IDFI გაეროს უნივერსალური პერიოდული მიმოხილვის წინასასესიო შეხვედრაზე მოხსენებით წარსდგა

სიახლეები | კანონის უზენაესობა და ადამიანის უფლებები | სტატია 10 დეკემბერი 2020

2020 წლის 8 დეკემბერს, გაეროს უნივერსალური პერიოდული მიმოხილვის მე-3 ციკლის წინასასესიო ონლაინ შეხვედრა ჩატარდა, რომლის ფარგლებშიც, არასამთავრობო ორგანიზაციებისა და სახალხო დამცველის წარმომადგენლებმა გაეროში სხვა ქვეყნების მუდმივ წარმომადგენლებს მიაწოდეს ინფორმაცია ადამიანის უფლებათა დაცვის კუთხით ქვეყანაში არსებული მდგომარეობის შესახებ და გააჟღერეს კონკრეტული რეკომენდაციები, რომლებიც სასურველია შეხვედრაზე დამსწრე ქვეყნების წარმომადგენლებმა საქართველოს მისცენ.

 

წინასასესიო შეხვედრაზე მოხსენებით წარსდგა IDFI-ის კანონის უზენაესობისა და ადამიანის უფლებების მიმართულების ხელმძღვანელი - ქეთევან კუკავა, რომელმაც ისაუბრა მართლმსაჯულების/სამართლიანი სასამართლოს უფლებისა და გამოხატვის თავისუფლების/ინფორმაციის ხელმისაწვდომობის კუთხითსაქართველოში არსებულ მდგომარეობაზე. ქეთევან კუკავამ ასევე გააჟღერა კონკრეტული რეკომენდაციები, რომელთა გათვალისწინება აუცილებელია არსებული ხარვეზების აღმოსაფხვრელად.

 

„სასამართლოს დამოუკიდებლობა ისევე, როგორც გამოხატვის თავისუფლებისა და ინფორმაციის ხელმისაწვდომობის მყარი გარანტიების არსებობა ქვეყნის დემოკრატიული განვითარების აუცილებელი წინაპირობაა. შესაბამისად, ამ მიმართულებით რეფორმების გაგრძელება არსებითად მნიშვნელოვანია ადამიანის უფლებებზე დაფუძნებული პოლიტიკის უზრუნველსაყოფად  და საქართველოში კანონის უზენაესობის განსამტკიცებლად“ - განაცხადა ქეთევან კუკავამ.

 

გაერთიანებული ერების ორგანიზაციის ადამიანის უფლებათა საბჭოს მიერ დაფუძნებული უნივერსალური პერიოდული მიმოხილვა არის მნიშვნელოვანი მექანიზმი, რომელიც მიზნად ისახავს ყველა წევრ სახელმწიფოში ადამიანის უფლებათა მდგომარეობის გაუმჯობესებას. ამ მექანიზმის ფარგლებში, გაეროს ყველა წევრ სახელმწიფოში ადამიანის უფლებათა დაცვასთან დაკავშირებით არსებული მდგომარეობა ყოველ 4-5 წელიწადში ერთხელ ფასდება და გაიცემა შესაბამისი რეკომენდაციები.

 

2021 წლის 26 იანვარს, გაერთიანებული ერების ორგანიზაციაში, უნივერსალური პერიოდული მიმოხილვის (UPR) ფარგლებში ადამიანის უფლებების მდგომარეობა საქართველოში მესამედ შეფასდება. მიმოხილვა სხვა წყაროებთან ერთად დაეყრდნობა არასამთავრობო ორგანიზაციების მიერ მიწოდებულ ინფორმაციასა და ანგარიშებს. გაეროს წევრი სახელმწიფოები ადამიანის უფლებათა დაცვის მდგომარეობის გასაუმჯობესებლად საქართველოს რეკომენდაციებს სხვადასხვა მიმართულებით მისცემენ.

 

IDFI-ის ალტერნატიული ანგარიში იხილეთ აქ.

 

 

 

/public/upload/Article/Fair Trial - Judiciary.pdf

 

/public/upload/Article/Freedom of Expression Access to Information.pdf

 

/public/upload/Article/Prosecution Service.pdf

სხვა მასალები ამ თემაზე
სიახლეები

თბილისის საქალაქო სასამართლომ „მედიააკადემიის“ წინააღმდეგ IDFI-ის სარჩელი დააკმაყოფილა

26.02.2021

სტატისტიკური მონაცემები 2018-2020 წლებში საქართველოს ოკუპირებულ ტერიტორიებზე ქართული ჯანდაცვის პროგრამებით მოსარგებლეთა შესახებ

24.02.2021

ხელოვნური ინტელექტი: არსი, საერთაშორისო სტანდარტები, ეთიკური ნორმები და რეკომენდაციები

22.02.2021

ხელოვნური ინტელექტის სისტემების გამოყენება საქართველოში - კანონმდებლობა და პრაქტიკა

19.02.2021
განცხადებები

მედიაკოალიცია ჟურნალისტ ვახო სანაიაზე და მის ოჯახზე თავდასხმის ფაქტს ეხმიანება

25.02.2021

საგანგებო განცხადება ნიკა მელიას დაკავების შესახებ

23.02.2021

IDFI საქართველოს პარლამენტთან აქციების მონაწილეთა დაკავებას ეხმიანება

21.02.2021

ერთობლივი განცხადება ნიკა მელიას სასამართლო პროცესთან დაკავშირებით

17.02.2021
ბლოგპოსტები

გუდმუნდურ ანდრი ასტრადსონი ისლანდიის წინააღმდეგ: მოსამართლეთა დანიშვნის შესახებ კანონმდებლობის დარღვევამ სამართლიანი სასამართლოს უფლების შელახვა გამოიწვია

10.02.2021

რატომ არ არის სახელმწიფო ავტოპარკში ელექტროავტომობილები?

08.02.2021

ღია მმართველობის პარტნიორობის გაზრდილი მნიშვნელობა - პერსპექტივა დაკვირვების საფუძველზე (OGP 2030)

26.11.2020

დამოუკიდებელი ანტიკორუფციული სააგენტო - მაღალი დონის კორუფციასთან ბრძოლის ეფექტური საშუალება

06.11.2020