საქართველოს კულტურული მემკვიდრეობის დაცვის ეროვნული სააგენტოდან მიღებული საჯარო ინფორმაცია უკვე ხელმისაწვდომია ვებ-გვერდზე. სააგენტომ უპასუხოდ დატოვა მოთხოვნა 10 დეკემბრის ანგარიშების შესახებ. სხვა დანარჩენ შემთხვევაში მოწოდებული ინფორმაცია სრულყოფილია.
როგორც მიღებული ინფორმაციიდან ირკვევა, სააგენტოს გენერალურმა დირექტორმა, ნიკოლოზ ვაჩეიშვილმა 2012 წლის მანძილზე პრემიის სახით მიიღო 61 850 ლარი. აქედან სექტემბერში 12 500 ლარი, ოქტომბერში - 9 000 ლარი, ხოლო 2013 წლის იანვარში 3 000 ლარი. აქვე აღვნიშნავთ, რომ სააგენტოს საშტატო ნუსხის მიხედვით გენერალური დირექტორის თანამდებობრივი სარგო განსზაღვრულია 2950 ლარით. შესაბამისად, ნიკოლოზ ვაჩეიშვილს 2012 წლის სექტემბერში პრემიის სახით ჩაერიცხა ხელფასის 4-მაგი, ხოლო ოქტომბერში 3-მაგი ოდენობა.
დეტალური ინფორმაციისთვის შეგიძლიათ იხილოთ შემდეგი ბმულები:
პასუხი მიღებული იქნა 10 დღის ვადაში, საქართველოს ზოგადი ადმინისტრაციული კოდექსის მე-40 მუხლის, პირველი ნაწილით გათვალისწინებული პროცედურული ნორმის დაცვით.
წერილის გაგზავნის თარიღი: 18/02/2013
პასუხის მიღების თარიღი: 28/02/2013
სიახლეების გამოწერა
