2022 წლის ივნისში ინფორმაციის თავისუფლების განვითარების ინსტიტუტი (IDFI) ფინანსურ ქმედებათა სპეციალური ჯგუფთან (FATF) დაკავშირებული არასამთავრობო ორგანიზაციების გლობალური კოალიციის წევრი გახდა. კოალიცია სხვადასხვა არასამთავრობო ორგანიზაციების თავისუფალი ქსელია. ის ფინანსურ ქმედებათა სპეციალური ჯგუფის (FATF) საერთო შეფასებების ხარისხისა და ეფექტიანობის გაუმჯობესებას ადვოკატირებს არასამთავრობო სექტორში მდგრადი კომუნიკაციის გზით, ასევე ორიენტირებულია FATF-ის არასამთავრობო ორგანიზაციებთან დაკავშირებული რეკომენდაციების, განსაკუთრებით კი მე-8 რეკომენდაციის (R8) ეფექტიან და რისკებზე დაფუძნებულ განხორციელებაზე. 

კოალიციის ძირითადი მიზანია ტერორიზმის დაფინანსების წინააღმდეგ (CFT) არსებული პოლიტიკების არასასურველი შედეგების შემცირება სამოქალაქო საზოგადოებაში, რათა არ დაზიანდეს ლეგიტიმური საქველმოქმედო აქტივობები. ადვოკატირების დღის წესრიგი მიმართულია FATF/გლობალურ/ადგილობრივ დონეზე პოლიტიკის ცვლილებებზე, რომელიც არასამთავრობო სექტორის მხრიდან სწრაფ ქმედებებსა და ჩართულობას საჭიროებს, ასევე ინკლუზიურ პროცესს, რომელიც მომდინარეობს არასამთავრობო ორგანიზაციების მიერ ადგილზე შექმნილი გავლენით.

2014 წლიდან ოთხმა ორგანიზაციამ შეიმუშავა სტრატეგიები და უზრუნველყო კოალიციის კოორდინაცია. მათ მხარს უჭერენ მრავალი ქვეყნისა და რეგიონის წარმომადგენელი სხვადასხვა საკითხზე მომუშავე არასამთავრობო ორგანიზაციების ძირითადი ჯგუფი. კოალიციამ კონსტრუქციული ურთიერთობა ჩამოაყალიბა FATF-ის სამდივნოსთან მოსაზრებების გაცვლისა და გამჭვირვალე ჩართულობის უზრუნველყოფის მიზნით.

კოალიციას შემდეგი ოთხი ორგანიზაცია მართავს:

- ქველმოქმედებისა და უსაფრთხოების ქსელი (Charity & Security Network)

- არაკომერციული სამართლის ევროპული ცენტრი (European Center for Not-for-Profit Law)

- ევროპული ფონდის ცენტრი (European Foundation Center)

- ადამიანის უსაფრთხოების კოლექტივი (Human Security Collective)

კოალიცია IDFI-სთვის მნიშვნელოვანი პლატფორმაა საქართველოში FATF-ის რეკომენდაციების შესრულების ადვოკატირებისა და სხვა ქვეყნების საუკეთესო პრაქტიკის გაზიარებისათვის.