კვლევის ფარგლებში, რომელიც განხორციელდა 2014 წლის სექტემბერი-ოქტომბრის პერიოდში, შესწავლილი იქნა, რამდენად უზრუნველყო 133 საჯარო დაწესებულებამ „საჯარო ინფორმაციის ელექტრონული ფორმით მოთხოვნისა და პროაქტიულად გამოქვეყნების შესახებ“ დადგენილებებით მათზე დაკისრებული ვალდებულებები.

კვლევამ აჩვენა რომ:

• 35 ადმინისტრაციულ ორგანოს მონიტორინგის პერიოდისათვის საერთოდ არ ჰქონდათ შექმნილი საჯარო ინფორმაციის გვერდი ან აღნიშნულ გვერდზე არ ჰქონდათ წარმოდგენილი რაიმე სახის ინფორმაცია. (მათ შორისაა სასჯელაღსრულების დეპარტამენტი, კულტურული მემკვიდრეობის დაცვის ეროვნული სააგენტო);
• 98 უწყებიდან ინფორმაციის განთავსების 100%-იანი მაჩვენებლები აჩვენა მხოლოდ საქართველოს მთავრობის ადმინისტრაციამ, განათლებისა და მეცნიერების სამინისტრომ და ენერგეტიკის სამინისტრომ;
• 98 უწყებიდან ინფორმაციის განთავსების 50%-ზე დაბალი მაჩვენებელი მიიღო ოცმა მათგანმა. მათ შორისაა: შსს მომსახურების სააგენტო - 21%, ფინანსთა სამინისტროს საგამოძიებო სამსახური - 21%, იუსტიციის სასწავლო ცენტრი 42%, აჭარის ა/რ-ის მთავრობის აპარატი - 48%.
• დაწესებულებები უმეტესწილად ვებ-გვერდებზე ათავსებენ მხოლოდ იმ მინიმალურ კონკრეტულ ინფორმაციას, რომელიც აკმაყოფილებს შესაბამისი დადგენილების მოთხოვნებს.

კვლევის ფარგლებში დეტალურად იქნა გაანალიზებული შესაბამისი დადგენილებებით განსაზღვრული თითოეული პუნქტის მიმართებაში ინფორმაციის განთავსების საუკეთესო და ცუდი პრაქტიკა კონკრეტული დაწესებულებების მაგალითზე. იმ პუნქტებთან მიმართებაში, რომლებიც დაწესებულებას აძლევს მინიმალური ინფორმაციის განთავსების საშუალებას წარმოდგენილია რეკომენდაციები, რომ მაქსიმალურად იქნეს უზრუნველყოფილი ადმინისტრაციული ორგანოების ფინანსური გამჭვირვალობა და სხვა საზოგადოებისთვის მნიშვნელოვანი ინფორმაციის ხელმისაწვდომობა.

იხილეთ სრული კვლევა

/public/upload/IDFI/proaqtiuli gamoqveynebis machveneblebi.pdf