IDFI-ს ყოველწლიური საერთაშორისო კონფერენცია - კარგი მმართველობის ფორუმი 2024

სიახლეები | ღია მმართველობა 5 თებერვალი 2024

 

 

IDFI მოხარულია, მოგიწვიოთ 2-დღიან საერთაშორისო კონფერენციაზე კარგი მმართველობის 2024 წლის ფორუმზე (GG Forum 2024)

დღე/დრო: 2024 წლის 8-9 თებერვალი, 10:00-16:30

ადგილი: Zoom, ლაივსტრიმი IDFI-ის Facebook გვერდზე



ფორუმის მთავარი თემაა: კარგი მმართველობის პრინციპების გაუმჯობესება: საუკეთესო პრაქტიკები და გამოწვევები ევროკავშირთან ინტეგრაციის გზაზე

 

ფორუმის მთავარი მიზნიდან გამომდინარე, რომ ხელი შეუწყოს საქართველოში კარგი მმართველობის რეფორმების დღის წესრიგს, ღონისძიებაზე დაგეგმილია საერთაშორისო და ადგილობრივი ექსპერტების, ორგანიზაციებისა და საჯარო დაწესებულებების წარმომადგენლების მონაწილეობით განვიხილოთ ევროკავშირის კანდიდატ ქვეყნებში მიმდინარე რეფორმები, განსაკუთრებით კარგი მმართველობის პრინციპების გასაძლიერებლად განზრახული ინიციატივები. ფორუმზე განიხილება არა მხოლოდ გლობალური ტენდენციები, საუკეთესო პრაქტიკები, საჭიროებები და მნიშვნელოვანი გამოწვევები, რომლებსაც აწყდებიან აღმოსავლეთ ევროპისა და დასავლეთ ბალკანეთის ქვეყნები, არამედ ინოვაციური მიდგომები ამ რეგიონებში დემოკრატიული პრინციპების დანერგვის პროცესში გამოვლენილი გამოწვევების ეფექტურად გადასაჭრელად.

ამ მიზნით, დაგემილია ადგილობრივი და საერთაშორისო ექსპერტებისა და დაინტერესებული პირების ჩართულობით გაიმართოს დისკუსიები ისეთ საკითხებზე, როგორიცაა: კორუფციასთან ბრძოლა: ინსტიტუციური რეფორმები, ყოვლისმომცველი მიდგომები და პოლიტიკური ნება; ორგანიზებული დანაშაულის პრევენცია და ფულის გათეთრებასთან ბრძოლა; საჯარო მმართველობის რეფორმა; კარგი მმართველობის რეფორმების გენდერული მეინსტრიმინგი; კორუფციასთან ბრძოლისა და კონკურენციის გაუმჯობესების ინოვაციური მექანიზმები: ინოვაციები სახელმწიფო შესყიდვებში და ბენეფიციარი მესაკუთრეების გამჭვირვალობის სტანდარტები; სამოქალაქო საზოგადოების ჩართულობა რეფორმებში, ღია მმართველობის პარტნიორობის (OGP) ინიციატივა და ა.შ. 

 

ფორუმი ორგანიზებულია ინფორმაციის თავისუფლების განვითარების ინსტიტუტის (IDFI) მიერ შვედეთის საერთაშორისო განვითარების თანამშრომლობის სააგენტოს (Sida) ფინანსური მხარდაჭერით, და ასევე, თანადაფინანსებულია გაეროს განვითარების პროგრამისა (UNDP) და გაერთიანებული სამეფოს მთავრობის, USAID-ის საჯარო მმართველობის პროგრამის, USAID-ის ეკონომიკური მმართველობის პროგრამის, გაეროს ქალთა ორგანიზაციის (UN Women),  ფულის გათეთრებისა და ტერორიზმის დაფინანსების წინააღმდეგ ბრძოლის შესახებ ევროკავშირის გლობალური ინიციატივისა  (AML/CFT Global Facility) და ღია მმართველობის პარტნიორობის (OGP) მიერ.

 

კონფერენციის სამუშაო ენა: ინგლისური (უზრუნველყოფილი იქნება სინქრონული ქართული თარგმანი). 

 

რეგისტრაცია Zoom-ში დამსწრეთათვის: https://bit.ly/3SDda7R

 

შენიშვნა: პანელურ სესიებთან ერთად, კონფერენცია მოიცავს სამუშაო შეხვედრებს, რომლებიც განკუთვნილია მხოლოდ მოწვეული სტუმრებისთვის. მაშინ როცა პანელური დისკუსიები ხელმისაწვდომი იქნება ნებისმიერი ონლაინ მონაწილისთვის, რადგან აღნიშნული პანელები გადაიცემა Zoom-ით და პირდაპირი ტრანსლირება მოხდება IDFI-ის Facebook გვერდზე.

 

 

დღის წესრიგი

 

სხვა მასალები ამ თემაზე
სიახლეები

ოთხი ქართული ორგანიზაცია ევროკავშირის წარმომადგენლობის მხარდაჭერით საქართველოში მართლმსაჯულების სისტემის გაუმჯობესებასთან დაკავშირებულ პროექტს იწყებს

21.02.2024

რეალობის ხელახალი ფორმირება: დეზინფორმაციის როლი ისტორიული ჭეშმარიტების დამახინჯებაში

16.02.2024

მაღალი დონის კორუფციის გადაუჭრელი პრობლემა საქართველოში

15.02.2024

Sockpuppet-ები და ვიკიპედია - ბრძოლის უცნობი ფრონტი

14.02.2024
განცხადებები

IDFI ეხმიანება ბაზრის კონკურენტუნარიანობისა და მნიშვნელოვანი საბაზრო ძალაუფლების მქონე ავტორიზებული პირების განსაზღვრის მეთოდოლოგიის დამტკიცების მიმდინარე პროცესს

08.02.2024

"კოალიცია ინფორმაციის სანდოობისთვის" სამოქალაქო ორგანიზაციებზე განხორციელებულ თავდასხმებს ეხმიანება

24.01.2024

კოალიციის განცხადება კეკელიძის ქუჩაზე გამოსახლების გაშუქებისას ჟურნალისტებზე ძალადობისა და დაკავების ფაქტების შესახებ

24.01.2024

სამოქალაქო ორგანიზაციები ეხმაურებიან ევროკომისიის რეკომენდაციების შესასრულებლად სამთავრობო გეგმის დამტკიცებას

09.01.2024
ბლოგპოსტები

მაღალი დონის კორუფციის გადაუჭრელი პრობლემა საქართველოში

15.02.2024

Sockpuppet-ები და ვიკიპედია - ბრძოლის უცნობი ფრონტი

14.02.2024

რუსეთის მოქალაქეების შემოდინება საქართველოში და საზოგადოებრივი უსაფრთხოების გამოწვევები

05.10.2023

ენერგეტიკული სიღარიბე და დანაშაული საქართველოში

05.10.2023