IDFI-იმ ახალი პროექტის „კარგი მმართველობის გაძლიერება საქართველოში“ განხორციელება ჟურნალისტების ტრენინგით დაიწყო

სიახლეები | ტრენინგები | მედია, ინტერნეტი და ინოვაციები | პუბლიკაციები | სტატია 4 თებერვალი 2019

IDFI-მ ახალი პროექტის „კარგი მმართველობის გაძლიერება საქართველოში“ (3G) განხორციელება ჟურნალისტების ტრენინგით დაიწყო. 22-მდე ბეჭდვითი, ონლაინ და სამაუწყებლო მედიის წარმომადგენელს, საშუალება ქონდათ გაეგოთ მეტი სახელმწიფო შესყიდვების სისტემის ფუნქციონირებისა და საჯარო ტენდერებში საეჭვო გარემოებების აღმოჩენის შესახებ.

 

ფართომასშტაბიანი პროექტის მიზანია კარგი მმართველობის გაძლიერება საქართველოში. პროექტი დაფინანსებულია გლობალური საქველმოქმედო ორგანიზაცია Luminate-ის მიერ, რომლის მიზანია ადამიანებისა და ინსტიტუციების გაძლიერება ერთიანი და სამართლიანი საზოგადოების შექმნის მიზნით.

 

სამწლიანი ინიციატივა მიზნად ისახავს სახელმწიფო ინსტიტუტების საზოგადოებრივი ზედამხედველობის გაძლიერებას და საქართველოს მთავრობის გამჭვირვალობისა და ანგარიშვალდებულების გაზრდას. პროექტის ფარგლებში IDFI დააკვირდება, რამდენად ეფექტური, გამჭვირვალე, ეთიკური და ანგარიშვალდებულია საჯარო მმართველობასა და სახელმწიფო შესყიდვებთან დაკავშირებული საქმიანობა, მოამზადებს საგამოძიებო და ანალიტიკურ ნაშრომებს, და გაზრდის ჟურნალისტების, სამოქალაქო საზოგადოების წარმომადგენლებისა და აქტივისტების სადამკვირვებლო და ანალიტიკური უნარებს.

 

ლევან ავალიშვილი, IDFI-ის პროგრამების დირექტორი - „უკანასკნელი რამდენიმე წლის განმავლობაში მიღწეული გარკვეული პროგრესის მიუხედავად, კარგი მმართველობის სტანდარტები და ხარისხი კვლავაც პრობლემად რჩება საქართველოში. არ არსებობს საბიუჯეტო ხარჯებისა და სახელმწიფო შესყიდვების საქმიანობის სისტემური საჯარო ზედამხედველობა. ამის გამო, ჩვენი აზრით, მნიშვნელოვანია საქართველოში სახელმწიფო ფინანსების განკარგვის სისტემატური მონიტორინგის გაძლიერება, განსაკუთრებით ჟურნალისტების, ბიზნესის და სამოქალაქო საზოგადოების წარმომადგენლების და აქტივისტების ჩართულობით. ამ გზით, ჩვენ მივაღწევთ პროექტის მიზანს და გავზრდით საზოგადოების მონაწილეობას ქვეყანაში კარგი მმართველობის დამკვიდრების პროცესში.“

 

ოლენა ბოიცუნ, ინვესტიციების დირექტორი, Luminate-ის ცენტრალურ და აღმოსავლეთ ევროპის ქვეყნებში - „ეს არის ჩვენი პირველი პირდაპირი ჩართულობა საქართველოში. Luminate-ის მიზანია გლობალურ დონეზე გაზარდოს გამჭვირვალობა, ანგარიშვალდებულება და მოქალაქეთა მონაწილეობ საჯარო ფინანსების გამოყენებაში. ჩვენ მტკიცედ გვჯერა, რომ ეს პროექტი დაეხმარება საქართველოს ინსტიტუტებს, კანონის უზენაესობას და ქვეყნის მომავალ განვითარებას.“

 

პროექტი „კარგი მმართველობა საქართველოში“ დაიწყო 2019 წლის დეკემბერში და დასრულდება 2021 წლის დეკემბერში. თავდაპირველად, პროექტი იმუშავებს თბილისის მასშტაბით, შემდეგ კი თანდათან მოიცავს მთელ ქვეყანას მეორე და მესამე წლის განმავლობაში.

სხვა ტრენინგები ამ თემაზე
სიახლეები

საჯარო ინფორმაციის ხელმისაწვდომობა საქართველოში 2010-2019

28.09.2020

IDFI-მ ონლაინ კონფერენცია - კიბერუსაფრთხოების საერთაშორისო სტანდარტები და საქართველო გამართა

24.09.2020

კიბერუსაფრთხოების რეფორმა საქართველოში: არსებული გამოწვევები, საერთაშორისო პრაქტიკა და რეკომენდაციები

23.09.2020

ფარული მიყურადება საქართველოში - კანონმდებლობისა და პრაქტიკის ანალიზი

18.09.2020
განცხადებები

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020

მოვუწოდებთ კომუნიკაციების კომისიას შეასრულოს ობიექტური და მიუკერძოებელი დამკვირვებლის როლი წინასაარჩევნო და საარჩევნო პროცესებში მედიის მონიტორინგისას

20.08.2020
ბლოგპოსტები

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020

რუსული სპორტი და პოლიტიკა

13.08.2020

12 წელი 2008 წლის აგვისტოს ომიდან: რუსული დეზინფორმაცია და რეალური ფაქტები

07.08.2020