საქართველოს პარლამენტის თავმჯდომარის სიტყვა საპარლამენტო ღიაობის მნიშვნელობის შესახებ

სიახლეები | პუბლიკაციები | ღია მმართველობა და კორუფციასთან ბრძოლა | სტატია 5 ივნისი 2015

2015 წლის 3-4 ივნისს საქართველომ უმასპინძლა „ღია მმართველობის პარტნიორობის“ (Open government Partnership – OGP) ევროპულ რეგიონულ კონფერენციას. კონფერენციის ფარგლებში განხილულ იქნა ისეთი საკითხები, როგორიცაა ინოვაცია და ანგარიშვალდებულება OGP-ში, მთავრობის შიგნით კოორდინირება ღია მმართველობისთვის, ელ-მმართველობა – ელ. სერვისების და ღია მონაცემთა ბაზების მნიშვნელობა, საკანონმდებლო ღიაობა, საზოგადოების ჩართულობა, ინფორმაციის ხელმისაწვდომობა, OGP-ს სამუშაო ჯგუფები, სახელმწიფოს პირდაპირი მხარდაჭერა და სხვა. კონფერენციაში მონაწილეობის მისაღებად თბილისში OGP-ის წევრი ევროპული ქვეყნების მთავრობის წარმომადგენლები ჩამოვიდნენ.

 

აღსანიშნავია, რომ რეგიონული კონფერენცია გახსნა ხელისუფლების სამივე შტოს ხელმძღვანელმა პირმა. სხვა წარმომადგენლებთან ერთად, საერთაშორისო კონფერენციის მონაწილეებს სიტყვით მიმართა საქართველოს პარლამენტის თავმჯდომარემ დავით უსუფაშვილმა.

 

პარლამენტის თავმჯდომარემ აღნიშნა: „სახელმწიფო მმართველობა უნდა იყოს ღია მოქალაქეებისთვის და ჩვენ, ვისაც მონდობილი გვაქვს საზოგადოებრივი საქმეების გადაწყვეტა, ყოველთვის უნდა ვგრძნობდეთ თავს ანგარიშვალდებულად ჩვენი მოქალაქეების წინაშე და უნდა ვცდილობდეთ არა მხოლოდ მათ ინფორმირებას, არამედ მათ ჩართვას მმართველობის პროცესში. ამასთანავე, ჩვენმა საკუთარმა გამოცდილებამ დაგვარწმუნა, რომ კანონების მიღება მნიშვნელოვანი წინ გადადგმული ნაბიჯია, მაგრამ საკმარისი არ არის იმისათვის, რომ ეს ყველაფერი დამკვიდრდეს რეალურ პრაქტიკაში. ამიტომაც მეამაყება, რომ ვარ იმ პოლიტიკური ძალის და ხელისუფლების წარმომადგენელი, რომელმაც ბოლო ხანებში ამ მიმართულებებით განსაკუთრებული და ეფექტური ნაბიჯები გადადგა და დღეს, ჩვენი შედარებით ახალგაზრდა სახელმწიფო, მოწინავე სახელმწიფოებს შორის იმყოფება.

 

ცხადია, ეს პროცესი ვერ დარჩებოდა პარლამენტის ყურადღების მიღმა და კმაყოფილებით მინდა ავღნიშნო, რომ საქართველოს პარლამენტის წარმომადგენლები იყვნენ იმ ინიციატორთა შორის, ვინც 2014 წელს სანტიაგოში გამართულ ფორუმზე გააჟღერეს საპარლამენტო და საკანონმდებლო საქმიანობის ღიაობის ახალი ინიციატივა, რომელიც ორგანულად უერთდება ღია მმართველობის პარტნიორობის პროცესს მთელ მსოფლიოში“. პარლამენტის თავმჯდომარის განცხადებით, საპარლამენტო ღიაობასთან დაკავშირებით საკანონმდებლო ორგანოში არაერთი ღონისძიება გატარდა და მთავრობის მიერ შედგენილ სამოქმედო გეგმას, უახლოეს პერიოდში, პარლამენტის სამოქმედო გეგმა დაემატება, რომელზეც ინტერფრაქციული ჯგუფი აქტიურად მუშაობს.

