთილსინდისიერების ამაღლების სტრატეგიის და სამოქმედო გეგმის შემუშავებას და მის განხორციელებას გულისხმობს, რაც შესაძლებლობას მიცემს ადგილობრივი ხელისუფლების დაწესებულებებს დაამკვიდრონ უფრო ეფექტური, გამჭვირვალე და ანგარიშვალდებული მმართველობის სტანდარტები.

 

პროექტის მიზანი

 

პროექტის მიზანია ახალციხის მუნიციპალიტეტის მერიის მხარდაჭერა გამჭვირვალობის და ანგარიშვალდებულების სტრატეგიის და სამოქმედო გეგმის შემუშავების პროცესში და ადგილობრივი საჯარო მოხელეების შესაძლებლობების განვითარება კორუფციის წინააღმდეგ ბრძოლის და პრევენციის სფეროში.

 

პროექტის ამოცანები

 

ზემოაღნიშნული მიზნის მისაღწევად, პროექტის ფარგლებში დაგეგმილია შემდეგი ამოცანების მიღწევა:

 

- გამჭვირვალობის და კეთილსინდისიერების სტრატეგიის და სამოქმედო გეგმის შემუშავების მიზნით, ახალციხის მუნიციპალიტეტის მერიაში შესაბამის სამუშაო ჯგუფის შექმნის მხარდაჭერა;


- ადგილობრივ დონეზე კორუფციის წინააღმდეგ ბრძოლის სფეროში საერთაშორისო გამოცდილების ანალიზი, მათ შორის OECD-ის და GRECO-ს და მათი წევრი სახელმწიფოების პრაქტიკის შესწავლა;


- გამჭვირვალობის, ანგარიშვალდებულების და კეთილსინდისიერების კუთხით ახალციხის მუნიციპალიტეტის მერიის საჯარო დაწესებულებებში არსებული ვითარების დეტალური ანალიზი და არსებული სამართლებრივი და პრაქტიკული ხარვეზების შესწავლა;


- არსებული სიტუაციის ანალიზის საფუძველზე გამჭვირვალობის და კეთილსინდისიერების ამაღლების სტრატეგიის და სამოქმედო გეგმის შემუშავება;


- ახალციხის მუნიციპალიტეტის მერიის შესაძლებლობების განვითარებისათვის სახელმძღვანელო დოკუმენტების მომზადება;


- სტრატეგიის და სამოქმედომ გეგმის მიღების და მათი ეროვნულ ანტიკორუფციულ სამოქმედო გეგმაში ინტეგრირების ადვოკატირება.

 

აქტივობების განრიგი

 

 

 

პროექტის ბიუჯეტი

 

საგრანტო ხელშეკრულება

პროექტის მიზანია ახალციხის მუნიციპალიტეტის მერიის მხარდაჭერა გამჭვირვალობის და ანგარიშვალდებულების სტრატეგიის და სამოქმედო გეგმის შემუშავების პროცესში და ადგილობრივი საჯარო მოხელეების შესაძლებლობების განვითარება კორუფციის წინააღმდეგ ბრძოლის და პრევენციის სფეროში.

იხილეთ მეტი →
პირველი წინა 1 2 3 4 5 ბოლო