ღია მმართველობის პარტნიორობის რეგიონული შეხვედრა საქართველოში

სიახლეები | პუბლიკაციები | ღია მმართველობის პარტნიორობა | სტატია 1 ივნისი 2015

2015 წლის 3-4 ივნისს საქართველო „ღია მმართველობის პარტნიორობის“ (Open government Partnership – OGP) ევროპულ რეგიონულ შეხვედრას უმასპინძლებს. კონფერენციაში მონაწილეობის მისაღებად თბილისში OGP-ის წევრი ევროპული ქვეყნების მთავრობის წარმომადგენლები ჩამოვლენ. მათი შეკრების მთავარი მიზანია ერთმანეთს გაუზიარონ OGP-ის ფარგლებში მიღწეული შედეგებისა და შეძენილი გამოცდილების გაზიარება, ასევე სამთავრობო რეფორმატორთა ფართო ქსელის შექმნისთვის საფუძვლის ჩაყრა, ღია მმართველობის პარტნიორობის რეფორმების უკეთ განხორციელების მიზნით. კონფერენციის ფარგლებში ასევე განხილული იქნება ისეთი საკითხები, როგორიცაა ინოვაცია და ანგარიშვალდებულება OGP-ში, მთავრობის შიგნით კოორდინირება ღია მმართველობისთვის, ელ-მმართველობა - ელ. სერვისების და ღია მონაცემთა ბაზების მნიშვნელობა, ღია მმართველობის განვითარება, მომავალი მმართველობის და საზოგადოების მოდელი, საზოგადოების ჩართულობა, საკანონმდებლო ღიაობა, ინფორმაციის ხელმისაწვდომობა, OGP-ს სამუშაო ჯგუფები, სახელმწიფოს პირდაპირი მხარდაჭერა და სხვა.


ევროპული რეგიონული შეხვედრა გაიხსნება 3 ივნისს, ექსპო ჯორჯიაში. კონფერენციაში მონაწილეობას მიიღებენ, როგორც სამოქალაქო სექტორის, ასევე საერთაშორისო ორგანიზაციების წარმომადგენლები. პლენარულ სხდომის გახსნაზე სიტყვით გამოვა საქართველოს პრემიერ მინისტრი ირაკლი ღარიბაშვილი, საქართველოს პარლამენტის თავმჯდომარე დავით უსუფაშვილი, საქართველოს უზენაესი სასამართლოს თავმჯდომარე, ნინო გვენეტაძე, იუსტიციის მინისტრი თეა წულუკიანი და სხვები. გარდა ქართული სამთავრობო წარმომადგენლებისა, კონფერენციის გახსნაში მონაწილეობას მიიღებენ უცხოელი მთავრობის წარმომადგენლებიც. საფრანგეთის პრემიერ მინისტრის აპარატიდან ტიერი მენდონი ისაუბრებს სახელმწიფო მდივნის თვითმმართველობის რეფორმის შესახებ.

4 ივნისის რეგიონული კონფერენციის დახურვისას, მოხსენებას გააკეთებს IDFI-ს დირექტორი, ღია მმართველობის პარტნიორობის ფორუმის თანა თავმჯდომარე, გიორგი კლდიაშვილი. ის ისაუბრებს ღია მმართველობის განვითარების პროცესში მთავრობის და სამოქალაქო საზოგადოების ეფექტურ და წარმატებულ თანამშრომლობაზე. კონფერენციის დახურვისას დამსწრეებს სიტყვით მიმართავენ ასევე OGP-ის სამუშაო ჯგუფების, საერთაშორისო ორგანიზაციების და მთავრობის წარმომადგენლები, სიტყვით ასევე გამოვლენ კიმბერლი ჯონსი (მსოფლიო ბანკი) ფრანჩესკო სეკი (UNDP) ალექსანდრე ბარამიძე (იუსტიციის მინისტრის პირველი მოადგილე) და სხვები.


