IDFI აგრძელებს საჯარო-კერძო დიალოგის ხარისხის შეფასების მექანიზმის შესახებ ცნობიერების ამაღლებას ადგილობრივ თვითმმართველობებში. ამჯერად, IDFI-ს და USAID-ის ეკონომიკური მმართველობის პროგრამის წარმომადგენლები ქალაქ რუსთავის მუნიციპალიტეტის საკრებულოსა და მერიის წარმომადგენლებს შეხვდნენ.

შეხვედრის მონაწილეებს IDFI-ს წარმომადგენლებმა გააცნეს ანგარიშის „ნორმატიული აქტების შემუშავების პროცესში საჯარო-კერძო დიალოგის ხარისხის შეფასება - 2020-2021 წწ.” შედეგები და პროექტის გეგმები, ხოლო ეკონომიკური მმართველობის პროგრამის წარმომადგენელმა ისაუბრა, პროგრამის როლზე დიალოგის გაძლიერებაში.

რუსთავის საკრებულოს წარმომადგენლებმა ისაუბრეს სირთულეებზე, რასაც ნორმატიული აქტების მომზადებისა და განხილვის პროცესში აწყდებიან. შეხვედრაზე გაჟღერდა რუსთავის მოსახლეობისთვის ყველაზე მწვავე და მაღალი ინტერესის მქონე საკითხები და აღნიშნა, რომ წარმომადგენლობითი და აღმასრულებელი ორგანოების არაკოორდინირებული ფუნქციონირება აფერხებს საზოგადოების პრობლემების გადაჭრას. ასევე, შეხვედრის მონაწილეებმა იმსჯელეს, თუ რა ტიპის ნორმატიული აქტები შეიძლებაშეფასდეს 2022 წელს.

შეხვედრაში მონაწილეობდნენ საკრებულოს წევრები პარტიებიდან„რუსთავი - საქართველოსთვის“, „ერთიანი ნაციონალური მოძრაობა“ და „ქართული ოცნება-დემოკრატიული საქართველო“,ასევე, რუსთავის მერიის წარმომადგენლები და საკრებულოს აპარატის წევრები.

საინფორმაციო შეხვედრა USAID-ის ეკონომიკური მმართველობის პროგრამის მხარდაჭერით გაიმართა.