საქართველოს ღია პარლამენტის სამოქმედო გეგმის განხორციელება დაიწყო

სიახლეები | პუბლიკაციები | ღია მმართველობა | სტატია 18 დეკემბერი 2015

2015 წლის 18 დეკემბერს საქართველოს პარლამენტმა მესამე მოსმენით - 76 მომხრე, არცერთი წინააღმდეგი - მიიღო ცვლილებები საქართველოს პარლამენტის რეგლამენტში, რომელიც ითვალისწინებს ღია და გამჭვირვალე მმართველობის მუდმივმოქმედი საბჭოს შექმნას. კერძოდ, აღნიშნული ცვლილებებით საქართველოს პარლამენტის თავმჯდომარის საქართველოს პარლამენტის რეგლამენტის 107-ე მუხლით გათვალისწინებულ უფლებამოსილებას ემატება ,,უ2“ ქვეპუნქტი, რომლის თანახმად საპარლამენტო გამჭვირვალობის, სისტემური და კოორდინირებული მუშაობის უზრუნველსაყოფად საქართველოს პარლამენტის თავმჯდომარე ქმნის ღია და გამჭვირვალე მმართველობის მუდმივმოქმედ საპარლამენტო საბჭოს.


ღია და გამჭვირვალე მმართველობის მუდმივმოქმედი საბჭოს (შემდგომში - საპარლამენტო საბჭო) შექმნის ვალდებულება გათვალისწინებულია საქართველოს ღია პარლამენტის სამოქმედო გეგმით, რომელიც შემუშავდა ინტერფრაქციული და ღია პარლამენტის სამუშაო ჯგუფების მუშაობის შედეგად და დამტკიცდა საქართველოს პარლამენტის ბიუროს მიერ 2015 წლის 17 ივლისს.


რეგლამენტში ცვლილების შეტანით, საქართველოს პარლამენტმა დაიწყო საქართველოს ღია პარლამენტის სამოქმედო გეგმის, საქართველოს მოქალაქეებისა და ღია მმართველობის პარტნიორობის წინაშე აღებული, ვალდებულებების შესრულება.


საქართველოს პარლამენტის რეგლამენტში საპარლამენტო საბჭოს შექმნის შესახებ ცვლილებების უშუალო ინიციატორია საქართველოს პარლამენტის წევრი და ინტერფრაქციული ჯგუფის ხელმძღვანელი თამარ კორძაია.

 

საპარლამენტო საბჭოს შემადგენლობა და დებულება მტკიცდება საქართველოს პარლამენტის თავმჯდომარის ბრძანებით (საქართველოს პარლამენტის რეგლამენტი, მუხლი 2831). საქართველოს პარლამენტის რეგლამენტში შეტანილი ცვლილების თანახმად, საქართველოს პარლამენტის თავმჯდომარე თანამდებობრივად ითვლება საპარლამენტო საბჭოს წევრად, რომელიც თვითონ ხელმძღვანელობს საპარლამენტო საბჭოს ან ავალებს საბჭოს ხელმძღვანელობას მის რომელიმე წევრს.


საქართველოს ღია პარლამენტის სამოქმედო გეგმის თანახმად, საპარლამენტო საბჭოსთან დაარსდება სამოქალაქო საზოგადოების წარმომადგენლებისგან დაკომპლექტებული საკონსულტაციო საბჭო, რომლის მიზანი იქნება საპარლამენტო საბჭოს საქმიანობის მხარდაჭერა.


საპარლამენტო საბჭოს მსგავსი ინსტიტუციონალიზებული მოდელი არსებობს ჩილეში გამჭვირვალობის ორპალატიანი კომიტეტის სახით, ასევე, მექსიკაში, მექსიკის სენატის ინფორმაციისა და გამჭვირვალობის უზრუნველყოფის კომიტეტის სახით.


2016 წლის იანვრიდან იგეგმება საპარლამენტო საბჭოს დაკომპლექტება და საქართველოს ღია პარლამენტის სამოქმედო გეგმის განსახორციელებლად სამუშაო ჯგუფების შექმნა.

 

აღსანიშნავია, რომ ღია და გამჭვირვალე მმართველობის მუდმივმოქმედი საბჭოს შექმნის იდეა „ინფორმაციის თავისუფლების განვითარების ინსტიტუტს“ (IDFI) ეკუთვნის. IDFI გაეროს განვითარების პროგრამისა და საქართველოში ევროკავშირის წარმომადგენლობის მიერ დაფინანსებული პროექტის ფარგლებში ახორციელებდა ,,ღია მმართველობის პარტნიორობის ინიციატივაში საქართველოს პარლამენტის ჩართულობის მხარდაჭერის" პროექტს, რომელიც მხარს უჭერდა საქართველოს პარლამენტის ინტერფრაქციული ჯგუფის და საქართველოს ღია პარლამენტის სამუშაო ჯგუფების ფუნქციონირებას. აღნიშნული პროექტის ფარგლებში შემუშავდა და დამტკიცდა საქართველოს ღია პარლამენტის სამოქმედო გეგმა 2015-2016.

 

საქართველოს ღია პარლამენტის სამოქმედო გეგმა 18 ვალდებულებას ითვალისწინებს მათ შორის ღია და გამჭვირვალე მმართველობის მუდმივმოქმედი საბჭოს შექმნას, რომელიც დაკომპლექტებული იქნება ინტერფრაქციული პრინციპის საფუძველზე და უზრუნველყოფს ღია პარლამენტის სამოქმედო გეგმის შემუშავებასა და განხორციელების მონიტორინგი.

 

/public/upload/IDFI/OGP/file-18122015-1.pdf

სხვა მასალები ამ თემაზე
სიახლეები

მუნიციპალიტეტების საპრივატიზებო ქონების საფასურის განსაზღვრის პრაქტიკა და ტენდენციები

11.08.2022

IDFI-ს წარმომადგენელმა, კამპანიის - „რუსეთს უნდა ომი, და არა დასავლეთს“ - ფარგლებში, გორში მოხსენება წარადგინა

08.08.2022

ქალაქ გორში, კონკურსის “ომის მეხსიერება ქალაქში” გამარჯვებულების დაჯილდოება და მიურალის გახსნა შედგა

07.08.2022

IDFI-ის მიმდინარე პროექტის ფარგლებში “ ახალი იდენტობა ქალაქ გორისთვის”, ვებ-გვერდი შეიქმნა: www.gorimaps.ge

07.08.2022
განცხადებები

ვეხმიანებით ევროკომისიის ანგარიშს საქართველოს მიერ ასოცირების შეთანხმების იმპლემენტაციის თაობაზე

15.08.2022

ვეხმიანებით იოსებ გოგაშვილის საქმეს და ბრალდებულის მიმართ შესაძლო მუქარის ფაქტს

12.08.2022

ევროპელ მოსამართლეთა საკონსულტაციო საბჭო კოალიციის განცხადებას ეხმიანება

12.08.2022

"შინ ევროპისკენ" კლიპის განთავსების გამო კრიტიკული მედიის სანქცირების მოთხოვნა პოლიტიკური დევნის კიდევ ერთი ნიშანია

10.08.2022
ბლოგპოსტები

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022