საქართველო პირველი ქვეყანაა აღმოსავლეთ ევროპაში, რომელიც პარტნიორობის მაღალი დონის შეხვედრას მასპინძლობს. საქართველო რეგიონული შეხვედრის მასპინძლად მექსიკაში გამართულ OGP-ის მმართველი კომიტეტის შეხვედრის დროს აარჩიეს იმ წარმატებების გამო, რასაც საქართველომ ღია მმართველობის კუთხით ბოლო წლებში მიაღწია.


საქართველომ, რომელიც ღია მმართველობის ინიციატივას 2011 წლის სექტემბრიდან შეუერთდა, განახორციელა 2012-2013 წლებზე გათვლილი პირველი სამოქმედო გეგმა და აიღო სახელმწიფო სერვისების, სახელმწიფო შესყიდვების, საჯარო ფინანსების, სამართლის ადმინისტრირების, ინოვაციური ტექნოლოგიების განვითარების სფეროებში გამჭვირვალე და შეთანხმებული პროცესების უზრუნველყოფის ვალდებულება. „2012-2013 წლების წინსვლის ანგარიშის“ თანახმად, საქართველომ მიიღო მაღალი შეფასება ბიუჯეტის გამჭვირვალობის, ინფორმაციის ხელმისაწვდომობისა და ქონებრივი დეკლარაციების გამოქვეყნების კუთხით. ამჟამად საქართველოს მთავრობა მეორე 2014-2015 წლების სამოქმედო გეგმის იმპლემენტაციის პროცესში იმყოფება. ამავდროულად, საქართველოს პარლამენტი მუშაობს საპარლამენტო ღიაობის სამოქმედო გეგმის შემუშავებაზე. 2014 წლის სექტემბერში საქართველო ორი წლით იქნა არჩეული OGP-ის მმართველი კომიტეტის წევრად.

/public/upload/IDFI/OGP/FINAL Agenda_Georgia_POC_conference.2.pdf

სხვა მასალები ამ თემაზე
სიახლეები

სასამართლო სისტემის სტრატეგიისა და 2017-2018 წლების სამოქმედო გეგმის შესრულების მდგომარეობა

31.07.2020

საჯარო ინფორმაციის ხელმისაწვდომობა საქართველოში 2019

30.07.2020

საჯარო მმართველობის რეფორმის 2019 - 2020 წლების სამოქმედო გეგმის შესრულების მონიტორინგის შუალედური ალტერნატიული ანგარიშის პრეზენტაცია

28.07.2020

ღია მმართველობის მუდმივმოქმედი საპარლამენტო საბჭოსა და საკონსულტაციო ჯგუფის წევრებმა გასვლითი სამუშაო შეხვედრა გამართეს

23.07.2020
განცხადებები

შინაურ ბინადარ ცხოველთა მოვლა-პატრონობის მიმართულებით აუცილებელია ქმედითი ნაბიჯების გადადგმა

21.07.2020

არასამთავრობო ორგანიზაციები ხელისუფლებას მოუწოდებენ შექმნას დამოუკიდებელი ანტიკორუფციული სააგენტო

08.07.2020

კოალიცია მედია ადვოკატირებისთვის განცხადებას ავრცელებს

26.06.2020

მოვუწოდებთ კახა კალაძეს იფიქროს ჟურნალისტების უსაფრთხოებაზე

24.06.2020
ბლოგპოსტები

12 წელი 2008 წლის აგვისტოს ომიდან: რუსული დეზინფორმაცია და რეალური ფაქტები

07.08.2020

კოვიდ-19-ის დროს რუსეთის ფედერაციის კანონმდებლობაში შეტანილი ცვლილებები

15.06.2020

Covid 19-ის გავლენა საარჩევნო პროცესებზე მსოფლიოში

11.06.2020

ივანე ჯავახიშვილი და საქართველოს დამოუკიდებლობა

26.05.2020