პროექტი "ელექტრონული ჩართულობის განვითარება საქართველოში" მთავრობის ანგარიშვალდებულების გაზრდას, ხელისუფლებასა და მოქალაქეებს შორის ურთიერთობის თანამედროვე ფორმების დამკვიდრებას და საზოგადოებრივ და პოლიტიკურ ცხოვრებაში მოქალაქეების აქტიურ  მონაწილეობას ისახავს მიზნად.

პროექტის ფარგლებში IDFI-იმ დაგეგმა აქცია, რომელიც მიზნად ისახავს საზოგადოების ცნობიერების ამაღლებას საჯარო პოლიტიკაში მოქალაქეთა მონაწილეობის მნიშვნელობის შესახებ, მნიშვნელოვანია, რომ საზოგადოების წევრები უფრო აქტიურად ჩაერთონ გადაწყვეტილების მიღების პროცესში და მიაღწიონ ცვლილებებს.

ფლაერში ასახულია საქართველოში ამ ეტაპზე მოქმედი ელექტრონული მონაწილეობის პლატფორმები. კერძოდ, თბილისის მერიის პეტიციების გვერდისა და საკანონმდებლო მაცნეს პლატფორმის მეშვეობით მოქალაქეებს  შესაძლებლობა აქვთ ხელისუფლებას ელექტრონულად მიაწოდონ საკუთარი წინადადებები და მიიღონ მონაწილეობა კანონშემოქმედებით პროცესში.

იუსტიციის სამინისტროს ვებ-გვერდზე შექმნილია განყოფილება „პარტნიორობა ღია მმართველობისთვის“ სადაც შესაძლებელია მთავრობის გამჭვირვალობისა და ანგარიშვალდებულების უზრუნველსაყოფად ინიციატივების გაგზავნა.

პროექტი ხორციელდება  აღმოსავლეთ-დასავლეთის მართვის ინსტიტუტის (EWMI) პროგრამის – „საქართველოში საჯარო პოლიტიკის, ადვოკატირებისა და სამოქალაქო საზოგადოების განვითარების“ (G-PAC) – ფარგლებში.

იხილეთ საინფორმაციო ფლაერი