ელ-მმართველობა და ელ-გამჭვირვალობა - საერთაშორისო ტენდენციები და საქართველო

შეიძლება ითქვას, რომ ელექტრონული მმართველობის განვითარების კუთხით საქართველოში დადებითი ტენდენციები შეიმჩნევა. პრაქტიკაში ინერგება  თანამედროვე IT ტექნოლოგიები და იგეგმება მნიშვნელოვანი ელექტრონული პროექტები.   2007 წლიდან ფუნქციონირებს ელექტრონული მმართველობის განვითარების ხელშემწყობი სამთავრობო კომისია. კომისიას უშუალოდ კურირებს მთავრობის კანცელარია და მის შემადგენლობაში შედიან როგორც სფეროს ექსპერტები, ისე იმ საჯარო დაწესებულებების წარმომადგენლები, რომლებიც ჩართული არიან საქართველოში ელ-მმართველობის დანერგვის პროცესში. კომისიის მიზანია ელექტრონული მმართველობის განვითარების სტრატეგიული გეგმის შემუშავება და ამ მიმართულებით სხვადასხვა უწყებების  ურთიერთქმედების კოორდინაცია. სამწუხაროდ, კომისიის მოღვაწეობისა და საქმიანობის შესახებ ინტერნეტ სივრცეში საკმაოდ მწირი ინფორმაცია  მოიპოვება. ამ ეტაპზე ჯერ კიდევ არ არის შექმნილი საინფორმაციო საზოგადოებისა და ელექტრონული მმართველობის განვითარების სტრატეგიული დოკუმენტი ან სამოქმედო გეგმა. გლობალური ტენდენციები ადასტურებს, რომ „ერთი სარკმლის“ პრინციპი წარმატებული ელ-მმართველობის გასაღებია (ამის დადასტურებად ყაზახეთის მაგალითის მოყვანაც შეიძლება). ყველა საინფორმაციო რესურსისა და ელ-მომსახურების თავმოყრა ერთ კონკრეტულ ვებ-პორტალზე მნიშვნელოვნად უადვილებს მომხმარებელს წვდომას მისთვის მნიშვნელოვანი ინფორმაციისა თუ მომსახურებისადმი. ამავე დროს აღსანიშნავია, რომ ელ-მმართველობის ეფექტური დამკვიდრებისათვის  დაგეგმვისა და კოორდინაციის ვალდებულება ზემოდან, ანუ მთავრობიდან უნდა მოდიოდეს.

დაწვრილებით იხილეთ შემდეგი ბმული:

ელ-მმართველობა და ელ-გამჭვირვალობა - საერთაშორისო ტენდენციები და საქართველო