2024 წლის 3 ივლისს, ინფორმაციის თავისუფლების განვითარების ინსტიტუტმა (IDFI) პოლიტიკის დოკუმენტების კონკურსის ფარგლებში პირველი ონლაინ ტრენინგი ჩაატარა კონკურსით დაინტერესებული ახალგაზრდებისთვის. ონლაინ ტრენინგის პირველ ნაწილში მონაწილეები გაეცნენ დეტალურ ინფორმაციას კონკურსის პირობების შესახებ: თუ ვისთვისაა გათვალისწინებული კონკურსი, რა საკითხებზე შესაძლებელია პოლიტიკის დოკუმენტის მომზადება, როგორია მოსამზადებელი დოკუმენტის შინაარსობრივი და ტექნიკური მოთხოვნები, ასევე, შეფასების კრიტერიუმები. ზოგადი მოთხოვნების გარდა, კონკურსში მონაწილეობის მსურველებმა მიიღეს რჩევები როგორ შეარჩიონ პოლიტიკის დოკუმენტის საკვლევი საკითხი.

ონლაინ ტრენინგის მეორე ნაწილი დაეთმო პოლიტიკის დოკუმენტების მთავარ ტიპებს, მიზნებს, სტრუქტურასა და კომპონენტებს. პოლიტიკის დოკუმენტების სტრუქტურისა და მთავარი მახასიათებლების განხილვა დაეხმარებათ კონკურსანტებს მაღალი ხარისხის ანალიტიკური ნაშრომების მომზადებაში.

პოლიტიკის დოკუმენტების კონკურსი გამოცხადებულია USAID-ის საჯარო მმართველობის პროგრამის მხარდაჭერით, პროექტის - „ახალგაზრდების გაძლიერება მტკიცებულებებზე დაფუძნებული პოლიტიკის შემუშავებისთვის“ - ფარგლებში. მისიმიზანიასტუდენტებისადაახალგაზრდაპროფესიონალებისწახალისება, საჯაროპოლიტიკისსხვადასხვასაკითხზემოამზადონმტკიცებულებებზედაფუძნებულიპოლიტიკისდოკუმენტი / ანალიტიკურინაშრომიდაგააცნონსაზოგადოებასსაკუთარიხედვებიკონკრეტულიპრობლემებისგადასაჭრელად.

კონკურსის დეტალური პირობებისა და გამარჯვებულთათვის გათვალისწინებული მხარდაჭერის შესახებ ინფორმაციის გასაცნობად ეწვიეთ ბმულს: https://idfi.ge/ge/pagel/competitionview/73/