2021 წლის 8 დეკემბერს ინფორმაციის თავისუფლების განვითარების ინსტიტუტმა (IDFI), შავი ზღვის ფონდი რეგიონული თანამშრომლობისთვის (BST) მხარდაჭერით, გამართა სამუშაო შეხვედრა ციფრული კონტენტის რეგულირება საქართველოში: არსებული მოდელი და მისი გამოწვევები.
სამუშაო შეხვედრის მიზანი იყო ინტერნეტის საშუალებით გავრცელებული ინფორმაციის რეგულირების ქართული მოდელისა შესაბამისი კონსტიტუციური სტანდარტების ანალიზი, ძირითადი გამოწვევების იდენტიფიცირება და მათი გადაჭრის გზების განხილვა.
ღონისძიების ესწრებოდნენ მედიაზე მომუშავე არასამთავრობო ორგანიზაციების, ონლაინ მედიებისა და ინტერნეტის პროვაიდერი კომპანიების წარმომადგენლები. შეხვედრის ფარგლებში IDFI-იმ წარმოადგინა პროექტის მიზნები და მის ფარგლებში ჩატარებული მონიტორინგის ცალკეული დაკვირვებები. მონაწილეებს ჰქონდათ საშუალება დაეფიქსირებინათ საკუთარი მოსაზრებები, გაეზიარებინათ მათ წინაშე არსებული პრობლემები ციფრული კონტენტის რეგულირების გამოცდილების გათვალისწინებით და გაეცვალათ შეთავაზებები გადაჭრის გზებთან დაკავშირებით. ღონისძიების მიმდინარეობისას წამოიჭრა სხვადასხვა აქტუალური პრობლემა, რომელიც გათვალისწინებული იქნება IDFI-ის საბოლოო ანგარიშის მომზადების პროცესში.
სიახლეების გამოწერა
