კარგი მმართველობის რეფორმის როლი ეკონომიკურ განვითარებასა და ინვესტიციების მოზიდვაში - IDFI საერთაშორისო ეკონომიკურ ფორუმზე საკუთარი პანელით წარსდა

სიახლეები | ეკონომიკა და სოციალური პოლიტიკა | კორუფციასთან ბრძოლა | პუბლიკაციები | სტატია 19 ივნისი 2019

500-ზე მეტი დელეგატი 15-ზე მეტი ქვეყნიდან მონაწილეობდა თბილისში გამართულ ყოველწლიურ საერთაშორისო საინვესტიციო ფორუმში – „განვითარებადი ბაზრების ეკონომიკა: პერსპექტივები და გამოწვევები“.


ფორუმის ფარგლებში IDFI-ის მიერ ორგანიზებული პანელი ეხებოდა კარგი მმართველობის რეფორმის როლს ეკონომიკურ განვითარებასა და ინვესტიციების მოზიდვაში. პანელის გამომსვლელებს შორის იყვნენ: ნატო ბერუაშვილი – USAID G4G-ის პროექტის ხელმძღვანელი; დავით ლეჟავა – PMCG-ის საჯარო პოლიტიკის სექტორის დირექტორი; ქეთევან ბოჭორიშვილი – Anaklia City-ის აღმასრულებელი დირექტორი; და ანდრო გიგაური – დამოუკიდებელი ექსპერტი. პანელს მოდერაციას უწევდა დავით დოლიძე – IDFI-ის კვლევითი მიმართულების ხელმძღვანელი.


„წარმატებული ეკონომიკური განვითარების მისაღწევად აუცილებელია, რომ ეს ეკონომიკურ ზრდა თანხვედრაში იყოს საზოგადოების ლიბერალურ და დემოკრატიულ ფასეულობებთან. ამიტომ ჩვენ უნდა ვეცადოთ, რომ შევქმნათ ღია და ანგარიშვალდებული გარემო, სადაც მთელი საზოგადოება იქნება ჩართული ეკონომიკური წარმატების მიღწევის პროცესში,“ – IDFI-ის კვლევითი მიმართულების ხელმძღვანელი დავით დოლიძე.


დამოუკიდებელმა ექსპერტმა ანდრო გიგაურმა ისაუბრა კარგი მმართველობის ინდიკატორების შესახებ და აღნიშნა, რომ მართლმსაჯულების სისტემის პროგნოზირებადობა და საინვესტიციო კონტრაქტების ეფექტიანი აღსრულება ის ძირითადი ფაქტორებია, რომლებსაც ინვესტორები უყურებენ. გარდა ამისა, მან აღნიშნა, რომ სამოქალაქო თავისუფლებების წინსვლა და სახელმწიფო ინსტიტუტებისა და თანამდებობის პირების საქმიანობის ზედამხედველობის მექანიზმების გაძლიერება მნიშვნელოვანია ქვეყნის იმიჯისთვის.


Anaklia City-ის აღმასრულებელმა დირექტორმა ქეთევან ბოჭორიშვილმა ფართოდ ისაუბრა იმ სირთულეების შესახებ, რომელთა დაძლევაც აუცილებელია კარგი მმართველობის რეფორმების პროცესში, რათა ხელი შეეწყოს საქართველოში ეკონომიკური ზრდის სასურველი მაჩვენებლის მიღწევას. „ჩვენ არ გვაქვს ნავთობი ან გაზი, სწორედ ამიტომ კარგი მმართველობა საქართველოსთვის მნიშვნელოვანია,“ – ქეთევან ბოჭორიშვილი.


USAID G4G-ის პროექტის ხელმძღვანელმა ნატო ბერუაშვილმა მიმოიხილა საჯარო და კერძო სექტორებს შორის დიალოგის მნიშვნელობა პოლიტიკის შემუშავების ადრეულ ეტაპზე. „პოლიტიკის შემუშავების პროცესში მნიშვნელოვანია კერძო სექტორისა და სამოქალაქო საზოგადოების მონაწილეობა. მთავრობას არ ძალუძს შედეგებზე ორიენტირებული და ეფექტური პოლიტიკის შემუშავება, თუ მის მომზადების პროცესში არ იქნება ჩართული საზოგადოების ის ჯგუფი, ვისზეც ეს პოლიტიკა უნდა აისახოს,“ნატო ბერუაშვილი.


ღონისძიების მონაწილეებმა ასევე განიხილეს: პოსტსაბჭოთა ქვეყნების რეგიონული ეკონომიკა, საინვესტიციო შესაძლებლობები, აქტივებისა და დაგროვილი ინვესტიციების მართვა, კერძო და ვენჩურული კაპიტალის საინვესტიციო პერსპექტივები და სალიზინგო შესაძლებლობები განვითარებადი ბაზრებისთვის და სხვა.


ფორუმმა 50-მდე გამომსვლელს უმასპინძლა, მათ შორის, ცნობილ საინვესტიციო ექსპერტს, რიჩარდ ვილსონს, რომელიც აშშ-ში ცნობილია როგორც შეძლებული და ულტრა შეძლებული ოჯახების მიერ დაგროვილი ინვესტიციების მმართველი. მან საინტერესოდ ისაუბრა რეგიონისათვის ამ ახალ დარგზე, მის მნიშვნელობასა და აქტივების მართვის დეტალებზე.


ფორუმი ჩატარდა „ბიზნეს ინფორმაციის სააგენტოს“ ორგანიზებით, სხვადასხვა მედია, კერძო და არასამთავრობო ორგანიზაციებთან, მათ შორის IDFI-ისთან თანამშრომლობითა და დაფინანსებით. IDFI-ის პანელის – „კარგი მმართველობის რეფორმის როლი ეკონომიკურ განვითარებასა და ინვესტიციების მოზიდვაში“ – ფინანსური მხარდამჭერია საერთაშორისო ფილანთროპიული ორგანიზაცია, Luminate.

სხვა მასალები ამ თემაზე
სიახლეები

IDFI გიწვევთ კარგი მმართველობის ფორუმზე 2021

04.12.2021

IDFI-ის აღმასრულებელმა დირექტორმა ღია პარლამენტის ფორუმზე დეზინფორმაციასთან ბრძოლაში პარლამენტის როლზე ისაუბრა

03.12.2021

ვებგვერდის პრეზენტაცია - www.historyproject.ge

01.12.2021

ბენეფიციარ მესაკუთრეთა მონიტორნიგის გზამკვლევი

26.11.2021
განცხადებები

დეზინფორმაცია და არჩევნები – 2021 წლის ადგილობრივი თვითმმართველობის არჩევნების შეჯამება

03.12.2021

კოალიცია უზენაესი სასამართლოს მოსამართლეების დანიშვნას კრიტიკულად აფასებს

02.12.2021

არასამთავრობო ორგანიზაციები საკონსტიტუციო ცვლილებებთან დაკავშირებით ირაკლი კობახიძის განცხადებას უარყოფითად აფასებენ

01.12.2021

კოალიცია პარლამენტში უზენაესი სასამართლოს მოსამართლეობის კანდიდატებთან გასაუბრებების დაწყებას ეხმაურება

24.11.2021
ბლოგპოსტები

ონლაინ ინფორმაციის მანიპულირების ეფექტები: ვინ უნდა შეიმუშავოს და განახორციელოს საჭირო მექანიზმები

20.10.2021

სამთავრობო OGP-ის რეგრესი საქართველოში

06.10.2021

სიკვდილი, როგორც საარჩევნო კამპანიის ძირითადი ნარატივი საქართველოში

29.09.2021

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021