20 სექტემბერს, 14.00 საათზე, ააიპ - “ინფორმაციის თავისუფლების განვითარების ინსტიტუტი” “ფონდ ღია საზოგადოება-საქართველოს“ ოფისში, ჭოველიძის 10-ში, გამართავს პრეს-კონფერენციას, სადაც საზოგადოებას წარუდგენს ფონდ „ღია საზოგადოება საქართველოს“მიერ დაფინანსებული პროექტის “საჯარო ინფორმაციის მონაცემთა ბაზის - www.opendata.ge” პირველი ეტაპის შედეგებსა და მეორე ეტაპის განხორციელებისთვის დაგეგმილ ღონისძიებებს.

პროექტის ფარგლებში, 2011 წლის აპრილიდან, აქტიურად ხორციელდება საჯარო ინფორმაციის მოთხოვნა, დამუშავება და პროექტის ვებ გვერდზე www.opendata.ge ატვირთვა. პრესკონფერენციაზე განიხილება პროექტის პირველი ეტაპის ფარგლებში არსებული შედეგების კვლევა (საინფორმაციო ბიულეტენი №3-ის პრეზენტაცია), სტატისტიკური ანალიზი და თანამდებობის პირთა სახელფასო ფონდების ვიზუალიზაცია.ასევე პრესკონფერენციაზე წარმოდგენილი იქნება პროექტის „საქართველოს საჯარო დაწესებულებების საინფორმაციო (ინტერნეტ) რესურსების მონიტორინგი“ მიმდინარე რეიტინგი.

.