შეხვედრა თემაზე: საგანმანათლებლო დაწესებულებების სასწავლო პროგრამების შესაბამისობის საკითხი შრომის ბაზრის მოთხოვნებთან

სიახლეები | კარგი მმართველობა | პუბლიკაციები | სტატია 22 დეკემბერი 2014

,,ინფორმაციის თავისუფლების განვითარების ინსტიტუტი" (IDFI) ბრემენის უნივერსიტეტთან ერთად გერმანიის საგარეო საქმეთა სამინისტროს დაფინანსებით ახორციელებს პროექტს: "სტრატეგიული გეგმა საქართველო 2020 - სამოქალაქო საზოგადოების ჩართულობის გაძლიერება (ZigB)" პროექტი მიზნად ისახავს სამოქალაქო საზოგადოების ჯგუფების მაქსიმალურად ფართო სპექტრის დაინტერესების გამოწვევასა და მათი ცოდნის გაღრმავებას, საქართველოს მთავრობის მიერ დადგენილებით დამტკიცებული სოციალურ-ეკონომიკური განვითარების სტრატეგია "საქართველო - 2020"-თან დაკავშირებით, რათა ისინი მომავალში უფრო აქტიურად ჩაერთონ საჯარო განხილვების პროცესში.

 

აღნიშნული პროექტის ფარგლებში ხუთშაბათს, 18 დეკემბერს, სასტუმრო თბილისი მერიოტში გაიმართა შეხვედრა თემაზე: "საგანმანათლებლო დაწესებულებების სასწავლო პროგრამების შესაბამისობის საკითხი შრომის ბაზრის მოთხოვნებთან".

 

შეხვედრა შედგებოდა ორი ნაწილისაგან: პირველ ნაწილში განხილულ იქნა განათლების სტრატეგია, ხოლო დისკუსიის მეორე ნაწილი დაეთმო შრომის ბაზრის მოთხოვნების განხილვას.

 

დისკუსიაში მონაწილეობას იღებდნენ როგორც არასამთავრობო, ასევე საერთაშორისო და სახელმწიფო ორგანიზაციების წარმომადგენლები.
სპიკერებმა, „საქართველო 2020“-ის, განათლებისა და მეცნიერების სამინისტროს სტრატეგიაზე დაყრდნობით და შრომის ბაზარსა და საგანმანათლებლო დაწესებულებებს შორის არსებული პრობლემების საფუძველზე განიხილეს სასწავლო პროგრამებისა და შრომის ბაზრის მოთხოვნებთან დაკავშირებული სხვადასხვა საკითხები. 


ბატონმა სიმონ ჯანაშიამ, მკვლევარმა და ილიას სახელმწიფო უნივერსიტეტის ლექტორმა ისაუბრა სტრატეგიის მთავარ გამოწვევებზე და აღნიშნა, რომ ყველაზე მნიშვნელოვანია მთავარ ღირებულებებზე შეთანხმება. ჯანაშიამ თავის სიტყვაში, ასევე ხაზი გაუსვა განათლებაში ინვესტირების მნიშვნელობას.


ათასწლეულის გამოწვევის ფონდი-საქართველოს წარმომადგენლებმა, ბატონმა ნოდარ სურგულაძემ ისაუბრა უნივერსიტეტებსა და დამსაქმებლებს შორის კომუნიკაციის არ არსებობაზე, რაც ართულებს სტუდენტების დასაქმების საკითხს. ამასთან, დამსაქმებლის მოთხოვნები ხშირად განსხვავებულია იმისგან, რასაც უნივერსიტეტებში ასწავლიან, ამიტომ, აუცილებელია დამსაქმებლების მონაწილეობით შემუშავდეს კურიკულუმი და გაირკვეს, რა სურთ პოტენციური თანამშრომლებისგან.


განათლებისა და მეცნიერების სამინისტროს პროფესიული განათლების განვითარების დეპარტამენტის უფროსმა, თამარ ქიტიაშვილმა, პროფესიული განათლების განვითარების ძირითად მიმართულებებზე ისაუბრა. ქალბატონმა თამარ ქიტიაშვილმა ასევე აღნიშნა, რომ მიუღებელია განათლების მხოლოდ ეკონომიკურ ჭრილში განხილვა. პროფესიული განათლების სისტემა მხოლოდ შემდგომი დასაქმების ჭრილში არ უნდა განიხილებოდეს, რადგან მას სოციალური დატვირთვაც ახლავს თან. ქალბატონმა თამარმა მაგალითისთვის მოიყვანა დაბა ჯვარში გახსნილი სასწავლებელი, სადაც სასწავლებლად აფხაზეთიდან გადმოდიან და ეს ხელს უწყობს აფხაზი მოსწავლეების ინტეგრაციას.


