პროექტ “საქართველო 2020”-ის ფარგლებში სალექციო კურსების სერია დაიწყო

სიახლეები 9 ნოემბერი 2015

5 და 6 ნოემბერს, IDFI-ს ორგანიზებით იაკობ გოგებაშვილის სახელობის თელავის სახელმწიფო უნივერსიტეტში გაიმართა სალექციო ბლოკ-კურსი “ფინანსური აღრიცხვა და ინვესტიციები” და ტრენინგი “აკადემიური წერა”. ღონისძიება ჩატარდა პროექტ “სტრატეგიული გეგმა საქართველო 2020 - სამოქალაქო საზოგადოების ჩართულობის გაძლიერება”-ს ფარგლებში. პროექტი ხორციელდება IDFI-ს მიერ ბრემენის უნივერსიტეტთან პარტნიორობით და გერმანიის საგარეო საქმეთა სამინისტროს დაფინანსებით. 

 

ბლოკ-კურსს უძღვებოდნენ ბრემენის უნივერსიტეტის მკვლევრები - სებასტიან ტიდემანი, მაქს ნოიბაუერი და ოლივერ სტაინებახი. სალექციო ბლოკ-კურსის პირველ დღეს მკვლევრებმა განიხილეს საერთაშორისო ფინანსური ანგარიშგების სტანდარტები (IFRS) და იმსჯელეს IFRS-ის დანერგვის უპირატესობებსა და შეზღუდვებზე. გერმანიიდან მოწვეულმა მკვლევარებმა თელავის სახელმწიფო უნივერსიტეტის 40-მდე სტუდენტს გაუზიარეს საერთაშორისო გამოცდილება ფინანსური ანგარიშგების სტანდარტებთან დაკავშირებით და გააცნეს პირდაპირი უცხოური ინვესტიციებისა და საერთაშორისო ვაჭრობის საფუძვლები.

 

სალექციო ბლოკ-კურსის მეორე დღეს ტიდემანმა, ნოიბაუერმა და სტაინებახმა ისაუბრეს ბიზნესა და ფინანსური ანალიზის საფუძვლებზე და სტუდენტებთან ერთად განიხილეს ამ საკითხთან დაკავშირებული რამდენიმე ქეისი. ლექციის დასრულების შემდეგ, მაიქლ სტრეიტმა და ჯულიან აბიმ ჩაატარეს ტრენინგი აკადემიურ წერასთან დაკავშირებით. გერმანელმა მკვლევარებმა თელავის სახელმწიფო უნივერსიტეტის სტუდენტებს გააცნეს ბრემენის უნივერსიტეტის სამაგისტრო პროგრამის სტრუქტურა და ისაუბრეს სამაგისტრო ნაშრომის მოთხოვნებსა და სპეციფიკაზე. ტრენინგის მიზანი აკადემიური ნაშრომის თავისებურებების გაცნობის გარდა, ორგანიზაციული ჩვევების, მათ შორის დროის ეფექტიანი მართვის გაუმჯობესება იყო.

 

ორდღიანი ლექციებისა და ტრენინგის ბოლოს, ღონისძიებაში მონაწილე 30-მდე სტუდენტსა და ახალგაზრდა მეცნიერს გადაეცა IDFI-ს, ბრემენის და თელავის სახელმწიფო უნივერსიტეტების ერთობლივი სერტიფიკატი.

 

გერმანელი მკვლევარების მიერ ჩატარებული ბლოკ-კურსების სერია გრძელდება თბილისში, თბილისის სახელმწიფო უნივერსიტეტთან თანამშრომლობით. თსუ-ში სალექციო კურსები “ფინანსური აღრიცხვა და ინვესტიციები” ჩატარდება 9 და 10 ნოემბერს, უნივერსიტეტის მაღლივ კორპუსში 14:00სთ-დან 17:30სთ-მდე. 

 

სხვა მასალები ამ თემაზე
სიახლეები

თამარ ჩუგოშვილის ლექცია - კორუფციასთან ბრძოლის დამოუკიდებელი მექანიზმის შექმნა

27.11.2020

ღია მმართველობის პარტნიორობის გაზრდილი მნიშვნელობა - პერსპექტივა დაკვირვების საფუძველზე (OGP 2030)

26.11.2020

MONEYVAL– ის შეფასება საქართველოში ფულის გათეთრებისა და ტერორიზმის დაფინანსების შესახებ

26.11.2020

მსჯელობა დამოუკიდებლობაზე - პოლიციის ანგარიშვალდებულების საკითხის წამოწევა საჩივრების დამოუკიდებელი გამოძიების გზით

24.11.2020
განცხადებები

კომენდანტის საათის მანიფესტაციებზე გავრცელება, უკიდურისად გაამწვავებს პოლიტიკურ კრიზისს

09.11.2020

გამოვხატავთ მზადყოფნას მედიას მატერიალური და მორალური ზიანის ანაზღაურების მიზნით გავუწიოთ უფასო იურიდიული დახმარება

09.11.2020

არასამთავრობო ორგანიზაციები 2020-ის წლის საპარლამენტო არჩევნებს აფასებენ

05.11.2020

ვითხოვთ სათანადო რეაგირებას არჩევნების დღეს ჟურნალისტთა უფლებების დარღვევის ფაქტებზე

31.10.2020
ბლოგპოსტები

ღია მმართველობის პარტნიორობის გაზრდილი მნიშვნელობა - პერსპექტივა დაკვირვების საფუძველზე (OGP 2030)

26.11.2020

დამოუკიდებელი ანტიკორუფციული სააგენტო - მაღალი დონის კორუფციასთან ბრძოლის ეფექტური საშუალება

06.11.2020

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

გასაბჭოება - საბჭოური კოლექტიური მეხსიერების პირველი საფეხური

13.10.2020