 

ღია მმართველობის პრინციპების დასანერგად 2015 წლის თებერვალში შეიქმნა საქართველოს პარლამენტის ინტერფრაქციული ჯგუფი. ინტერფრაქციულ ჯგუფში გაერთიანებულია 11 პარლამენტის წევრი. ღია პარლამენტის სამუშაო ჯგუფის ფორმატის ფარგლებში, ინტერფრაქციული ჯგუფი თანამშრომლობს არასამთავრობო და საერთაშორისო ორგანიზაციებთან.

 

საქართველოს პარლამენტსა და ღია პარლამენტის სამუშაო ჯგუფის მონაწილე არასამთავრობო და საერთაშორისო ორგანიზაციებს შორის ხელი მოეწერა მემორანდუმს თანამშრომლობის შესახებ, საქართველოს პარლამენტი შეუერთდა საპარლამენტო ღიაობის დეკლარაციას, ჩატარდა ღია პარლამენტის სამუშაო ჯგუფის სამი შეხვედრა, შემუშავდა ღია პარლამენტის სამოქმედო გეგმის პირველადი რედაქცია და დაიწყო შეხვედრები მოქალაქეებთან სამოქმედო გეგმაში შემავალი საკითხების განხილვისა და საპარლამენტო ღიაობის საკითხის შემდგომი პოპულარიზაციის მიზნით. უახლოეს მომავალში, ღია პარლამენტის სამუშაო ჯგუფი აპირებს ღია პარლამენტის სამოქმედო გეგმით გათვალისწინებული ვალდებულებების განხილვის მიზნით მოქალაქეებთან შეხვედრების და კონსულტაციების ფორმატის გააქტიურებას.

 

საქართველოს ღია პარლამენტის სამუშაო ჯგუფი შეიქმნა პროექტის „ღია მმართველობის პარტნიორობის“ ინიციატივაში საქართველოს პარლამენტის ჩართულობის მხარდაჭერის“ ფარგლებში. აღნიშნულ პროექტს ახორციელებს ინფორმაციის თავისუფლების განვითარების ინსტიტუტი (IDFI) საქართველოს პარლამენტთან პარტნიორობით ევროკავშირისა (EU) და გაეროს განვითარების პროგრამის (UNDP) ერთობლივი პროექტის „საპარლამენტო დემოკრატიის სისტემის გაძლიერება საქართველოში“ ფარგლებში.

სხვა მასალები ამ თემაზე
სიახლეები

რუსული კანონის რეპრესიული ეფექტები

20.05.2024

ინტერვიუ “ესიმდე”-ს დამფუძნებელთან ყირგიზეთში “უცხოეთის აგენტების” კანონის შესახებ

20.05.2024

11 მაისს, ყოველწლიური ღონისძიება - ევროპის დღე გაიმართა, რომელიც ევროპაში მშვიდობისა და ერთიანობის დღესასწაულად ითვლება.

13.05.2024

IDFI-მ, ბათუმისა და ლაზეთის ეპარქიის მიწვევით, პოლონეთში ვიზიტის შედეგები და რეკომენდაციები წარადგინა

29.04.2024
განცხადებები

რუსული კანონი უპირობოდ უნდა იქნას გაწვეული

16.05.2024

"რუსული კანონის" დასაცავად ხელისუფლება მშვიდობიანი აქციის მონაწილეების წინააღმდეგ ძალადობას აგრძელებს

16.05.2024

რუსულ კანონი უპირობოდ უნდა იქნას გაწვეული

12.05.2024

ხელისუფლების ძალადობა ვერ შეაჩერებს ქართველი ხალხის სწრაფვას ევროპული მომავლისკენ

09.05.2024
ბლოგპოსტები

მაღალი დონის კორუფციის გადაუჭრელი პრობლემა საქართველოში

15.02.2024

Sockpuppet-ები და ვიკიპედია - ბრძოლის უცნობი ფრონტი

14.02.2024

რუსეთის მოქალაქეების შემოდინება საქართველოში და საზოგადოებრივი უსაფრთხოების გამოწვევები

05.10.2023

ენერგეტიკული სიღარიბე და დანაშაული საქართველოში

05.10.2023