ღია მმართველობის პარტნიორობის რეგიონული შეხვედრა საქართველოში წარმატებით დასრულდა

სიახლეები | პუბლიკაციები | ღია მმართველობის პარტნიორობა | სტატია 4 ივნისი 2015

საქართველო 2015 წლის 3-4 ივნისს „ღია მმართველობის პარტნიორობის“ (Open government Partnership – OGP) ევროპის რეგიონულ შეხვედრას მასპინძლობს. შეხვედრაში მონაწილეობის მისაღებად თბილისს OGP-ის წევრი ევროპული ქვეყნების სამთავრობო წარმომადგენლები ეწვივნენ. მათი შეკრების მთავარი მიზანია ერთმანეთს გაუზიარონ OGP-ის ფარგლებში მიღწეული შედეგებისა და შეძენილი გამოცდილების გაზიარება, ასევე სამთავრობო რეფორმატორთა ფართო ქსელის შექმნისთვის საფუძვლის ჩაყრა, ღია მმართველობის პარტნიორობის რეფორმების უკეთ განხორციელების მიზნით.

 

ევროპის რეგიონული ორდღიანი შეხვედრა გაიხსნა 3 ივნისს, თბილისსი, ექსპო ჯორჯიაში. კონფერენციაში მონაწილეობა მიიღეს, როგორც საჯარო, ასევე სამოქალაქო სექტორის და საერთაშორისო ორგანიზაციების წარმომადგენლებმა. მათ შორის იყო IDFI-ის დირექტორი, ღია მმართველობის პარტნიორობის ფორუმის თანა-თავმჯდომარე გიორგი კლდიაშვილი, რომელიც 4 ივნისს კონფერენციაზე სიტყვით გამოვიდა.

 

OGP-ის დირექტორის მოადგილემ, ჯო პაუელმა შეხვედრა დადებითად შეაფასა. მან თავის წერილში, რომელიც OGP-ს ოფიციალურ ბლოგზე გამოქვეყნდა გიორგი კლდიაშვილის სიტყვები მოიშველია. „ღია მმართველობა არ არის უბრალოდ ლამაზი სიტყვები ჩვენთვის - ეს არის შესაძლებლობა და რეალობა, ჩვენი შვილების და შემდეგი თაობების მომავალი გავხადოთ უკეთესი.“ - აღნიშნა კლდიაშვილმა OGP-ს ბლოგისთვის მიცემულ ინტერვიუში „ღია მმართველობის სახეები- გიორგი კლდიაშვილი“

 

3 ივნისის შეხვედრა გახსნეს საქართველოს პრემიერ მინისტრმა ირაკლი ღარიბაშვილმა, საქართველოს პარლამენტის თავმჯდომარემ, დავით უსუფაშვილმა, საქართველოს უზენაესი სასამართლოს თავმჯდომარემ, ნინო გვენეტაძემ, იუსტიციის მინისტრმა თეა წულუკიანმა, საფრანგეთის სახელმწიფო მინისტრმა რეფორმებისა და სახელმწიფო სერვისების გამარტივების დარგში ტიერი მანდონმა და სხვებმა.

 

სიტყვით გამოსვლისას, ირაკლი ღარიბაშვილმა ხაზი გაუსვა ღია მმართველობის მნიშვნელობას დემოკრატიის მშენებლობის პროცესში. გადაწყვეტილების მიღების პროცესში მოქალაქეთა მეტი ჩართულობის მნიშვნელობაზე გაამახვილა ყურადღება დავით უსუფაშვილმა. მისი განცხადებით, მთავრობა ყოველთვის უნდა ცდილობდეს არა მხოლოდ ინფორმირებას, არამედ მოსახლეობის ჩართვას მმართველობით პროცესში.

 

ნინო გვენეტაძის გამოსვლა მართლმსაჯულების სისტემას ეხებოდა. მან ხაზი გაუსვა მიუკერძოებელი, კომპეტენტური სასამართლო ხელისუფლების დამკვიდრებისა და საზოგადოებრივი ნდობის გაღვივების მნიშვნელობას. იუსტიციის მინისტრის, თეა წულუკიანის თქმით, OGP-ის რეგიონული შეხვედრის საქართველოში ჩატარება იმ რეფორმების შედეგია, რაც მთავრობამ ბოლო ორი წლის განმავლობაში გაატარა.

