25 მარტს, კორუფციასთან მებრძოლთა საგანმანათლებლო ჯგუფისთვის სს „საქართველოს ენერგეტიკის განვითარების ფონდის“ დირექტორის მოადგილემ იურიდიულ საკითხებში, ლევან მოსახლიშვილმა, ჩაატარა ღია ლექცია თემაზე „ინვესტორის რისკები ენერგეტიკის სექტორში“.  აღსანიშნავია, რომ ლევან მოსახლიშვილი იყო შპს „ქართლის ქარის ელექტროსადგური“-ს დირექტორთა საბჭოს წევრი და უმსხვილესი კერძო სამრეწველო ჯგუფის საქართველოს ინდუსტრიული ჯგუფის (GIG) იურიდიული დეპარტამენტის ხელმძღვანელი.

ლექციაზე სასწავლო კურსის მონაწილეებმა მრავალ საკითხი განიხილეს, მათ შორის ბიუროკრატიული მექანიზმის შემცირება ენერგეტიკის სფეროში და სახელმწიფოს ჩართულობა გადაწყვეტილების მიღების პროცესში, საჯარო და კერძო სექტორებს შორის თანამშრომლობა და დიალოგის ხელშეწყობა, ინვესტიციების მნიშვნელობა, კორუფციის რისკები ენერგეტიკის სფეროში, ჰიდრო რესურსებისა და განახლებადი ენერგიების გამოყენება, სტრატეგიული დოკუმენტები ენერგეტიკის სფეროში და ელექტროენერგიით ვაჭრობა. ლექცია წარიმართა ინტერაქტიულ რეჟიმში. სასწავლო კურსის მონაწილეებმა დასვეს კითხვები სფეროში არსებულ აქტუალურ საკითხებზე, რომელიც ფართო მსჯელობის საგანია, როგორც საზოგადოებაში, ასევე, პროფესიულ წრეებში.

კორუფციასთან ბრძოლის საგანმანათლებლო პროგრამის ფინანსური მხარდამჭერია ღია საზოგადოების მხარდაჭერის ფონდი, რომელიც ხელს უწყობს კორუფციასთან საბრძოლველად მდგრადი ადამიანური რესურსების განვითარებას.