IDFI ეხმიანება მთავრობის სხდომაზე თელარა გელანტიას მეორედ არდაშვების ფაქტს

განცხადებები | მედია და გამოხატვის თავისუფლება | მედია და გამოხატვის თავისუფლება 29 სექტემბერი 2022

2022 წლის 26 სექტემბერს თელარა გელანტიას კვლავ არ მიეცა შესაძლებლობა დასწრებოდა მთავრობის სხდომას, მიუხედავად იმისა, რომ ჟურნალისტის თქმით, მან 12 სექტემბერს მთავრობის წარმომადგენლისგან მიიღო სიტყვიერი პირობა, რომ უზრუნველყოფდნენ შემდგომ სხდომაზე მის დაშვებას.

 

შეგახსენებთ, რომ 2022 წლის 12 სექტემბერს თელარა გელანტიას არ მიეცა შესაძლებლობა დასწრებოდა მთავრობის სხდომას, დაესვა საზოგადოებისთვის საინტერესო შეკითხვები და შეესრულებინა მისი პროფესიული მოვალეობა.

 

 „ინფორმაციის თავისუფლების განვითარების ინსტიტუტი“ (IDFI) სამართლებრივ მხარდაჭერას უწევს თელარა გელანტიას საქართველოს მთავრობის ადმინისტრაციის მხრიდან მის მიმართ განხორციელებული დისკრიმინაციული ფაქტის დადგენის საქმეზე. ჟურნალისტმა 2022 წლის 15 სექტემბერს IDFI-ს წარმომადგენლობით მიმართა საქართველოს სახალხო დამცველს.

 

12 და 26 სექტემბრის ფაქტებთან დაკავშირებით, განცხადება გაავრცელა საქართველოს სახალხო დამცველმაც. ომბუდსმენმა ხაზი გაუსვა მედიის განსაკუთრებულ ფუნქციას საჯარო ინტერესის სფეროში შემავალი ინფორმაციის გავრცელებაში და გამოეხმაურა სახელმწიფო უწყებების მიერ ორგანიზებულ ბრიფინგებზე თუ სხვა ღონისძიებებზე მედიის წარმომადგენლების არდაშვების ტენდენციას, რაც სახალხო დამცველმა თანასწორობის პრინციპთან წინააღმდეგობაში მყოფ პრაქტიკად შეაფასა.

 

სახალხო დამცველი საგანგაშო ტენდენციად მიიჩნევს ჟურნალისტებისთვის პროფესიული საქმიანობის განხორციელებაში ხელის შეშლის ფაქტებს და მიაჩნია, რომ აღნიშნული საფრთხეს უქმნის ქვეყანაში არსებულ მედია პლურალიზმსა და უარყოფითად აისახება ქვეყნის დემოკრატიულ პროცესებზე.“ - აღნიშნულია განცხადებაში

 

სახალხო დამცველმა მოუწოდა ხელისუფლებას, უზრუნველყოს მედიის წარმომადგენლების დაუბრკოლებელი წვდომა ინფორმაციაზე, მათ შორის, თანასწორობის პრინციპის დაცვით.

 

მთავრობის შემდგომ სხდომებზე ჟურნალისტის დაუბრკოლებელი დასწრების უზრუნველყოფის მოთხოვნით განცხადებები ასევე გაავრცელეს საქართველოს ჟურნალისტური ეთიკის ქარტიამ და მედიის ადვოკატირების კოალიციამ.

 

მთავრობის ადმინისტრაციის მხრიდან თელარა გელანტიას სხდომაზე განმეორებითი არდაშვების ფაქტი ცალსახად ადასტურებს ჩვენს პოზიციას, რომ ადგილი აქვს ჟურნალისტის მიმართ დისკრიმინაციულ მოპყრობას. IDFI კიდევ ერთხელ მოუწოდებს საქართველოს მთავრობის ადმინისტრაციას თანასწორობის პრინციპის საფუძველზე მისცეს თელარა გელანტიას მთავრობის სხდომების გაშუქების შესაძლებლობა და აღმოფხვრას ჟურნალისტის მიმართ განხორციელებული უთანასწორომოპყრობა.

სხვა მასალები ამ თემაზე
სიახლეები

საჯარო ინფორმაციის ხელმისაწვდომობის უფლების აღიარება: კონვენციის განვითარების პროცესი და ძირითადი პრეცედენტები

29.09.2023

IDFI-მ ბენეფიციარი მესაკუთრეების შესახებ ინფორმაციის ხელმისაწვდომობის საკითხზე სამუშაო შეხვედრა გამართა

29.09.2023

28 სექტემბერი - ინფორმაციის თავისუფლების საყოველთაო დღე

28.09.2023

IDFI-სა და Post-Bellum-ის ერთობლივი პროექტის ფარგლებში სამუშაო შეხვედრები გამართა

22.09.2023
განცხადებები

კოალიცია ეხმაურება ოთარ ფარცხალაძის დაცვის მიერ ტელეკომპანია “პირველისა“ და “ფორმულას” გადამღებ ჯგუფებზე თავდასხმისა და პროფესიული საქმიანობის განხორციელების უკანონოდ ხელშეშლის ფაქტებს

21.09.2023

ვეხმიანებით საქართველოს ეროვნულ ბანკზე პოლიტიკური ზეგავლენის აშკარა ფაქტს

20.09.2023

იუსტიციის სამინისტრომ ოთარ ფარცხალაძის მოქალაქეობასთან დაკავშირებით განმარტება უნდა გააკეთოს

19.09.2023

„ქართული ოცნება“ იმპიჩმენტის გზით ევროინტეგრაციის პროცესს აზიანებს

04.09.2023
ბლოგპოსტები

საჯარო ინფორმაციის ხელმისაწვდომობის უფლების აღიარება: კონვენციის განვითარების პროცესი და ძირითადი პრეცედენტები

29.09.2023

ადამიანის უფლებათა ევროპული სასამართლოს სტანდარტები საჯარო ინფორმაციასთან დაკავშირებით

08.09.2023

დაინგრევა თუ არა საქართველოს ეკონომიკა თუ რუსეთს ორმხრივ ეკონომიკურ სანქციებს დავუწესებთ?

30.05.2023

ანტიდასავლური პროპაგანდის საბჭოთა საწყისები

20.12.2022