4 დღიანი სალექციო კურსი, რომელიც საბაზრო ეკონომიკის ქართულ სისტემას შეეხებოდა, დასრულდა. კურსს უძღვებოდა IDFI-ს კვლევითი მიმართულების ხელმძღვანელი გოგა ხიშტოვანი.

სალექციო კურსით 150 აპლიკანტი დაინტერესდა, საბოლოოდ მათგან შერჩეულ 60 სტუდენტს კურსის ბოლოს გადაეცა სერტიფიკატი. 

სტუდენტები დაესწრნენ ლექციებს შემდეგ თემებზე:

ლექცია 1
კაპიტალიზმის ვარიაციები პოსტ-საბჭოთა ტრანსფორმაციის ქვეყნებში; სოციალისტური და კაპიტალისტური სისტემები კორნაის მიხედვით

ლექცია 2
2003-2012 წლების საბაზრო ეკონომიკის ქართული სისტემა კორნაის მოდელის მიხედვით (პოლიტიკური სისტემა და იდელოგია, კერძო საკუთრების დომინანტი ფორმა, კოორდინაციის ძირითადი მექანიზმები)

ლექცია 3
2003-2012 წლების საბაზრო ეკონომის ქართული სისტემა კორნაის მოდელის მიხედვით (კერძო აქტორთა ძირითადი ქცევითი ფენომენები და ეკონომიკის ტიპური ფენომენები); 2003-2012 წლებში საბაზრო ეკონომიკის ქართული სისტემის მოგებული და წაგებული აქტორები

ლექცია 4
Case Study: ჯანდაცვის რეფორმა საქართველოში, 2006-2012; „საქართველო 2020“-ის ძირითადი გამოწვევები 2003-2012 წლებში საბაზრო ეკონომიკის ქართულ სისტემაში არსებული ხარვეზების გათვალისწინებით

სალექციო კურსების სერია სტუდენტებს ინფორმაციის თავისუფლების განვითარების ინსტიტუტმა (IDFI), ივანე ჯავახიშვილის სახელობის თბილისის სახელმწიფო უნივერსიტეტთან და ბრემენის უნივერსიტეტთან თანამშრომლობით, გერმანიის საგარეო საქმეთა სამინისტროს დაფინანსებით პროექტ „საქართველო 2020 - სამოქალაქო საზოგადოების ჩართულობის გაძლიერების“ ფარგლებში შესთავაზა.