პარასკევს, 11 დეკემბერს, 10:30 საათზე, სასტუმრო თბილისი მერიოტში ინფორმაციის თავისუფლების განვითარების ინსტიტუტი (IDFI) და ფონდი ღია საზოგადოება საქართველო გამართავს ანგარიშის პრეზენტაციას, რომელიც შეაჯამებს ინფორმაციის თავისუფლების მდგომარეობას საქართველოში 2010-2015 წლებში.

ღონისძიებაზე განხილული იქნება საქართველოში 2010-2015 წლებში საჯარო ინფორმაციის ხელმისაწვდომობის პრაქტიკის ძირითადი ტენდენციები და გამოწვევები.

პროექტ „საჯარო ინფორმაციის მონაცემთა ბაზა - www.opendata.ge”-ს ფარგლებში გასული წლების განმავლობაში IDFI-მ სულ საჯარო ინფორმაციის 30152 მოთხოვნა გაგზავნა. ღონისძიებაზე დაჯილდოვდება როგორც 2015 წლის, ისე მთლიანად, პროექტის ფარგლებში (2010-2015) გამოვლენილი ყველაზე გამჭვირვალე უწყებები, ასევე დასახელდება 2015 წელს ყველაზე დახურული და არაანგარიშვალდებული საჯარო დაწესებულებები.

ღონისძიებას დაესწრებიან მინისტრები და სხვა მაღალი თანამდებობის პირები, ასევე, საქართველოში აკრედიტირებული დიპლომატიური კორპუსის, არასამთავრობო სექტორისა თუ მედიის წარმომადგენლები.

მსგავსი ღონისძიება IDFI-მ უკვე სამჯერ ჩაატარა. გასულ წელს IDFI-ს გაუმჭვირვალობის სერტიფიკატი საჯარო ინფორმაციის ხელმისაწვდომობის შეზღუდვისათვის გადაეცა საქართველოს შინაგან საქმეთა სამინისტროს, ხოლო სასჯელაღსრულების დეპარტამენტი ყველაზე დახურულ საჯარო დაწესებულებად დასახელდა. ახალი მონაცემებით, მდგომარეობა შეცვლილია.