დიასპორის საკითხებში საქართველოს სახელმწიფო მინისტრის აპარატიდან IDFI-ისთვის მოწოდებული არაოფიციალური სტატისტიკის მიხედვით ჩვენი თანამემამულეების რაოდენობა შეადგენს დაახლოებით 1 607 744 ადამიანს.

იმის გამო, რომ ჩვენი თანამემამულეების დიდი ნაწილი საზღვარგარეთ არალეგალურად იმყოფება და, შესაბამისად, ისინი საკონსულოს აღრიცხვაზე არ ჰყავს, დიასპორის საკითხებში სახელმწიფო მინისტრის აპარატს დაზუსტებული მონაცემები არ გააჩნია.

საკუთარ ვებგვერდებზე საზღვარგარეთ მცხოვრები ქართული დიასპორის შესახებ ინფორმაციას საკმაოდ ვრცლად მიმოიხილავენ მედიასაშუალებები:

netgazeti.ge: მედიასაშუალებები არაოფიციალურ სტატისტიკაზე დაყრდნობით განმარტავენ, რომ ქართული დიასპორის დიდი ნაწილი, 800 ათასი ადამიანი ცხოვრობს რუსეთის ფედერაციაში, რომელთაგან 285 915 (2009წ.) რუსეთის ფედერაციის მოქალაქეა.

საბერძნეთი, უკრაინა, თურქეთი, ამერიკის შეერთებული შტატები, აზერბაიჯანი, ესპანეთი, გერმანია - ჩამოთვლილ ქვეყნებში ქართული დიასპორის მაღალი მაჩვენებლებია.

newposts.ge: ლატვიაში, ესტონეთში, სლოვაკეთში, რუმინეთში, მოლდოვასა და ტაჯიკეთში 500-500 ადამიანია.
ქართული დიასპორის სიმცირით გამოირჩევა ავსტრალია, იაპონია, ყირგიზეთი, ლიტვა.

ისტორიული დიასპორის წარმომადგენელთა რიცხვი თურქეთსა და ირანში საკმაოდ მაღალია. თურქეთში მილიონზე მეტია, ხოლო ირანში 35 ათასს აღწევს.

news.ge : საქართველოს სტატისტიკის ეროვნული სამსახურის (საქსტატი) მონაცემებით, 2015 წლის 1 იანვრის მდგომარეობით, საქართველოს მოსახლეობის რაოდენობა 3 729,5 ათას ადამიანს შეადგენს.