IDFI-იმ საჯარო სექტორში ხელოვნური ინტელექტის სისტემების გამოყენების საკითხებზე ინფორმაციის ხელმისაწვდომობის შესახებ სამუშაო შეხვედრა გამართა

სიახლეები | კარგი მმართველობა | მედია, ინტერნეტი და ინოვაციები | სტატია 1 ოქტომბერი 2020

30 სექტემბერს, ინფორმაციის თავისუფლების განვითარების ინსტიტუტმა (IDFI) საჯარო სექტორში ხელოვნური ინტელექტის სისტემების გამოყენების საკითხებზე ინფორმაციის ხელმისაწვდომობის შესახებ ონლაინ სამუშაო შეხვედრა გამართა. შეხვედრაში მონაწილეობდნენ სხვადასხვა საჯარო დაწესებულების წარმომადგენლები.

 

შეხვედრის მიზანი იყო საჯარო დაწესებულებების წარმომადგნელებისთვის საჯარო სექტორში ხელოვნური ინტელექტის გამოყენების მაგალითების შესახებ ინფორმაციის გაცნობა, საქართველოში ამგვარი სისტემების გამოყენების შემთხვევების იდენტიფიცირება და ამ საკითხზე საჯარო მონაცემების ხელმისაწვდომობის მნიშვნელობის ჩვენება.

 

IDFI გეგმავს შეისწავლოს საჯარო დაწესებულებების მიერ ხელოვნური ინტელექტის სისტემების გამოყენების პრაქტიკა და გამჭვირვალობის სტანდარტები. ამისთვის ინსტიტუტმა გააგზავნა საჯარო ინფორმაციის მოთხოვნები სხვადასხვა საჯარო დაწესებულებებში. ამ შეხვედრის მეშვეობით საჯარო მოხელეები გაეცნენ კვლევის მიზანს, მეთოდოლოგიას, საჯარო ინფორმაციის მოთხოვნის წერილის პუნქტებსა და ხელოვნური ინტელექტის სისტემების გამოყენების საერთაშორისო მაგალითებს.

 

შეხვედრა გახსნა ინფორმაციის თავისუფლების განვითარების ინსტიტუტის (IDFI) პროგრამების  დირექტორმა, ლევან ავალიშვილმა. რის შემდეგაც, პროექტის მოწვეულმა ექსპერტმა, ნატა გოდერძიშვილმა გააკეთა პრეზენტაცია ხელოვნური ინტელექტის არსის და საჯარო სექტორში გამოყენების პრაქტიკის შესახებ. ბოლოს, პროექტის ფარგლებში დაგეგმილი აქტივობების შესახებ ისაუბრა მედია, ინტერნეტი და ინოვაციების მიმართულების ხელმძღვანელმა, თეონა ტურაშვილმა.

 

სამუშაო შეხვედრა დასრულდა დისკუსიით სხვადასხვა უწყებებში ამჟამად მოქმედი ხელოვნური ინტელექტის სისტემების გამოყენების მაგალითებისა და მნიშვენლობის შესახებ.

 

შეხვედრა გაიმართა IDFI-ის მიერ, პროექტის  - „გამჭვირვალობისა და ეთიკური სტანდარტების ხელშეწყობა ხელოვნური ინტელექტის (AI) გამოყენებაში“ - ფარგლებში, რომელიც მხადაჭერილია არაკომერციული სამართლის საერთაშორისო ცენტრის (ICNL) მიერ. ინიციატივის მიზანია საჯარო უწყებების მიერ ხელოვნური ინტელექტის გამოყენების საკითხებში მეტი გამჭვირვალობისა და ეთიკური სტანდარტების შემუშავებისა და დანერგვის ხელშეწყობა.

 

 

სხვა მასალები ამ თემაზე
სიახლეები

სქესობრივი დანაშაულისთვის მსჯავრდებულ პირთა რეესტრის მონაცემები

19.04.2021

კორუფციის პრევენციასთან დაკავშირებით მიღებული რეკომენდაციების შესრულების პროგრესი კვლავ ძალიან დაბალია

15.04.2021

საქართველო აშშ-ს სახელმწიფო დეპარტამენტის 2020 წლის ანგარიშში

12.04.2021

თბილისის საქალაქო სასამართლომ ა(ა)იპ მედიააკადემია საჯარო დაწესებულებად ცნო და საჯარო ინფორმაციის გაცემა დაავალა

08.04.2021
განცხადებები

IDFI-ს განცხადება პოლიტიკური პარტიების შეთანხმების თაობაზე

19.04.2021

IDFI ნამახვანი ჰესის პროექტთან დაკავშირებით განვითარებულ მოვლენებს ეხმიანება

12.04.2021

IDFI-ისა და სოციალური სამართლიანობის ცენტრის განცხადება სახელმწიფო ინსპექტორის სამსახურის ანგარიშთან დაკავშირებით

07.04.2021

კოალიცია „მედიის ადვოკატირებისათვის“ წევრი ორგანიზაციები დაუშვებად მივიჩნევთ ინტერნეტის ხელმისაწვდომობის შეზღუდვას ნამოხვანში

04.04.2021
ბლოგპოსტები

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021

გუდმუნდურ ანდრი ასტრადსონი ისლანდიის წინააღმდეგ: მოსამართლეთა დანიშვნის შესახებ კანონმდებლობის დარღვევამ სამართლიანი სასამართლოს უფლების შელახვა გამოიწვია

10.02.2021