გლობალური მიზნების კვირეულის ფარგლებში IDFI-მ გურიის რეგიონში ტრენინგები გამართა

სიახლეები 22 სექტემბერი 2022

2022 წლის 20 და 21 სექტემბერი, გურიის რეგიონი - ინფორმაციის თავისუფლების განვითარების ინსტიტუტის (IDFI) წარმომადგენლებმა გლობალური მიზნების კვირეულის ფარგლებში გურიის რეგიონის სამ თვითმმართველ ერთეულში - ჩოხატაურის, ლანჩხუთისა და ოზურგეთის მუნიციპალიტეტების საკრებულოში გენდერული თანასწორობის საბჭოს წევრებისთვის ტრენინგი გამართეს.

 

გლობალური მიზნების კვირეული სამოქალაქო სექტორის, ბიზნესისა და აკადემიის 170-ზე მეტი წარმომადგენლის მიერ აღებული ერთობლივი ვალდებულებაა, რომელიც მდგრადი განვითარების მიზნების (SDGs) განხორციელების დაჩქარებას ისახავს მიზნად.

 

გლობალური მიზნების კვირეული გაეროს გენერალური ასამბლეის მაღალი დონის კვირეულს ემთხვევა, რაც ორგანიზაციის წევრი ქვეყნებისა და დაინტერესებული მხარეებისთვის SDG-ების შესახებ ახალი იდეების გაზიარების დამატებით შესაძლებლობას წარმოადგენს. 

 

IDFI-ის წარმომადგენლებმა საბჭოს წევრებთან SDG-ების ლოკალიზებისა და გენდერული თანასწორობის საბჭოს ღონისძიებათა სამოქმედო სამოქმედო გეგმაში მდგრადი განვითარების მეხუთე მიზნის (გენდერული თანასწორობის მიღწევა და ყველა ქალისა და გოგონას შესაძლებლობების გაუმჯობესება) ამოცანების ასახვაზე ისაუბრეს. შეხვედრებში ჯამში 50-მდე პირი, მათ შორის საკრებულოს თავმჯდომარე, საკრებულოს აპარატის უფროსი და საკრებულოს წევრები იღებდნენ მონაწილეობას.

 

ტრენინგს ინფორმაციის თავისუფლების განვითარების ინსტიტუტის (IDFI) ანალიტიკოსები - დავით ერისთავი და გვანცა ნიკურაძე უძღვებოდნენ.

 

შეხვედრები ჩატარდა პროექტის - „გენდერული თანასწორობა გურიის მდგრადი განვითარებისთვის“ - ფარგლებში, რომელსაც ახორციელებს IDFI, გერმანული არასამთავრობო ორგანიზაცია Dekabristen e.V.-ის ფინანსური მხარდაჭერით. პროექტი წარმოადგენს პროგრამის - SDG LENS. მდგრადი განვითარების მონიტორინგი აღმოსავლეთ ევროპასა და სამხრეთ კავკასიაში - ნაწილს, რომელიც ხორციელდება გერმანიის საგარეო საქმეთა ფედერალური სამინისტროს მიერ მხარდაჭერილი პროგრამის - თანამშრომლობის გაფართოება აღმოსავლეთის პარტნიორობის ქვეყნებისა და რუსეთის სამოქალაქო საზოგადოებასთან - ფარგლებში.

 

 

სხვა მასალები ამ თემაზე
სიახლეები

საფრანგეთში აკაკი ჩხენკელის მემორიალური ალბომის პრეზენტაცია გაიმართა

26.01.2023

აკაკი ჩხენკელის მემორიალური ალბომის პრეზენტაცია

23.01.2023

მოსამართლეები და სასამართლო სისტემაში დასაქმებული მათი ოჯახის წევრები

23.01.2023

საჯარო ინფორმაციის პროაქტიული გამოქვეყნების პრაქტიკა საჯარო დაწესებულებებში - 2022

16.01.2023
განცხადებები

კოალიცია პარლამენტის მიერ იუსტიციის უმაღლესი საბჭოს წევრების შერჩევის პროცესს აფასებს

27.01.2023

სახალხო დამცველის აურჩევლობა აზიანებს ქვეყნის ევროინტეგრაციის პროცესს

23.12.2022

IDFI მიხეილ სააკაშვილის საქმესთან დაკავშირებით განვითარებულ მოვლენებს აფასებს

19.12.2022

სამოქალაქო საზოგადოების ორგანიზაციები ევროკომისიას რეკომენდაციების შესრულებაზე ზედამხედველობის გაზრდას სთხოვენ

14.12.2022
ბლოგპოსტები

ანტიდასავლური პროპაგანდის საბჭოთა საწყისები

20.12.2022

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022