IDFI-მ საჯარო მოხელეებს ხელოვნური ინტელექტის გამოყენებაზე ტრენინგი ჩაუტარა

სიახლეები | ინტერნეტი და ინოვაციები | სტატია 19 თებერვალი 2021

 

15 თებერვალს, ინფორმაციის თავისუფლების განვითარების ინსტიტუტმა (IDFI) საჯარო მოხელეებისთვის ონლაინ ტრენინგი ჩაატარა საჯარო სექტორში ხელოვნური ინტელექტის სისტემების გამოყენებაზე. ტრენინგი მიზნად ისახავდა საჯარო მოხელეებისთვის ხელოვნური ინტელექტის სისტემების გამოყენების საერთაშორისო სტანდარტების შესახებ თეორიული და პრაქტიკული ინფორმაციის მიწოდებას. ასევე, საქართველოში ამგვარი სისტემების გამოყენების პრაქტიკის ანალიზის შედეგების და გამოკვეთილი გამოწვევების გაცნობას.

 

ტრენინგის მონაწილეებმა ინფორმაცია მიიღეს შემდეგ საკითხებზე:

 

- ხელოვნური ინტელექტის განმარტება, არსი და მახასიათებლები;

 

- ხელოვნური ინტელექტის გამოყენება საჯარო სექტორში - საერთაშორისო მაგალითები;

 

- ხელოვნური ინტელექტის გამოყენების საერთაშორისო სტანდარტები;

 

- ხელოვნური ინტელექტი და ადამიანის უფლებები;

 

- ხელოვნური ინტელექტის გამოყენების მაგალითები საქართველოს საჯარო სექტორში;

 

- ხელოვნური ინტელექტის გამოყენების სამართლებრივი რეგულირება საქართველოში;

 

- საქართველოს საჯარო სექტორში ხელოვნური ინტელექტის გამოყენებასთან დაკავშირებული სამართლებრივი გამოწვევები;

 

- რეკომენდაციები საჯარო მოხელეებისთვის

 

ტრენინგის დროს ასევე გაიმართა დისკუსიახელოვნური ინტელექტის  გამჭვირვალობის სტანდარტების, გამოყენების პრაქტიკის და მის დანერგვასთან დაკავშირებული გამოწვევების შესახებ.

 

შეხვედრა გახსნეს და მოდერაციას უწევდნენ IDFI-ის პროგრამების დირექტორი, ლევან ავალიშვილი და მედია, ინტერნეტ და ინოვაციების მიმართულების ხელმძღვანელი, თეონა ტურაშვილი.

 

ტრენინგის პირველ ნაწილს - „ხელოვნური ინტელექტის არსი, საერთაშორისო სტანდარტები და საუკეთესო პრაქტიკა“ - უძღვებოდა პროექტის მოწვეული ექსპერტი, ნატა გოდერძიშვილი. ხოლო მეორე ნაწილი - „ხელოვნური ინტელექტის გამოყენება საქართველოს საჯარო სექტორში: პრაქტიკა და სამართლებრივი გამოწვევები“ წარმართეს IDFI-ის ანალიტიკოსმა, დავით ერისთავმა და პროექტის მენეჯერმა, გიორგი დავითურმა.

 

ტრენინგი გაიმართა პროექტის  - „გამჭვირვალობისა და ეთიკური სტანდარტების ხელშეწყობა ხელოვნური ინტელექტის (AI) გამოყენებაში“ - ფარგლებში, რომელიც მხადაჭერილია არაკომერციული სამართლის საერთაშორისო ცენტრის (ICNL) მიერ. ინიციატივის მიზანია საჯარო უწყებების მიერ ხელოვნური ინტელექტის გამოყენების საკითხებში მეტი გამჭვირვალობისა და ეთიკური სტანდარტების შემუშავებისა და დანერგვის ხელშეწყობა.

სხვა მასალები ამ თემაზე
სიახლეები

IDFI-ის აღმასრულებელმა დირექტორმა ღია პარლამენტის ფორუმზე დეზინფორმაციასთან ბრძოლაში პარლამენტის როლზე ისაუბრა

03.12.2021

ვებგვერდის პრეზენტაცია - www.historyproject.ge

01.12.2021

ბენეფიციარ მესაკუთრეთა მონიტორნიგის გზამკვლევი

26.11.2021

აღმოსავლეთ ევროპის პარტნიორობის ქვეყნების პოლიტიკური გაერთიანებების წარმომადგენლები IDFI-ის ესტუმრნენ და მის საქმიანობას გაეცვნენ

26.11.2021
განცხადებები

დეზინფორმაცია და არჩევნები – 2021 წლის ადგილობრივი თვითმმართველობის არჩევნების შეჯამება

03.12.2021

კოალიცია უზენაესი სასამართლოს მოსამართლეების დანიშვნას კრიტიკულად აფასებს

02.12.2021

არასამთავრობო ორგანიზაციები საკონსტიტუციო ცვლილებებთან დაკავშირებით ირაკლი კობახიძის განცხადებას უარყოფითად აფასებენ

01.12.2021

კოალიცია პარლამენტში უზენაესი სასამართლოს მოსამართლეობის კანდიდატებთან გასაუბრებების დაწყებას ეხმაურება

24.11.2021
ბლოგპოსტები

ონლაინ ინფორმაციის მანიპულირების ეფექტები: ვინ უნდა შეიმუშავოს და განახორციელოს საჭირო მექანიზმები

20.10.2021

სამთავრობო OGP-ის რეგრესი საქართველოში

06.10.2021

სიკვდილი, როგორც საარჩევნო კამპანიის ძირითადი ნარატივი საქართველოში

29.09.2021

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021