ღია მმართველობის პარტნიორობის საძიებო სისტემა - OGP Explorer

სიახლეები | პუბლიკაციები | ღია მმართველობის პარტნიორობა | სტატია 14 ოქტომბერი 2015

ღია მმართველობის პარტნიორობამ შექმნა ვალდებულებების საძიებო ელექტრონული სისტემა, რომელიც სამოქალაქო საზოგადოების, მთავრობის, აკადემიური წრის წარმომადგენლებისთვის და ჟურნალისტებისთვის ამარტივებს წვდომას ღია მმართველობის პარტნიორობის (OGP) მიერ შეგროვებულ ვრცელ მონაცემებზე.


OGP საძიებო სისტემა არის პლატფორმა, რომელიც მომხმარებელს საშუალებას აძლევს ერთად მოუყაროს თავი როგორც უკვე შესრულებულ, ისე განხორციელების პროცესში მყოფ ყველა ვალდებულებას. ამჟამად, საიტზე უკვე 2000-ზე მეტი ვალდებულებაა დეტალურად განთავსებული. მათი ნაწილი IRM-ის (ღია მმართველობის პარტნიორობის დამოუკიდებელი შეფასების მექანიზმი) მიერ არის შეფასებული.


აღნიშნული ელექტრონული სერვისი მდიდარია მონაცემთა ვიზუალიზაციის საშუალებების თვალსაზრისითაც. მონაცემების ნახვა შესაძლებელია გრაფიკული გამოსახულებებისა და ცხრილების მეშვეობით, რაც აადვილებს ქვეყნის მიერ OGP ვალდებულებების შესრულების შეფასებას, ძველი და ახალი ვალდებულებების გარჩევას, ქვეყნების და შემდგომ მათი დაჯგუფების მეთოდის შერჩევას.


მონაცემების გრაფიკული ხედით წარმოდგენისას, ინფორმაცია მეტად დინამიკური და ეფექტური ფორმითაა წარმოდგენილი. მაგალითად, მომხმარებელს შეუძლია გრაფები მნიშვნელობის ან შესრულების თარიღის მიხედვით დაალაგოს. ასევე, შესაძლებელია მონაცემების კონკრეტული ქვეყნის ან რეგიონის მიხედვით დალაგება.


ინფორმაციის ცხრილის სახით წარმოდგენისას კი, გაცილებით მარტივია ქვეყნების OGP საქმიანობაში ჩართულობის შეფასება, რადგან ცხრილში უკეთესად არის გამოხატული სამოქმედო გეგმები, სამთავრობო და სამოქალაქო სექტორის ურთიერთთანამშრომლობის შედეგები.


საძიებო სისტემის მეშვეობით მოძიებული ინფორმაციების გადმოწერა CSV (Comma-separated values) ფორმატშია შესაძლებელი, რაც საშუალებას აძლევს დაინტერესებულ პირებს გამოიყენონ მოძიებული ინფორმაცია საკუთარ მოხსენებებსა თუ კვლევებში.


OGP-ის საძიებო სისტემა შეგიძლიათ იხილოთ შემდეგ ელექტრონული ბმულზე: http://www.opengovpartnership.org/explorer/landing.


ღია მმართველობის პარტნიორობის მიხედვით, ეს არის პროექტის პირველი ეტაპი და მზად არიან კიდევ უფრო დახვეწონ საძიებო სისტემა ახალი ფუნქციებისა და ცვლილებების დამატებით.

სხვა მასალები ამ თემაზე
სიახლეები

IDFI-იმ და სახელმწიფო ინსპექტორის სამსახურმა ერთობლივი პროექტი დაიწყეს

05.03.2021

საქართველოს შედეგები ღია მონაცემების მზაობის კვლევაში

05.03.2021

სტატისტიკური მონაცემები 2018-2020 წლებში საქართველოს ოკუპირებულ ტერიტორიებზე ქართული ჯანდაცვის პროგრამებით მოსარგებლეთა შესახებ

05.03.2021

მხილების ინსტიტუტის გამოწვევები საქართველოში - კანონმდებლობა და პრაქტიკა

04.03.2021
განცხადებები

არასამთვრობო ორგანიზაციების განცხადება ტვ პირველის ეთერში გასულ სიუჟეტთან დაკავშირებით

07.03.2021

კოალიცია სააპელაციო სასამართლოს მიერ „საერთაშორისო გამჭვირვალობა - საქართველოს“ წინააღმდეგ მიღებულ უკანონო და დაუსაბუთებელ გადაწყვეტილებას ეხმაურება

04.03.2021

მედიაკოალიცია ჟურნალისტ ვახო სანაიაზე და მის ოჯახზე თავდასხმის ფაქტს ეხმიანება

25.02.2021

საგანგებო განცხადება ნიკა მელიას დაკავების შესახებ

23.02.2021
ბლოგპოსტები

გუდმუნდურ ანდრი ასტრადსონი ისლანდიის წინააღმდეგ: მოსამართლეთა დანიშვნის შესახებ კანონმდებლობის დარღვევამ სამართლიანი სასამართლოს უფლების შელახვა გამოიწვია

10.02.2021

რატომ არ არის სახელმწიფო ავტოპარკში ელექტროავტომობილები?

08.02.2021

ღია მმართველობის პარტნიორობის გაზრდილი მნიშვნელობა - პერსპექტივა დაკვირვების საფუძველზე (OGP 2030)

26.11.2020

დამოუკიდებელი ანტიკორუფციული სააგენტო - მაღალი დონის კორუფციასთან ბრძოლის ეფექტური საშუალება

06.11.2020