დღეს გავრცელებული ინფორმაციით შინაგან საქმეთა სამინისტროს მიერ დაკავებულია ჟურნალ "ლიბერალის" პოლიტიკის განყოფილების რედაქტორი ირაკლი აბსანძე, რომელიც ეჭვმიტანილია სისხლის სამართლის კოდექსის 260–ე მუხლის პირველი ნაწილით, რაც ნარკოტიკების შეძენა, შენახვა, გადატანას გულისხმობს და 11 წლამდე თავისუფლების აღკვეთას ითვალისწინებს.

ირაკლი აბსანძის ადვოკატის გაგი მოსიაშვილის განცხადებით ირაკლიმ მეგობრისგან გამოგზავნილი ამანათი მიიღო, სადაც სავარაუდოდ, მარიხუანა აღმოჩნდა. ადვოკატის განცხადებით ირაკლის არ ჰქონდა ინფორმაცია იმის შესახებ, თუ რა იდო ამანათში.
ჩვენი კოლეგის ირაკლი აბსანძის პიროვნული ღირსებების, მაღალი პროფესიონალიზმის და პატიოსანი რეპუტაციის გათვალისწინებით, კოალიცია „მედიის ადვოკატირებისთვის“ მოუწოდებს საქართველოს შინაგან საქმეთა სამინისტროს მაქსიმალურად ღიად და ობიექტურად ჩაატაროს აღნიშნული საქმის გამოძიება და ვთხოვთ შინაგან საქმეთა მინისტრს და საქართველოს მთავარ პროკურორს თავიანთ პირად კონტროლზე აიყვანონ საქმის გამოძიება.  
ჩვენ, ასევე, ვითხოვთ გამოძიების ყველა ეტაპზე სრულყოფილი და ობიექტური მონიტორინგის განხორციელების საშუალებას.

კოალიციის წევრი ორგანიზაციები:

•    სამოქალაქო განვითარების ფონდი
•    საქართველოს ახალგაზრდა იურისტთა  ასოციაცია
•    მედიაკლუბი
•    ფონდი „ღია საზოგადოება საქართველო“
•    საერთაშორისო გამჭვირვალობა - საქართველო
•    ინფორმაციის თავისუფლების განვითარების ინსტიტუტი (IDFI)
•    საქართველოს ჟურნალისტური ეთიკის ქარტია
•    რეგიონულ მაუწყებელთა ასოციაცია
•    რეგიონული პრესის ასოციაცია
•    რეგიონულ მაუწყებელთა ქსელი
•    ლევან მიქელაძის სახელობის ფონდი
•    პრესის თავისუფლებისათვის