საქართველოს პარლამენტი ჩართულია ღია მმართველობის პარტნიორობის (OGP) განხორციელებაში 2015 წლიდან. 2015 წელს პროექტის „ღია მმართველობის პარტნიორობის (OGP) ინიციატივაში საქართველოს პარლამენტის ჩართულობის მხარდაჭერა“ ფარგლებში შეიქმნა საქართველოს პარლამენტის ინტერფრაქციული ჯგუფი და არასამთავრობო და საერთაშორისო ორგანიზაციების წარმომადგენლებისაგან დაკომპლექტებული საქართველოს ღია პარლამენტის სამუშაო ჯგუფი.
2016 წელს, დასახელებული ინტერფრაქციული ჯგუფისა და ღია პარლამენტის სამუშაო ჯგუფის ნაცვლად, ღია პარლამენტის 2015-2016 წლების პირველი სამოქმედო გეგმის შესაბამისად, საქართველოს პარლამენტმა შექმნა ღია მმართველობის მუდმივმოქმედი საპარლამენტო საბჭო, რომელიც დაკომპლექტებული საქართველოს პარლამენტის წევრებისგან და საქმიანობას ახორციელებს საპარლამენტოს საბჭოსთან არსებული სამოქალაქო საზოგადოებისა და საერთაშორისო ორგანიზაციების წარმომადგენლებით დაკომპლექტებული საკონსულტაციო ჯგუფის მეშვეობით. ინფორმაციის თავისუფლების განვითარების ინსტიტუტი (IDFI) არის აღნიშნული საკონსულტაციო ჯგუფის თავმჯდომარე ორგანიზაცია.
სოლიდარობა ვახო სანაიას
22.07.2026ქართული სამოქალაქო საზოგადოების განცხადება
06.06.2026
სიახლეების გამოწერა
