ისტორიკოსებს შორის დიალოგის პლატფორმის პირველი შეხვედრა ალბანეთში გაიმართა

სიახლეები | მეხსიერების და დეზინფორმაციის კვლევები | სტატია 30 მაისი 2022

2022 წლის 23-27 მაისს, ალბანეთში, ქალაქ ბერატში, ევროკავშირისა და კონრად ადენაუერის ფონდის ორგანიზებით, ისტორიკოსებს შორის დიალოგის პლატფორმის (Platform for Dialogue Between Historians)  პირველი შეხვედრა გაიმართა.

 

შეხვედრის ფასილიტატორი იყო ჯერემი სმითი, ზაიედის უნივერსიტეტის (Zayed University) მოქმედი პროფესორი, რომელიც ასწავლიდა რუსეთის ისტორიას დიდ ბრიტანეთში, ბირმინგემის უნივერსიტეტში (University of Birmingham) 11 წლის განმავლობაში, ხოლო აღმოსავლეთ ფინეთის უნივერსიტეტში (University of Eastern Finland) 10 წლის განმავლობაში. იგი აგრეთვე არის უამრავი წიგნის ავტორი საბჭოთა წარსულის, მათ შორის საქართველოს საბჭოთა წარსულის შესახებ.

 

შეხვედრას ესწრებოდა 20-მდე წარმომადგენელი სომხეთიდან, აზერბაიჯანიდან, მოლდოვიდან და საქართველოდან, რომლებიც, ძირითადად, წარმოადგენდნენ აკადემიას, არასამთავრობო ორგანიზაციებსა და სხვადასხვა დაწესებულებას, რომლებიც ისტორიას და მომიჯნავე დარგებს იკვლევენ.

 

შეხვედრაზე განხილულ საკითხებს შორის იყო ისტორიკოსის, როგორც მედიუმის როლი საზოგადოებასა და ხელისუფლებას შორის, გარდამავალი სამართლიანობის პერიოდში და იმ ქვეყნებში, რომლებსაც ტრავმული უახლესი წარსული აქვთ. შეხვედრაზე განიხილებოდა ისეთი საერთო კვლევები და პროექტები, რომელთა მიზანიც იქნება წარსულის გააზრება რეგიონულ და საერთაშორისო კონტექსტში. აზერბაიჯანის, სომხეთისა და საქართველოს წარმომადგენლებმა ისაუბრეს საკუთარ და მეზობელ ქვეყნებში ისტორიის სახელმძღვანელოების რევიზიაზე, რათა შეფასდეს - როგორ არის წარმოჩენილი ზოგიერთი ისეთი საკითხი, რომელზეც ამ ქვეყნებს შორის საერთო აზრი არ არსებობს.

 

ანტონ ვაჭარაძე შეხვედრაზე წარსდგა მოხსენებით - „საარქივო ღიაობა ყოფილ საბჭოთა რესპუბლიკებსა და აღმოსავლეთის ბლოკის ქვეყნებში“. მან ისაუბრა იმ პრობლემებზე, რასაც ისტორიკოსებს არქივების შეზღუდული ხელმისაწვდომობა უქმნის. ასევე განიხილა უკრაინის, პოლონეთისა და ბალტიისპირეთის ქვეყნების კარგი მაგალითებიც და ის გზები, რომლითაც ხელისუფლებებს საზოგადოებამ არქივების ღიაობის მნიშვნელობა უნდა აჩვენოს. შეხვედრის შემდეგ გაიმართა დისკუსია აღნიშნულ საკითხზე, რასაც რამდენიმე მონაწილე საინტერესო მოსაზრებებით გამოეხმაურა.

 

სამომავლოდ დაიგეგმა ახალი შეხვედრები და რეგიონული დიალოგის გაგრძელება ისტორიკოსებს შორის.

 

_______

 

 

ვიზიტი განხორციელდა შვედეთის საერთაშორისო განვითარების თანამშრომლობის სააგენტოს (Sida) მხარდაჭერით.

 

სხვა მასალები ამ თემაზე
სიახლეები

საჯარო ინფორმაციის ხელმისაწვდომობა და უფლება სამართლიან სასამართლოზე

30.06.2022

სამუშაო შეხვედრა პედაგოგებთან: მოწყვლადი ჯგუფების საჭიროებების იდენტიფიცირება საქართველოს განათლების სისტემაში, COVID-19 პანდემიის განმავლობაში

29.06.2022

კეთილსინდისიერება საჯარო სამსახურში

23.06.2022

შიდა ქართლის რეგიონში, ოკუპირებული ტერიტორიების ახლოს მცხოვრები მეწარმეების ხელშეწყობა ბრენდინგის გზით

23.06.2022
განცხადებები

ვეხმიანებით 3 ივლისს დაგეგმილი აქციის მხარდამჭერთა წინააღმდეგ გახშირებული ძალადობის ფაქტებს

30.06.2022

მიხეილ ჩინჩალაძის მეორე ვადით დანიშვნა ევროპული ინტეგრაციის პროცესს აზიანებს

29.06.2022

მიმართვა საქართველოს პრეზიდენტს სალომე ზურაბიშვილს

16.06.2022

სამოქალაქო ორგანიზაციების განცხადება 5-6 ივლისის მოვლენებში სუს-ის შესაძლო ჩართულობაზე

14.06.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022