ღია მმართველობის პარტნიორობას ახალი დირექტორი ჰყავს

სიახლეები | პუბლიკაციები | ღია მმართველობა | სტატია 18 დეკემბერი 2015

ღია მმართველობის პარტნიორობამ (OGP) განცხადება გააკეთა ახალ ლიდერთან დაკავშირებით და მათი ცნობით პარტნიორობას 2016 წლის მეორე ნახევრიდან სანჯაი პრადჰანი გაუძღვება, რომელიც ასევე OGP-ის მხარდაჭერის დეპარტამენტის ხელმძღვანელი იქნება.


სანჯაის განცხადებით OGP, იმ უნიკალური პლატფორმის თვალსაზრისით, რასაც წევრ ქვეყნებს სთავაზობს - ინფორმაციისა და გამოცდილების გაცვლა-გამოცვლა და სამოქალაქო ორგანიზაციებსა და ხელისუფლებებს შორის თანამშრომლობა - ისტორიულ შესაძლებლობას წარმოადგენს ღია მმართველობის ხელშეწყობისა და განვითარებისთვის მსოფლიოს მასშტაბით.


სანჯაი პრადჰანი 1986 წლიდან 3-ჯერ იყო მსოფლიო ბანკის ჯგუფის ვიცე-პრეზიდენტი. იგი მსოფლიო ბანკის ჯგუფში მმართველობისა და ანტი-კორუფციული სტრატეგიის ხელმძღვანელი გახლდათ, შექმნა ,,გლობალური პარტნიორობა სოციალური ანგარიშვალდებულებისთვის" და პროექტის "თანამშრომლური ლიდერობა განვითარებისათვის" ფარგლებში სამოქალაქო საზოგადოებისა და მთავრობის თანამშრომლობას უწყობდა ხელს.


ღია მმართველობის პარტნიორობის ლიდერები, ალეხანდრო გონსალესი და აიანდა დლოდლო, სანჯაი პრადჰანს ახასიათებენ, როგორც დიდი გამოცდილების მქონე პიროვნებას მთავრობებთან და სამოქალაქო საზოგადოების წარმომადგენლებთან ურთიერთობაში და სჯერათ, რომ სანჯაის მმართველობის პირობებში ღია მმართველობის პარტნიორობა მნიშვნელოვნად განვითარდება და საკუთარი პოტენციალის ძალიან დიდი ნაწილის რეალიზებას მოახდენს.


სანჯაი მსოფლიო ბანკის ჯგუფს მარტში დატოვებს და მალევე შეუერთდება ღია მმართველობის პარტნიორობას. მანამდე კი, მოვალეობის დროებით შემსრულებელი ჯო პაუელი გახლავთ.


ღია მმართველობის პარტნიორობა 2011 წელს დაარსდა 8 სახელმწოფოს მეთაურის მიერ და დღეს, მისი წევრების რიცხვი 69-ს აღწევს.


ღია მმართველობის პარტნიორობა მრავალმხრივ ინიციატივას წარმოადგენს და მიზნად ისახავს მთავრობების მხრიდან კონკრეტული ვალდებულებების შესრულების უზრუნველყოფას ღია მმართველობის, გამჭვირვალობის, მოქალაქეების ჩართულობის განვითარების, კორუფციასთან ბრძოლის, ინოვაციებისა და ახალი ტექნოლოგიების დანერგვის თვალსაზრისით. ინიციატივა ასევე გულისხმობს ახალი ტექნოლოგიების გამოყენებას იმისათვის, რომ მთავრობები უფრო ღია, ეფექტური და ანგარიშვალდებული გახადოს, რაც მოიტანს საზოგადოებრივი რესურსების უფრო ეფექტიან მართვას და ინკლუზიურ განვითარებას. საქართველო ღია მმართველობის პარტნიორობას 2011 წლის სექტემბერში შეუერთდა.

სხვა მასალები ამ თემაზე
სიახლეები

პერსონალურ მონაცემთა დაცვის აქტუალური საკითხები - ესეების კრებული

22.09.2021

სასერტიფიკატო და საუნივერსიტეტო პროგრამა - დეზინფორმაციისა და პროპაგანდის კვლევა: ისტორია, თეორიები და გაბათილების საშუალებები - დაიწყო

21.09.2021

არქივები და კონსპირაციის თეორები: ბულგარეთის მართლმადიდებლური ეკლესიის მაგალითი

17.09.2021

OGP-ის ადგილობრივი პროგრამის წევრი საქართველოს თვითმმართველი ერთეულების სამოქმედო გეგმების მიმოხილვა

17.09.2021
განცხადებები

IDFI ფარული მასალების გავრცელებას ეხმიანება

17.09.2021

IDFI-ის განცხადება გენერალური პროკურორის არჩევის წესის ცვლილებასთან დაკავშირებით

08.09.2021

ევროკავშირის დახმარებაზე უარი საქართველოს ევრო-ატლანტიკური კურსიდან გადახვევის ღია დეკლარირებაა

31.08.2021

ვახო სანაიას საქმეზე მართლმსაჯულება სათანადოდ არ აღსრულებულა

25.08.2021
ბლოგპოსტები

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021

სახელფასო პოლიტიკა თვითმმართველობებში და პრემიერის დაპირება

12.08.2021

ფართოზოლოვანი ინფრასტრუქტურის სახელმწიფო პროგრამის საპილოტე პროექტი ოზურგეთში

13.05.2021

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021