IDFI-ის პასუხი საგარეო საქმეთა მინისტრის განცხადებასთან დაკავშირებით

განცხადებები 4 ივლისი 2014

დღეს გავრცელდა საქართველოს საგარეო საქმეთა მინისტრის, ქალბატონ მაია ფანჯიკიძის  განცხადება მისი ვიზიტების დროს გაწეული ხარჯების შესახებ,  სადაც მან IDFI-ი დაადანაშაულა სამინისტროდან მიღებული მონაცემების საზოგადოებისათვის არასწორი ინტერპრეტაციით მიწოდებაში და არაკეთილსინდისიერ საქმიანობაში. მინისტრმა აგრეთვე ეჭვქვეშ დააყენა ზოგადად საჯარო ინფორმაციის ინსტიტუტისთვის გაცემის მიზანშეწონილობაც.

 

აღნიშნულთან დაკავშირებით გვინდა განვმარტოთ, რომ  IDFI–იმ  2014 წლის იანვრის თვეში მიმართა საქართველოს ყველა სამინისტროს ინფორმაციის მოთხოვნის წერილებით, რომლიც ეხებოდა სხვადასხვა საკითხს, მათ შორის თანამდებობის პირებზე გაწეული სამივლინებო ხარჯების შესახებ დეტალურ ინფორმაციას. სამწუხაროდ, საგარეო საქმეთა სამინისტრომ სხვა სამინისტროებისგან განსხვავებით ინსტიტუტს მიაწოდა არა უშუალოდ კონკრეტულ თანამდებობის პირებზე (მოთხოვნილი იყო სამინისტროს თანამდებობის პირების სამივლინებო ხარჯები ჩაშლილად), არამედ მინისტრის და მისი მოადგილეების ხელმძღვანელობით დელეგაციების მიერ გაწეული ხარჯების ერთობლივი ოდენობების შესახებ ცნობები (პასუხში არ იყო გამიჯნული თანამდებობის პირებზე გახარჯული თანხები). 

 

ჩვენ მიერ გამოქვეყნებულ მონაცემებში 2013 წელს სამინისტროების მიერ გაწეული სამივლინებო და როუმინგის ხარჯების შესახებ საგარეო საქმეთა სამინისტროს შემთხვევაში გამოტანილი იქნა სწორედ ის მონაცემები, რომელიც ოფიციალურად იქნა მიღებული საქართველოს საგარეო საქმეთა სამინისტროდან და ასევე, გაკეთებული იქნა შესაბამისი მითითება, რომ აღნიშნული თანხა წარმოადგენდა არა უშუალოდ მინისტრის, არამედ მისი ხელმძღვანელობით დელეგაციის ვიზიტის ხარჯს და ხაზგასმული იყო საქართველოს საგარეო საქმეთა სამინისტროს საქმიანობის სპეციფიკაც. გვინდა ხაზგასმით აღვნიშნოთ, რომ ჩვენ მიერ მონაცემები გამოქვეყნებული იქნა იმ სახით, რა ფორმითაც IDFI-იმ ის მიიღო საქართველოს საგარეო საქმეთა სამინისტროდან. გვინდა, ასევე, შევახსენოთ საქართველოს საგარეო საქმეთა სამინისტროს, რომ IDFI-ი ვერ იქნება პასუხისმგებელი მის მიერ გამოქვეყნებული მონაცემების მედია საშუალებების მიერ ინტერპრეტირებაზე. 

 

ჩვენთვის აბსოლუტურად გაუგებარია მინისტრ ფანჯიკიძის პოზიცია და ბრალდებები იმასთან დაკავშირებით, რომ IDFI–ი არაკეთილსინდისიერად და მიკერძოებულად აქვეყნებს საგარეო საქმეთა სამინისტროდან მიღებულ მონაცემებს. ამავე დროს, მოვუწოდებთ მინისტრს, რომ მომავალში თავი შეიკავოს ისეთი სახის საჯარო განცხადებების გაკეთებისგან, რომელიც შეიძლება აღქმული იყოს როგორც საქართველოს კანონმდებლობით ყველასთვის მინიჭებული უფლებების შეზღუდვა. მინისტრის აღნიშნული მოწოდება ერთი მხრივ წინააღმდეგობაში მოდის საჯარო და ღია მმართველობის პრინციპებთან და ამავე დროს შესაძლებელია ზეგავლენა მოახდინოს საგარეო საქმეთა სამინისტროს იმ საჯარო მოსამსახურეებზე რომლებიც პასუხისმგებელნი არიან საჯარო ინფორმაციის გაცემის უზრუნველყოფაზე. 

 

სხვა მასალები ამ თემაზე
სიახლეები

ამბროლაურისა და ლანჩხუთის მუნიციპალიტეტებმა გამჭვირვალობის და კეთილსინდისიერების ამაღლების სტრატეგიები და სამოქმედო გეგმები მიიღეს

26.01.2022

ადამიანის უფლებათა ევროპული სასამართლოს და ევროკავშირის მართლმსაჯულების სასამართლოს მიერ მიღებული გადაწყვეტილებების კრებული

26.01.2022

კორუფციასთან ბრძოლის სასერტიფიკატო პროგრამის მონაწილეთა სასწავლო ვიზიტი მოლდოვაში

24.01.2022

პოლონეთის ეროვნული მეხსიერების უნივერსიტეტის (IPN) სამეცნიერო ჯგუფი აჭარაში მასობრივი ტერორის მსხვერპლთა სამარხებს შესწავლის

24.01.2022
განცხადებები

პრეზიდენტისადმი მოწოდება „საერთო სასამართლოების შესახებ“ ორგანულ კანონში მიღებულ საკანონმდებლო ცვლილებაზე ვეტოს დადების თაობაზე

13.01.2022

სახელმწიფო ინსპექტორის აპარატის გაუქმების საკანონმდებლო ცვლილებაზე ვეტოს დადების შესახებ

05.01.2022

2021 წლის 28 დეკემბერს რუსეთის ფედერაციის უზენაესმა სასამართლომ საზოგადოება საერთაშორისო მემორიალის ლიკვიდაციის გადაწყვეტილება მიიღო

29.12.2021

კოალიცია „საერთო სასამართლოების შესახებ“ ორგანულ კანონში ცვლილებების დაჩქარებული წესით განხილვას ეხმაურება

28.12.2021
ბლოგპოსტები

ციფრული სერვისები, როგორც სახელმწიფოს, ბიზნესსა და მოქალაქეებს შორის ინტერაქციის პირდაპირი საშუალება MY.GOV.GE-ს მაგალითზე

23.01.2022

პოლიტიკური დაფინანსების ანგარიშვალდებულებისა და გამჭვირვალობის გამოწვევები საქართველოში

22.01.2022

სამოხელეო პოლიტიკისა და საჯარო სამსახურის გამოწვევები საქართველოს საჯარო მმართველობის სისტემაში

22.01.2022

იმერეთის რეგიონში სპორტის მუნიციპალური პოლიტიკის და მერიებს დაქვემდებარებული სპორტული ორგანიზაციების საქმიანობის ანალიზი

17.01.2022