პროექტ საარქივო დოკუმენტების კოლექციის კრებულის პრეზენტაცია

სიახლეები | მეხსიერების და დეზინფორმაციის კვლევები | პუბლიკაციები | სტატია 21 ნოემბერი 2010

2010 წლის 9 ნოემბერს „ინფორმაციის თავისუფლების განვითარების ინსტიტუტმა“  შინაგან საქმეთა სამინისტროს საარქივო სამმართველოს მე-2 განყოფილებაში (ყოფილი „საქართველოს კომუნისტური პარტიის ცენტრალური კომიტეტის არქივი“) მოაწყო პროექტის “საარქივო დოკუმენტების კოლექციის კრებული”პრეზენტაცია. პროექტი განხორციელდა საქართველოში შვეიცარიის საელჩოს დაფინანსებითა და მხარდაჭერით.

 

პრეზენტაციას დაესწრნენ მისი აღმატებულება შვეიცარიის ელჩი საქართველოში გიუნტერ ბეჰლერი, მისიის ხელმძღვანელის მოადგილე ანიტა შლუჰტერ როტი და ჰაინრიჰ ბიოლის ფონდის სამხრეთ კავკასიის რეგიონალური ოფისის დირექტორი დოქტორი ირის კემპე.

პრეზენტაცია წარმართეს „ინფორმაციის თავისუფლების განვითარების ინსტიტუტის“ დირექტორმა გიორგი კლდიაშვილმა და ინსტიტუტის გამგეობის თავმჯდომარემ ლევან ავალიშვილმა. სტუმრებს წარუდგინეს პროექტის ფარგლებში შექმნილი ვებ-გვერდი „გამჭვირვალე არქივები“ (http://www.idfi.ge/archive/?lang=en). პრეზენტაციის მონაწილეებს გააცნეს 1956 წლის 5-9 მარტის მოვლენებთან დაკავშირებული დოკუმენტების დამუშავებული კოლექცია, მარტის მოვლენების კვლევისას გამომჟღავნებული ახალი ისტორიული ფაქტები და საარქივო მასალების მნიშვნელობა საქართველოსა და საბჭოთა ისტორიის კვლევის საკითხებში.

საქართველოს შსს-ის საარქივო სამმართველოს ხელმძღვანელმა ბატონმა ომარ თუშურაშვილმა გააცნო სტუმრებს არქივის ისტორია, დაცული საარქივო მასალების ჩამონათვალი. მან აგრეთვე წარუდგინა სტუმრებს ის სამუშაო და პროექტები, რომლებსაც ახორციელებს შსს-ოს საარქივო სამმართველო.

პრეზენტაციის სტუმრებმა მისმა აღმატებულებამ, შვეიცარიის ელჩმა გიუნტერ ბეჰლერმა და დოქტორმა ირის კემპემ ისაუბრეს არქივების გახსნილობის მნიშვნელობაზე, საარქივო დოკუმენტების ხელმისაწვდომობაზე, საარქივო მასალების საფუძველზე სამეცნიერო და კვლევითი საქმიანობის განვითარებაზე. მათ შესთავაზეს არქივის ადმინისტრაციას კვლევითი კომპონენტის გააქტიურებისა და არქივების დიგიტალიზაციის ხელშეწყობა. შეხვედრის მონაწილენი შეთანხმდნენ საერთო პროექტების გაგრძელებაზე და ინტენსიფიკაციაზეც.

 

სიუჟეტი პრეზენტაციის შესახებ შეგიძლიათ იხილოთ აქ: http://police.ge/index.php?m=8&newsid=1694&lng=geo

სხვა მასალები ამ თემაზე
სიახლეები

Covid-19-თან დაკავშირებული გამარტივებული შესყიდვები 2021

26.07.2021

გამოფენა „საბჭოთა კავშირში რეპრესირებული ქალები“ დედაენის ბაღში

23.07.2021

საბჭოთა რეპრესიები ქართველი სტუდენტების მეხსიერებაში

22.07.2021

საინფორმაციო შეხვედრა ქობულეთის მუნიციპალიტეტში

21.07.2021
განცხადებები

მოვუწოდებთ ყველა საჯარო პირს შეწყვიტოს საზოგადოებაში მტრული განწყობების გაღვივება და მედიის დისკრედიტაცია

23.07.2021

სამოქალაქო ორგანიზაციებისა და მედიასაშუალებების წერილი შარლ მიშელს

19.07.2021

IDFI საქართველოს პრემიერ-მინისტრისა და შინაგან საქმეთა მინისტრის გადადგომის მოთხოვნას ეხმიანება

12.07.2021

მწუხარებას გამოვთქვამთ “TV პირველის“ ოპერატორის, ალექსანდრე ლაშქარავას გარდაცვალების გამო

11.07.2021
ბლოგპოსტები

ფართოზოლოვანი ინფრასტრუქტურის სახელმწიფო პროგრამის საპილოტე პროექტი ოზურგეთში

13.05.2021

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021