„არავინ დარჩეს ყურადღების მიღმა“ – მდგრადი განვითარების მიზნების (SDG) მთავარი პრინციპია. თანამშრომლობა და ჩართულობა ასევე საკვანძო ცნებებია ამ მიზნების შესრულების პროცესისთვის. მდგრადი განვითარების მიზნების მისაღწევად აუცილებელია მთავრობებისა და სხვა დაინტერესებული მხარეების ერთობლივი ძალისხმევა. ეს მხარეებია: სამოქალაქო საზოგადოება, საერთაშორისო ფინანსური ინსტიტუტები (მაგალითად, „აზიის განვითარების ბანკი“) და განვითარებაზე მომუშავე სხვა ორგანიზაციები.  

აზიის განვითარების ბანკის ინსტიტუტის (ADBI), აზიის განვითარების ბანკის არასამთავრობო ორგანიზაციისა და სამოქალაქო საზოგადოების ცენტრის ერთობლივი ინიციატივით გამოცხადდა ნაშრომების კონკურსი – „სამოქალაქო საზოგადოების ორგანიზაციების ჩართულობა SDG-ების გავრცელებაში“. 2018 წლის 26-28 სექტემბერს, ტოკიოში გამართულ ღონისძიებაზე, ინფორმაციის თავისუფლების განვითარების ინსტიტუტის (IDFI) აღმასრულებელმა დირექტორმა გიორგი კლდიაშვილმა წარმოადგინა ორგანიზაციის კვლევითი ნაშრომი – „სამოქალაქო საზოგადოების ორგანიზაციების როლი SDG-ების მონიტორინგისა და მონაცემთა ანალიზის გაუმჯოებესების პროცესში: საქართველოს მაგალითზე“, რომელიც იყო ერთ-ერთი კონკურსში გამარჯვებული რვა კვლევითი ნაშრომიდან.

ფორუმის ფარგლებში მონაწილე სამოქალაქო საზოგადოებისა და მთავრობის წარმომადგენლებმა გამართეს დისკუსია SDG-ების მიღწევაში სამოქალაქო საზოგადოების როლის შესახებ. დისკუსია ასევე შეეხო იმას, თუ როგორ შეუძლიათ მთავრობებს, აზიის განვითარების ბანკსა და განვითარებაზე მომუშავე სხვა ორგანიზაციებს უფრო ეფექტურად ჩართონ სამოქალაქო საზოგადოება გლობალური მიზნების მიღწევის პროცესში.  

სამოქალაქო საზოგადოების ორგანიზაციების ჩართულობა მდგრადი განვითარების მიზნების გავრცელებაში

/public/upload/IDFI_2019/General/Giorgi Kldiashvili - Role of CSOs in Improving SDG Monitoring and Data A..pdf