პრეზიდენტის ადმინისტრაციიდან მიღებული საჯარო ინფორმაცია

სიახლეები | კარგი მმართველობა | პუბლიკაციები | ანალიზი 29 მარტი 2013

პრეზიდენტის ადმინისტრაციიდან მიღებული საჯარო ინფორმაცია უკვე ხელმისაწვდომია ვებ-გვერდზე. სამივლინებო ხარჯების შესახებ ადმინისტრაციამ გვაცნობა, რომ მოთხოვნა მუშავდება და დამატებით მოგვეწოდება დასრულებისთანავე. ადმინისტრაციამ არასრულყოფილად მოგვაწოდა ინფორმაცია დანიშნული თანამდებობის პირების შესახებ, რადგან მითითებულია მხოლოდ ხუთი პირის ვინაობა და თანამდებობა. სხვა დანარჩენ შემთხვევაში მოწოდებული ინფორმაცია სრულყოფილია.

 
აქვე აღსანიშნავია, რომ პრეზიდენტის ადმინისტრაციიდან აღნიშნული პასუხი წერილის გაგზავნიდან ერთ თვეში არ მიგვიღია, რის გამოც 2013 წლის 13 მარტს პრეზიდენტის ადმინისტრაციაში შევიტანეთ ადმინისტრაციული საჩივარი. აღნიშნული პასუხი ადმინისტრაციული საჩივრის შეტანის შემდეგ მივიღეთ. 
 
საგულისხმოა, რომ პრეზიდენტის ადმინისტრაციიდან საჯარო ინფორმაციის მიღება აქამდეც სირთულეს წარმოადგენდა, და მხოლოდ თბილისის საქალაქო სასამართლოში ადმინისტრაციული სარჩელის შეტანის შემდეგ ვიღებდით პასუხს. 
 
 
მიღებული ინფორმაციისთვის შეგიძლიათ იხილოთ შემდეგი ბმულები:
           
 
აღსანიშნავია, რომ პრეზიდენტის ადმინისტრაციამ სრულყოფილად მოგვაწოდა ინფორმაცია 2012 წლის 1 იანვრიდან 2013 წლის 31 იანვრის ჩათვლით გაცემული პრემიების შესახებ. 
 
როგორც მიღებული ინფორმაციიდან ირკვევა, ყველაზე მაღალი პრემია 13 თვის მანძილზე აიღო პროტოკოლისა და საგარეო ურთიერთობების სამსახურის უფროსმა ზურაბ დარჩიაშვილმა - 47 710 ლარი. გაცემული პრემიის ოდენობით მეორე ადგილზეა პრეზიდენტის პრესსამსახურის უფროსი ნათია ბანძელაძე - 40 013 ლარი. მესამე ადგილზეა პრეზიდენტის ერთ-ერთი მრჩეველი, რომელმაც 13 თვის მანძილზე 38 940 ლარის პრემია აიღო. თუმცა, იქიდან გამომდინარე, რომ მოწოდებულ ინფორმაციაში არ არის მითითებული თანამდებობის პირების სახელები, შეუძლებელია დანამდვილებით იმის თქმა, თუ პრეზიდენტის შვიდი მრჩევლიდან რომელს ეკუთვნის ეს პრემია. შედარებისთვის, დანარჩენი მრჩევლებიდან სამის 13 თვის პრემიები შეადგენს 17 400 ლარს, ერთის - 19 320 ლარს, ხოლო ორი დანარჩენის - 2000 და 4000 ლარს. ერთ-ერთი ყველაზე მაღალი პრემია აქვს აღებული პრეზიდენტის სამდივნოს უფროსს 13 თვის მანძილზე 32 240 ლარი. 
 
თუ შევადარებთ მრჩევლების მიერ აღებულ პრემიებს მათ თანამდებობრივ სარგოს, მივიღებთ, რომ ერთ-ერთმა მრჩეველმა 13 თვის მანძილზე ხელფასზე 1.49-ჯერ მეტი პრემია აიღო. პრეზიდენტის ადმინისტრაციის სამსახურის უფროსის თანამდეობრივი სარგო განსაზღვრულია 2 300 ლარით. შესაბამისა პრესსამსახურის უფროსმა 13 თვის მანძილზე ხელფასზე 1.3-ჯერ მეტ თანხას იღებდა პრემიის სახით. ხოლო პროტოკოლისა და საგარეო ურთიერთობების სამსახურის უფროსმა იგივე პერიოდში ხელფასზე 1.59-ჯერ მეტი თანხა აიღო პრემიის სახით. 
 
