IDFI-მ და GYLA-მ ინფორმაციის პროაქტიული გამოქვეყნების პრაქტიკის შესახებ კვლევები წარმოადგინეს

სიახლეები | კვლევები | კორუფციასთან ბრძოლა | პუბლიკაციები 25 ნოემბერი 2014

ორშაბათს, 24 ნოემბერს HOLIDAY INN TBILISI-ში გაიმართა პროექტის „საჯარო დაწესებულებების პროაქტიული გამოქვეყნების ვალდებულების შესრულების პრაქტიკის გაუმჯობესება“ ფარგლებში მომზადებული სამი კვლევის პრეზენტაცია.

 

1. საჯარო ინფორმაციის პროაქტიული გამოქვეყნების პრაქტიკა საქართველოს საჯარო დაწესებულებებში

2. საჯარო ინფორმაციის პროაქტიული გამოქვეყნების უცხოური პრაქტიკა (კანადა, ავსტრალია, იტალია)

3. საჯარო ინფორმაციის გაცემის ვალდებულებების დაცვა საჯარო დაწესებულებებში

ზემოთ აღნიშნულ კვლევებთან ერთად IDFI-მ წარმოადგინა საჯარო დაწესებულებების მიერ ინფორმაციის პროაქტიული განთავსების მაჩვენებლები

 

IDFI-ს წარმომადგენლებმა, დირექტორმა - გიორგი კლდიაშვილმა, გამგეობის თავმჯდომარემ - ლევან ავალიშვილმა და ანალიტიკოსმა გოგა თუშურაშვილმა საჯარო დაწესებულებებში ინფორმაციის პროაქტიულად გამოქვეყნების პრაქტიკაზე ისაუბრეს. 

 

კვლევის ორთვიანმა პერიოდმა აჩვენა, რომ 35 უწყებას მონიტორინგის პერიოდისათვის საერთოდ არ ჰქონდა შექმნილი საჯარო ინფორმაციის გვერდი ან აღნიშნულ გვერდზე არ ჰქონდა წარმოდგენილი რაიმე სახის ინფორმაცია. ასევე, 98 უწყებიდან ინფორმაციის განთავსების 100%-იანი მაჩვენებლები აჩვენა მხოლოდ საქართველოს მთავრობის ადმინისტრაციამ, განათლებისა და მეცნიერების სამინისტრომ და ენერგეტიკის სამინისტრომ, ოცმა მათგანმა კი 50%-ზე დაბალი შეფასება მიიღო.


ლევან ავალიშვილმა ვრცლად მიმოიხილა ავსტრალიის, იტალიისა და კანადის პროაქტიული გამოქვეყნების პრაქტიკა, რომელზე დაყრდნობითაც IDFI-მ საჯარო დაწესებულებებს საკუთარი რეკომენდაციები შესთავაზა. 


საქართველოს ახალგაზრდა იურისტთა ასოციაციის (GYLA) პროექტის კოორდინატორმა, სულხან სალაძემ ყურადღება საჯარო დაწესებულებებში ინფორმაციის გაცემის ვალდებულებების დაცვაზე გაამახვილა. მის მიერ წარმოდგენილ კვლევაში აღნიშნული იყო, რომ 17 ადმინისტრაციული ორგანოს მაგალითზე ქვეყანაში მაღალია სრულყოფილი სახით საჯარო ინფორმაციის გაცემის ფაქტები;


საჯარო ინფორმაციის მოთხოვნების საერთო სტატისტიკის გათვალისწინებით საკმაოდ დაბალია საჯარო ინფორმაციის ელექტრონული ფორმით მოთხოვნის შემთხვევები; საანგარიშო პერიოდში ყველაზე მაღალი მოთხოვნით სარგებლობდა ინფორმაცია, რომელიც შეეხებოდა, თანამშრომელთა დანიშვნა-გათავისუფლებას და შვებულების საკითხებს.


პრეზენტაციაზე მოწვეულნი იყვნენ საჯარო დაწესებულებების პროაქტიულად გამოქვეყნებაზე პასუხისმგებელი პირები, რომლებიც აქტიურად ჩაერთვნენ დისკუსიაში მომზადებული რეკომენდაციების შესახებ. 


პროექტი „ინფორმაციის თავისუფლების განვითარების ინსტიტუტმა“ (IDFI) და საქართველოს ახალგაზრდა იურისტთა ასოციაციამ (GYLA) შეერთებული შტატების საერთაშორისო განვითარების სააგენტოს (USAID) დემოკრატიული მმართველობა საქართველოში (G-3) პროგრამის ფარგლებში განახორციელა.

 

 

სხვა მასალები ამ თემაზე
სიახლეები

კორუფციასთან ბრძოლის სასერტიფიკატო პროგრამა დაიწყო

20.10.2021

საქართველო კანონის უზენაესობის 2021 წლის ინდექსში

20.10.2021

ონლაინ ინფორმაციის მანიპულირების ეფექტები: ვინ უნდა შეიმუშავოს და განახორციელოს საჭირო მექანიზმები

20.10.2021

ბათუმის გიმნაზია-პანსიონში საგანმანათლებლო კვირეული ჩატარდა

19.10.2021
განცხადებები

IDFI საარჩევნო კოდექსსა და „მაუწყებლობის შესახებ“ საქართველოს კანონში შესატან ცვლილებებს ეხმიანება

18.10.2021

კოალიცია მედიის ადვოკატირებისთვის სახელმწიფო ინსპექტორს მოსმენების ტექნიკური ინფრასტრუქტურის შემოწმებისკენ მოუწოდებს

27.09.2021

IDFI ფარული მასალების გავრცელებას ეხმიანება

17.09.2021

IDFI-ის განცხადება გენერალური პროკურორის არჩევის წესის ცვლილებასთან დაკავშირებით

08.09.2021
ბლოგპოსტები

ონლაინ ინფორმაციის მანიპულირების ეფექტები: ვინ უნდა შეიმუშავოს და განახორციელოს საჭირო მექანიზმები

20.10.2021

სამთავრობო OGP-ის რეგრესი საქართველოში

06.10.2021

სიკვდილი, როგორც საარჩევნო კამპანიის ძირითადი ნარატივი საქართველოში

29.09.2021

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021