 

კონფერენციის გახსნის ცერემონიის შემგომ დელეგატებმა სამუშაო სესიები დაიწყეს. 40-ზე მეტი ქვეყნის წარმომადგენლებმა სამთავრობო უწყებებიდან და საერთაშორისო ორგანიზაციებიდან ღია და გამჭვირვალე მმართველობის საკითხებზე ერთმანეთს საკუთარი გამოცდილება გაუზიარეს.

 

4 ივნისს, შეხვედრის მეორე დღის დასკვნით ნაწილში სიტყვით გამოვიდა გიორგი კლდიაშვილი, რომელმაც ღია მმართველობის განვითარების პროცესში მთავრობის და სამოქალაქო საზოგადოების ეფექტურ და წარმატებულ თანამშრომლობაზე ისაუბრა. აღნიშნულ პანელს მოდერატორობას უწევდა იუსტიციის მინისტრის პირველი მოადგილე ალექსანდრე ბარამიძე. გიორგი კლდიაშვილთან ერთად, დასკვნით ნაწილში სიტყვით გამოვიდნენ OGP-ის სამუშაო ჯგუფების, საერთაშორისო ორგანიზაციების და მთავრობის წარმომადგენლები, მათ შორის კიმბერლი ჯონსი (მსოფლიო ბანკი), ფრანჩესკო სეკი (UNDP), ევა ბიუსლინქი (OECD), სტივენ ჰეიკენი (USAID), ჯოზეფ პაუელი (OGP-ის დირექტორის მოადგილე) და სხვები.

 

ორი დღის განმავლობაში, კონფერენციის ფარგლებში განიხილეს ისეთი საკითხები, როგორიცაა ინოვაცია და ანგარიშვალდებულება OGP-ში, მთავრობის შიგნით კოორდინირება ღია მმართველობისთვის, ელ-მმართველობა - ელ. სერვისების და ღია მონაცემთა ბაზების მნიშვნელობა, ღია მმართველობის განვითარება, მომავალი მმართველობის და საზოგადოების მოდელი, საზოგადოების ჩართულობა, საკანონმდებლო ღიაობა, ინფორმაციის ხელმისაწვდომობა, OGP-ს სამუშაო ჯგუფები და სხვა.

 

საქართველო პირველი ქვეყანაა აღმოსავლეთ ევროპაში, რომელმაც პარტნიორობის მაღალი დონის შეხვედრას უმასპინძლა. ის რეგიონული შეხვედრის მასპინძლად მექსიკაში გამართულ OGP-ის მმართველი კომიტეტის შეხვედრის დროს აარჩიეს იმ წარმატებების გამო, რასაც საქართველომ ღია მმართველობის კუთხით ბოლო წლებში მიაღწია.

 

იხილეთ ფოტო ალბომი

სხვა მასალები ამ თემაზე
სიახლეები

საჯარო ინფორმაციის ხელმისაწვდომობა საქართველოში 2010-2019

28.09.2020

IDFI-მ ონლაინ კონფერენცია - კიბერუსაფრთხოების საერთაშორისო სტანდარტები და საქართველო გამართა

24.09.2020

კიბერუსაფრთხოების რეფორმა საქართველოში: არსებული გამოწვევები, საერთაშორისო პრაქტიკა და რეკომენდაციები

23.09.2020

ფარული მიყურადება საქართველოში - კანონმდებლობისა და პრაქტიკის ანალიზი

18.09.2020
განცხადებები

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020

მოვუწოდებთ კომუნიკაციების კომისიას შეასრულოს ობიექტური და მიუკერძოებელი დამკვირვებლის როლი წინასაარჩევნო და საარჩევნო პროცესებში მედიის მონიტორინგისას

20.08.2020
ბლოგპოსტები

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020

რუსული სპორტი და პოლიტიკა

13.08.2020

12 წელი 2008 წლის აგვისტოს ომიდან: რუსული დეზინფორმაცია და რეალური ფაქტები

07.08.2020