IDFI-იმ თელავისა და ლაგოდეხის მუნიციპალიტეტების მერიებისა და მათ დაქვემდებარებაში მყოფი იურიდიული პირების თანამშრომლებისთვის 24 და 26 ნოემბერს ონლაინ ტრენინგები გამართა გამჭვირვალობის, ანგარიშვალდებულებისა და კეთილსინდისიერების შესახებ.
ტრენინგების მონაწილეები გაეცნენ გამჭვირვალობისა და კეთილსინდისიერების ადგილობრივ სტრატეგიასა და სამოქმედო გეგმაში მოცემულ კონცეფციებს, ისევე, როგორც სტრატეგიული დოკუმენტების განხორციელებისთვის საჭირო პრაქტიკულ მიმართულებებს. ტრენინგებზე ასევე მოხდა სამოქმედო გეგმის ფარგლებში სამომავლოდ განსახორციელებელი ქმედებების განხილვა.
ტრენინგებს უძღვებოდნენ IDFI-ის ანტიკორუფციული მიმართულების ხელმძღვანელი მარიამ მაისურაძე და კვლევითი კოორდინატორი თამარ ჩხიტუნიძე. ტრენინგების ფარგლებში მოხდა პრაქტიკული მაგალითების განხილვა და მონაწილეებს მიეწოდათ ინფორმაცია სხვადასხვა რელევანტურ საკითხზე:
- საქართველოს ანტიკორუფციული ჩარჩო;
- საჯარო ინფორმაციის ხელმისაწვდომობა და პროაქტიული გამოქვეყნება;
- ღია მონაცემების შეგროვება, მომზადება, გამოქვეყნება და შენახვა;
- პოლიტიკის შემუშავება;
- კორუფციული რისკების მართვა;
- ანგარიშვალდებულება;
- ეთიკა და დისციპლინური წარმოება;
- ფინანსური/ქონებრივი დეკლარაციები;
- მამხილებელთა ინსტიტუტი;
- ადამიანური რესურსების მართვა და ფუნქციური ანალიზი;
- ნებართვები;
- შიდა აუდიტი;
- სახელმწიფო შესყიდვები;
- მერიის მმართველობაში მყოფი იურიდიული პირები.
ტრენინგიწარიმართა გამჭვირვალობისა და კეთილსინდისიერების სახელმძღვანელოს მიხედვით, რომელიც IDFI-ის მიერ მომზადდა USAID/GGI-ის მიერ დაფინანსებული პროექტის „თელავისა და ლაგოდეხის მუნიციპალიტეტების მერიებისთვის გამჭვირვალობის და კეთილსინდისიერების სტრატეგიისა და სამოქმედო გეგმის შემუშავება“ ფარგლებში.
1924 წლის აჯანყების მე-100-ე წლისთავთან დაკავშირებით, ქალაქ ახმეტაში საინფორმაციო ბანერი განთავსდა
05.08.2024ქალაქ თბილისის საპარკინგე პოლიტიკა 2018-2024
29.07.2024