IDFI-მ საერთაშორისო ინსტიტუტ CEVRO-ს ჟურნალისთვის სამი სტატია დაწერა

სიახლეები | მეხსიერების და დეზინფორმაციის კვლევები | პუბლიკაციები | სტატია 31 აგვისტო 2018

ინფორმაციის თავისუფლების განვითარების ინსტიტუტის (IDFI) აღმასრულებელმა დირექტორმა, გიორგი კლდიაშვილმა, პროგრამების დირექტორმა ლევან ავალიშვილმა და საარქივო და საბჭოთა კვლევების მიმართულების ხელმძღვანელმა, ანტონ ვაჭარაძემ მონაწილეობა მიიღეს პოლიტიკური სწავლებების ინსტიტუტ CEVRO-ს პროექტში, რომელიც ითვალისწინებს სხვადასხვა ქვეყანაში ავტორიტარული რეჟიმებიდან დემოკრატიის დამყარებისკენ გადადგმული ნაბიჯების შესახებ ჟურნალების გამოქვეყნებას. ინსტიტუტი CEVRO 1999 წელს დაარსდა პრაღაში როგორც საჯარო პოლიტიკის თინქ-თენქი და დღემდე მრავალ სხვადასხვა პროექტს ახორციელებს განათლების სფეროში. ბოლო რამდენიმე წელია უნივერსიტეტს გააჩნია საბაკალავრო და სამაგისტრო პროგრამების აკრედიტაცია ადგილობრივი და საერთაშორისო სტუდენტებისთვის. ორგანიზაცია ჩართულია დემოკრატიის გაძლიერებაში არა მხოლოდ ჩეხეთში, არამედ გარდამავალი დემოკრატიის პროცესში მყოფ სხვა ქვეყნებშიც.


ჟურნალის გამოქვეყნების პროექტი, თავდაპირველად, პოსტსაბჭოთა სივრცის რამდენიმე ქვეყანაში დაიწყო. ინსტიტუტმა თითოეულ მათგანზე გამოუშვა ჟურნალის ცალკე ნომერი, სადაც სფეროს ექსპერტებმა დაახლოებით 7-8 სტატიაში განიხილეს არქივების ღიაობის, უშიშროების სამსახურების რეორგანიზების, ლუსტრაციის, კანონშემოქმედების ასპექტებისა და საბჭოთა კავშირის დაშლის შემდეგ დემოკრატიზაციისკენ მიმართული სხვა მსგავსი პროცესები.


პროექტის მეორე ეტაპზე საქართველოც ჩაერთო. სტატიების დასაწერად ინსტიტუტმა CEVRO სხვა ორგანიზაციებთან და კერძო ექსპერტებთან ერთად მიმართა IDFI-ისაც. საბოლოოდ, ორ ინსტიტუტს შორის შედგა შეთანხმება და IDFI-ს თანამშრომლებმა დაწერეს სამი სტატია: ანტონ ვაჭარაძე, “სარეჟიმო არქივები”, გიორგი კლდიაშვილი, “ლუსტრაცია” და ლევან ავალიშვილი, “პოლიტიკურ მსხვერპლთა რეაბილიტაცია”. სტატიები დაარედაქტირა საერთაშორისო ექსპერტთა ჯგუფმა და CEVRO-ს შემდგომ გამოშვებაში, რომელიც საქართველოს მიეძღვნება სამივე მათგანი იქნება გამოქვეყნებული. ჟურნალი დაიბეჭდება და ხელმისაწვდომი იქნება ელექტრონულ ფორმატშიც.


პროექტის შემაჯამებელ ეტაპზე, ა/წ 19 ოქტომბერს გიორგი კლდიაშვილი და ანტონ ვაჭარაძე გაემგზავრებიან პრაღაში, სადაც მონაწილეობას მიიღებენ ერთდღიან ვორქ-შოპში და სხვა ქვეყნების მკვლევრებთან ერთად განიხილავენ თითოეულ სტატიას, ასევე ინსტიტუტთან სამომავლო თანამშრომლობის გეგმებს.

 

სხვა მასალები ამ თემაზე
სიახლეები

ადამიანის უფლებათა ევროპულმა სასამართლომ “რუსულ კანონთან” დაკავშირებით არასამთავრობო და მედია ორგანიზაციების საჩივარის განხილვა დაიწყო

27.03.2025

ევროპის საბჭოს ადამიანის უფლებათა კომისრის მემორანდუმის მიმოხილვა საქართველოში ადამიანის უფლებების მდგომარეობის შესახებ

27.03.2025

ივანიშვილის ფარა ქართული მედია და არასამთავრობო ორგანიზაციების წინააღმდეგ

24.03.2025

კოალიციის განცხადება საზოგადოებრივი მაუწყებლის სამეურვეო საბჭოს მიერ დამოუკიდებელი ჟურნალისტების დევნის შესახებ

23.03.2025
განცხადებები

მედია კოალიცია რეგიონული მედიის საქმიანობის შეზღუდვის ფაქტებს ეხმიანება

28.02.2025

მედიის ადვოკატირების კოალიციის განცხადება ტვ პირველის ოპერატორის უკანონო დაკავებასთან დაკავშირებით

19.02.2025

ქართული ოცნება მსხვერპლების კრიმინალიზებას ეწევა

13.02.2025

IDFI-ის განცხადება ორგანიზაციის აღმასრულებელი დირექტორის უკანონოდ დაჯარიმების შესახებ

12.02.2025
ბლოგპოსტები

ქართველი ემიგრანტების საარჩევნო უფლების რეალიზების კუთხით არსებული გამოწვევები და მათი ელექტორალური ქცევა

25.12.2024

რუსეთის სპეცსამსახურების აქტიური ღონისძიება - ალექსანდრე მალკევიჩი საქართველოში

29.11.2024

ინტერმუნიციპალური საქმიანობის გაძლიერება საქართველოში

21.10.2024

საგზაო-სატრანსპორტო შემთხვევების პრევენციის ინსტიტუციური მექანიზმები

21.10.2024