სულ 2012 წლის 1 იანვრიდან 2013 წლის 31 იანვრის ჩათვლით პერიოდში 26 პირის პრემიებზე დაიხარჯა 537 048 ლარი. 
 
გაცემული პრემიების რეიტინგული სია შემდეგნაირად გამოიყურება:
 
       
 
2012 წლის პირველი იანვრიდან 2013 წლის 31 იანვრის ჩათვლით ადმინისტრაციამ მოიხმარა 712 301 ლარის ბენზინი და 68 289 ლარის დიზელი.
 
 
ადმინისტრაციამ მოგვაწოდა ინფორმაცია ბალანსზე რიცხული ავტომანქანების შესახებ, რის მიხედვითაც ირკვევა, რა მოდელის 54 ავტომანქანა ემსახურება ადმინისტრაციას. 
 
 
მიღებული ინფორმაციიდან ირკვვა, რომ პრეზიდენტის ადმინისტრაციამ 2012 წლის მანძილზე სახელმწიფო შესყიდვებზე სულ დახარჯა 3.040.723,48 ლარი. მაგ. პრეზიდენტის სასახლის დასათვალიერებლად მოსული სტუმრებისთვის კვების მომსახურების შესყიდვაზე წლის მანძილზე დაიხარჯა 72 294,4 ლარი. 
 
 
მიღებული ინფორმაციის თანახმად, 2012 წლის 20 ოქტომბრიდან პრეზიდენტის ადმინისტრაციის შტატში 15, ხოლო შტატგარეშედ 5 თანამშრომელი დასაქმდა, თუმცა დასაქმებული პირების ვინაობა და პოზიციები მხოლოდ ხუთი მათგანის შემთხვევაში მოგვაწოდეს. 
 
 
2013 წლის 11 თებერვლის მონაცემებით პრეზიდენტის ადმინისტრაციის შტატში დასაქმებულია 139 თანამშრომელი, შტატგარეშედ - 5. 2010 წლის 1 იანვრიდან 2013 წლის 11 თებერვლამდე პრეზიდენტის ადმინისტრაციიდან საკუთარი ინიციატივით გათავისუფლდა 69 თანამშრომელი, ხოლო „საჯარო სამსახურის შესახებ“ კანონის 97-ე და 103-ე მუხლების შესაბამისად - 3 თანამშრომელი. 
   
პასუხი მიღებული იქნა საქართველოს ზოგადი ადმინისტრაციული კოდექსის მე-40 მუხლის, პირველი ნაწილით გათვალისწინებული პროცედურული ნორმის დარღვევით. ინფორმაცია მოწოდებულია ადმინისტრაციული საჩივრის შეტანის შემდეგ.
 
 
 
სხვა მასალები ამ თემაზე
სიახლეები

„ინფორმაციული უსაფრთხოების შესახებ“ კანონპროექტის რისკები და გამოწვევები - IDFI-ს შეფასება

10.11.2019

სასამართლო რეფორმის შედეგების შეფასება - დისციპლინური პასუხისმგებლობის სისტემა

08.11.2019

საგანგებო სიტუაციების მართვის სამსახურის ბიუროკრატიული აპარატის და ხარჯების ანალიზი

06.11.2019

ქალაქ თბილისის მერიის და საკრებულოს ხარჯები: 2017-2018 წლები - ვიზუალიზაცია

04.11.2019
განცხადებები

არასამთავრობო ორგანიზაციათა საგანგებო განცხადება

14.11.2019

კვლავ არსებობს კითხვები გენერალური პროკურორის დიპლომთან დაკავშირებით

17.10.2019

განცხადება სახელმწიფო ავტოპარკის ოპტიმიზაციის აუცილებლობის შესახებ

18.09.2019

იურიდიული კომიტეტის მიერ სამუშაო ჯგუფის დაკომპლექტების შეფასება

17.09.2019
ბლოგპოსტები

გამოკითხვის ექსპერიმენტი

31.10.2019

პროკურატურის დამოუკიდებლობასთან დაკავშირებით მოსახლეობის აზრი გაყოფილია

30.10.2019

უზენაესი სასამართლოს მოსამართლეების შერჩევა: რა იცის და რა დამოკიდებულება აქვს ხალხს საქართველოში ამ პროცესის შესახებ

21.10.2019

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019