დამსწრეები შეთანხმდნენ, რომ პროფესიული განათლება ძალიან დაბალრეიტინგულია და ასოცირდება წარუმატებელ კარიერასთან, ამიტომ, საჭიროა ამ სტერეოტიპული მიდგომის შეცვლა.

შრომის ბაზრის დინამიკასა და მოთხოვნებზე პრეზენტაცია გააკეთა ჯორჯიან ბიზნეს ინსაითის ეკონომისტმა ბატონმა ირაკლი ლექვინაძემ. მან რამდენიმე საინტერესო საკითხზე გაამახვილა ყურადღება, კერძოდ, სამუშაოს მაძიებლები, რომლებიც უკვე არიან დასაქმებულები, მაინც უმუშევრებად ითვლებიან, ხოლო დაუსაქმებელი ადამიანები, რომლებიც არ ეძებენ სამსახურს, არ ითვლებიან უმუშევრად. 1ჰა და მეტი მიწის მფლობელები ითლებიან დასაქმებულებად, მიუხედავად იმისა, იღებენ თუ არა ისინი რაიმე შემოსავალს ამ მიწიდან. არსებობს ასევე ე.წ. „იმედგაცრუებული“ მუშახელი, რომელმაც დაკარგა იმედი, რომ ოდესმე სამუშაოს იპოვის და შესაბამისად, სამსახურს არ ეძებს, ამიტომ, ისინიც არ არიან შრომის ბაზარზე რომელიმე კატეგორიაში წარმოდგენილები.


კურსდამთავრებულთა დასაქმების სამართლებრივ ასპექტებზე გაამახვილა ყურადღება მასურაშვილის და საჩალელის იურიდიული ოფისის პარტნიორმა სოფო საჩალელმა, რომელმაც აღნიშნა, რომ საქართველოს შრომის კოდექსი რაიმე განსხვავებას არ ითვალისწინებს უნივერსიტეტის/პროფესიული სასწავლებლის კურსდამთავრებულის დასაქმების პირობებთან დაკავშირებით; მომხსენებელმა ასევე აღნიშნა, რომ კოდექსი არ არეგულირებს პრაქტიკის ხელშეკრულების პირობებს, რაც დამსაქმებელს საშუალებას აძლევს, განუსაზღვრელი დროის განმავლობაში უფასოდ ისარგებლოს ადამიანური რესურსით.


შეხვედრა მიმდინარეობდა სპიკერების და დამსწრეების დისკუსიის და აქტიური ჩართულობის რეჟიმში.


აღნიშნული პროექტის ფარგლებში IDFI მსგავსი დისკუსიების ჩატარებას მომავალშიც გეგმავს.

ფოტო ალბომი

 

სხვა მასალები ამ თემაზე
სიახლეები

თბილისის საქალაქო სასამართლომ „მედიააკადემიის“ წინააღმდეგ IDFI-ის სარჩელი დააკმაყოფილა

26.02.2021

სტატისტიკური მონაცემები 2018-2020 წლებში საქართველოს ოკუპირებულ ტერიტორიებზე ქართული ჯანდაცვის პროგრამებით მოსარგებლეთა შესახებ

24.02.2021

ხელოვნური ინტელექტი: არსი, საერთაშორისო სტანდარტები, ეთიკური ნორმები და რეკომენდაციები

22.02.2021

ხელოვნური ინტელექტის სისტემების გამოყენება საქართველოში - კანონმდებლობა და პრაქტიკა

19.02.2021
განცხადებები

მედიაკოალიცია ჟურნალისტ ვახო სანაიაზე და მის ოჯახზე თავდასხმის ფაქტს ეხმიანება

25.02.2021

საგანგებო განცხადება ნიკა მელიას დაკავების შესახებ

23.02.2021

IDFI საქართველოს პარლამენტთან აქციების მონაწილეთა დაკავებას ეხმიანება

21.02.2021

ერთობლივი განცხადება ნიკა მელიას სასამართლო პროცესთან დაკავშირებით

17.02.2021
ბლოგპოსტები

გუდმუნდურ ანდრი ასტრადსონი ისლანდიის წინააღმდეგ: მოსამართლეთა დანიშვნის შესახებ კანონმდებლობის დარღვევამ სამართლიანი სასამართლოს უფლების შელახვა გამოიწვია

10.02.2021

რატომ არ არის სახელმწიფო ავტოპარკში ელექტროავტომობილები?

08.02.2021

ღია მმართველობის პარტნიორობის გაზრდილი მნიშვნელობა - პერსპექტივა დაკვირვების საფუძველზე (OGP 2030)

26.11.2020

დამოუკიდებელი ანტიკორუფციული სააგენტო - მაღალი დონის კორუფციასთან ბრძოლის ეფექტური საშუალება

06.11.2020