საერთაშორისო საზაფხულო სკოლა: კარგი მმართველობის გამოწვევები

სიახლეები | კარგი მმართველობა 21 აგვისტო 2014

2014 წლის 25-29 აგვისტოს თბილისის სახელმწიფო უნივერსიტეტში იმართება საერთაშორისო საზაფხულო სკოლა სახელწოდებით: „ევროპული მეზობლობისა და პარტნიორობის ინსტრუმენტი (ENPI) სამხრეთ კავკასიაში 2013 წლის შემდეგ: კარგი მმართველობის გამოწვევები“. საზაფხულო სკოლა ორგანიზებულია თბილისის სახელმწიფო უნივერსიტეტის, ტარტუს უნივერსიტეტის, ინფორმაციის თავისუფლების განვითარების ინსტიტუტის (IDFI)-ისა და თსუ-ს ევროპული კვლევების ინსტიტუტის მიერ. ერთობლივი საზაფხულო სკოლა დაფინანსებულია ესტონეთის საგარეო საქმეთა სამინისტროს მიერ.


საზაფხულო სკოლის ფარგლებში მოწვეულნი არიან მაღალი დონის ექსპერტები საქართველოს მთავრობიდან, საქართველოს პარლამენტიდან, ევროკავშირის დელეგაციიდან საქართველოში, ასევე ესტონელი და ქართველი პროფესორები. კერძოდ, საქართველოს ხელისუფლებიდან მოხსენებებს გააკეთებენ იუსტიციის მინისტრის პირველი მოადგილე ალექსანდრე ბარამიძე, პარლამენტის წევრი თინათინ ხიდაშელი, საჯარო სამსახურის ბიუროს ხელმძღვანელი ეკატერინე ქარდავა, იუსტიციის სამინისტროს ანალიტიკური დეპარტამენტის უფროსი და ანტი-კორუფციული საბჭოს მდივანი რუსუდან მიხელიძე, იუსტიციის სახლის მომსახურების პროცესების განვითარების დირექტორი ირაკლი ლომიძე, მონაცემთა გაცვლის სააგენტოს ხელმძღვანელი ირაკლი გვენეტაძე და სხვ. ამას გარდა, სიტყვით გამოვლენ ტარტუს უნივერსიტეტის წარმომადგენელი სტეფანო ბრაგიროლი, აზერბაიჯანის დიპლომატიური აკადემიის წარმომადგენელი ფარად მუხტაროვი, თსუ-ს ევროპული კვლევების ინსტიტუტის ხელმძღვანელი ნინო ლაპიაშვილი, ტარტუს უნივერსიტეტის ევროპული კოლეჯის ხელმძღვანელი კრისტინა ტონისონი, თსუ-ს რექტორის მრჩეველი ვახტანგ ჭარაია ა.შ.


საზაფხულო სკოლაში გამომსვლელების სახით მონაწილეობას ასევე ღებულობენ IDFI-ის ხელმძღვანელები, გიორგი კლდიაშვილი და ლევან ავალიშვილი. კერძოდ, გიორგი კლდიაშვილი გააკეთებს მოხსენებას თემაზე „პარტნიორობა ღია მმართველობისთვის (OGP), როგორც კარგი მმართველობის მექანიზმი“, ხოლო ლევან ავალიშვილი ისაუბრებს საქართველოში საჯარო ინფორმაციის ხელმისაწვდომობის არსებულ პრაქტიკაზე.


საზაფხულო სკოლაში მონაწილეობას იღებენ ქართველი და უცხოელი სტუდენტები.

/public/upload/pdf/agenda-summer-school-ENPI-south-caucasus-1.pdf

 

სხვა მასალები ამ თემაზე
სიახლეები

IDFI-ის პანელური დისკუსია აზიის განვითარების ბანკის 54-ე წლიურ შეხვედრაზე - მდგრადი განვითარების მიზნები

07.05.2021

მოქალაქეებს აჭარის უმაღლესი საბჭოსთვის პეტიციით მიმართვა შეუძლიათ

06.05.2021

მოდერნიზებული 108-ე კონვენციის მნიშვნელობა საქართველოსთვის

27.04.2021

35 წელი ჩერნობილის კატასტროფიდან - საბჭოთა კავშირის ბირთვული მემკვიდრეობის საფრთხეები თანამედროვე საქართველოსთვის

26.04.2021
განცხადებები

IDFI-სა და GYLA-ს ერთობლივი განცხადება საჯარო მმართველობის რეფორმისა და ანტიკორუფციული სტრატეგიული დოკუმენტების დაგვიანებასთან დაკავშირებით

10.05.2021

IDFI-ის პარტნიორი ორგანიზაცია რუსეთში კვლავ ზეწოლის ქვეშაა

01.05.2021

IDFI-ს განცხადება პოლიტიკური პარტიების შეთანხმების თაობაზე

19.04.2021

IDFI ნამახვანი ჰესის პროექტთან დაკავშირებით განვითარებულ მოვლენებს ეხმიანება

12.04.2021
ბლოგპოსტები

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021

გუდმუნდურ ანდრი ასტრადსონი ისლანდიის წინააღმდეგ: მოსამართლეთა დანიშვნის შესახებ კანონმდებლობის დარღვევამ სამართლიანი სასამართლოს უფლების შელახვა გამოიწვია

10.02.2021