„ინფორმაციის თავისუფლების განვითარების ინსტიტუტსა“ და „საქართველოს საბჭოური პერიოდის რეპრესიების მსხვერპლთა უკვდავყოფისა და თანადგომის საზოგადოება ”მემორიალს“ შორის ხელი მოეწერა ურთიერთთანამშრომლობის მემორამდუმს.
ინსტიტუტი მუშაობს საბჭოური პერიოდის რეპრესიების მსხვერპლთა შესახებ საზოგადოება „მემორიალის“ მფლობელობაში არსებული საარქივო მასალების დიგიტალიზაციაზე.
მემორანდუმის ფარგლებში დაგეგმილია სხვადასხვა ერთობლივი სამეცნიერო, კვლევითი, კულტურული და საგანმანათლებლო პროექტების განხორციელება, კონფერენციების, შეხვედრებისა და სხვა ღონისძიებების ჩატარება.
თანამშრომლობას დიდი მნიშვნელობა აქვს საქართველოს ტოტალიტალისტური წარსულის შესწავლისა და საბჭოთა პერიოდის სახელმწიფო რეპრესიების მსხვერპლთა უკვდავყოფისა და თანადგომისათვის.
ამ ეტაპზე საზოგადოება „მემორიალი“ აქტიურად არის ჩართული ინსტიტუტის პროექტში „სტალინის სიები საქართველოზე“. პროექტის ფარგლებში დაგეგმილია 1937-1938 წლებში იმ რეპრესირებულ პირთა შესახებ ინფორმაციების მოძიება, რომლებიც გასამართლდნენ სტალინის და პოლიტბიუროს სხვა წევრების დასტურის საფუძვლად.
პროექტში გამოყენებული იქნება საზოგადოება „მემორიალის“ მიერ შეგროვებული ფოტო და დოკუმკენტური მასალა.
რუსული კანონი უპირობოდ უნდა იქნას გაწვეული
16.05.2024
სიახლეების გამოწერა
