სიახლეების გამოწერა

სამეგრელო-ზემო სვანეთსა და აჭარაში პროკურატურის რეფორმის მიმდინარეობას ორი ადგილობრივი ორგანიზაცია შეაფასებს

სიახლეები | კარგი მმართველობა | პუბლიკაციები | სტატია 21 იანვარი 2019

2019 წლის 17 იანვარს, IDFI-ის კონკურსში გამარჯვებულმა 2-მა არასამთავრობო ორგანიზაციამ – „სამოქალაქო საზოგადოების ინსტიტუტის“ (CSI) ბათუმის ფილიალმა და ასოციაცია „დეა“-მ – წარმატებით გაიარეს პროკურატურის რეფორმის მონიტორინგის ტრენინგი. მომდევნო 8 თვის განმავლობაში ისინი სამეგრელო-ზემო სვანეთსა და აჭარაში შეაფასებენ ამ რეფორმის მიმდინარეობას.

 

CSI-ის ბათუმის ფილიალის ხელმძღვანელის ნათია აფხაზავას თქმით, რეფორმის შეფასება მისი ორგანიზაციისთვის ძალზე საინტერესო და მნიშვნელოვანი ინიციატივაა.

 

„ვფიქრობთ, აჭარის რეგიონში მიმდინარე პროკურატურის რეფორმის მონიტორინგი საშუალებას მოგვცემს ზუსტად გავიგოთ რამდენად ეფექტურად განხორციელდა სტრატეგიით გათვალისწინებული ღონისძიებები და რამდენად აისახება მიმდინარე რეფორმის შედეგი საზოგადოებაზე. მიუხედავად იმისა, რომ სამოქალაქო საზოგადოების ინსტიტუტს აქვს დიდი გამოცდილება მონიტორინგის, პოლიტიკის დიალოგის წარმოების თუ ინფორმაციის ანალიზის კუთხით, ეს პროექტი ჩვენთვის იქნება, ერთი მხრივ, ორგანიზაციის შესაძლებლობების კიდევ უფრო გაძლიერების, ხოლო, მეორე მხრივ, ახალი მიმართულების / გამოცდილების შეძენის შესაძლებლობა“, – აღნიშნა მან.

 

ასოციაცია „დეას“ აღმასრულებელი დირექტორის მადონა ხარებავას აზრით, ევროკავშირის მიერ დაფინანსებული პროექტის ფარგლებში IDFI-ისთან თანამშრომლობა, კონსულტაციები და გამოცდილების გაზიარება ხელს შეუწყობს ორგანიზაციის ინსტიტუციონალურ განვითარებას.

 

„დარწმუნებული ვარ, რომ IDFI-ისთან პარტნიორობის შედეგად შექმნილი კვლევითი დოკუმენტი ხელს შეუწყობს პროკურატურის რეფორმის მოქმედი და სამომავლო გეგმების დახვეწას. ჩვენი მოლოდინით, მონიტორინგის შედეგები და მასში მოცემული რეკომენდაციები დაეხმარება პროკურატურას უფრო ეფექტური რეფორმის წარმოებაში; პროკურატურა უფრო სენსიტიური გახდება ქალთა მიმართ ძალადობისა და სიძულვილით მოტივირებული დანაშაულებისადმი, ყველასთვის გაიზრდება მართლმსაჯულების ხელმისაწვდომობის დონე“, - აღნიშნა მან.



იანვარში ჩატარებულ ტრენინგს IDFI-ის წარმომადგენლები მარიამ თუთბერიძე და ანა კაკალაშვილი უძღვებოდნენ. ტრენინგი ასევე მოიცავდა ინფორმაციას ქალთა მიმართ ძალადობის და სიძულვილით მოტივირებული დანაშაულების საქმეების მონიტორინგის შესახებ.

 

ინიციატივა ხორციელდება ევროკავშირის (EU) მიერ დაფინანსებული პროექტის ფარგლებში, რომლის მიზანია საქართველოს პროკურატურის შიდა და გარე დამოუკიდებლობის გაზრდა, საქართველოს საპროკურორო და საგამოძიებო სისტემების მიუკერძოებლობისა და სამართლიანობის უზრუნველსაყოფად.

სხვა მასალები ამ თემაზე
სიახლეები

ეკონომიკური თანამშრომლობისა და განვითარების ორგანიზაციის ანტიკორუფციული ქსელის (OECD-ACN) რეკომენდაციები არასათანადოდ სრულდება

22.02.2019

მოსახლეობის ცოდნა და დამოკიდებულება უზენაესი სასამართლოს მოსამართლეების შერჩევის პროცესის მიმართ

21.02.2019

IDFI-იმ ახალი პროექტის „კარგი მმართველობის გაძლიერება საქართველოში“ განხორციელება ჟურნალისტების ტრენინგით დაიწყო

04.02.2019

პროკურატურის რეფორმა – რა ცვლილებებით შეხვდა სისტემა 2019 წელს

04.02.2019
განცხადებები

პეტიცია მართლმსაჯულების გადასარჩენად

22.02.2019

მიმართვა დიპლომატიური მისიების ხელმძღვანელებს

22.02.2019

სს „თიბისი ბანკის“ გარშემო განვითარებული მოვლენები ბევრ კითხვას აჩენს

15.02.2019

ხელისუფლებამ უნდა გამოიჩინოს პოლიტიკური ნება და ფარული ჩანაწერებით შანტაჟის პრაქტიკა აღკვეთოს

29.01.2019
ბლოგპოსტები

მოსახლეობის ცოდნა და დამოკიდებულება უზენაესი სასამართლოს მოსამართლეების შერჩევის პროცესის მიმართ

21.02.2019

საქართველოს პროკურატურა მნიშვნელოვანი ცვლილებების წინაშე: სისტემაში არსებული ხარვეზების გამოსწორების გზა

30.08.2018

შეზღუდული შესაძლებლობის მქონე ქალების სქესობრივი და რეპროდუქციული ჯანმრთელობა და უფლებები

31.05.2018

შეზღუდული შესაძლებლობების მქონე პირთა ჯანმრთელობის უფლების ცალკეული ასპექტები საქართველოში

31.05.2018