ღია მონაცემების პლატფორმის - WWW.DATA.GOV.GE-ის განვითარების გეგმები და პერსპექტივები

სიახლეები | კარგი მმართველობა | მედია, ინტერნეტი და ინოვაციები 21 იანვარი 2020

21 იანვარის, ინფორმაციის თავისუფლების განვითარების ინსტიტუტმა (IDFI) მონაცემთა გაცვლის სააგენტოსთან ერთად (DEA) გამართა შეხვედრა თემაზე: ღია მონაცემების პლატფორმის - WWW.DATA.GOV.GE-ის განვითარების გეგმები და პერსპექტივები.

 

ღონისძიების მიზანი იყო სამოქალაქო საზოგადოების, მედიის, ბიზნესისა და აკადემიური წრეების წარმომადგენლებთან ერთად განხილულიყო ღია მონაცემების პლატფორმის - WWW.DATA.GOV.GE-ის საჭიროებები, გამოწვევები და განვითარების გეგმები.

 

მონაწილეებს მისასალმებელი სიტყვით მიმართეს ინფორმაციის თავისუფლების განვითარების ინსტიტუტის (IDFI) პროგრამების დირექტორმა, ლევან ავალიშვილმა; მონაცემთა გაცვლის სააგენტოს იურიდიული სამმართველოს უფროსმა ნატალია გოდერძიშვილმა და მთავრობის ადმინისტრაციის პოლიტიკის დაგეგმვისა და კოორდინაციის დეპარტამენტის წარმომადგენელმა ქეთევან ცანავამ.

 

„საქართველოში ღია მონაცემების ხელმისაწვდომობის კუთხით მთავარი გამოწვევა შესაბამისი საკანონმდებლო ბაზისა და სტანდარტების არარსებობაა. სწორედ ამ პრობლემის გამო, მწირია იმ მონაცემების ჩამონათვალი, რომლებსაც საჯარო დაწესებულებები ღია და დამუშავებად ფორმატში აქვეყნებენ. მართალია, არსებობს ღია მონაცემების ერთიანი სახელმწიფო პორტალი, მაგრამ საჯარო დაწესებულებები კანონმდებლობით ვალდებულნი არ არიან ცალკეული მონაცემები ამ პორტალზე გამოაქვეყნონ და ეს მხოლოდ მათ კეთილ ნებასა და აქტიურობაზეა დამოკიდებული.“ - აღნიშნა ლევან ავალიშვილმა.

 

მონაცემთა გაცვლის სააგენტოს იურიდიული სამმართველოს უფროსმა ნატალია გოდერძიშვილმა ხაზი გაუსვა ღია მონაცემების ხელმისაწვდომობის მნიშვნელობას საზოგადოებისა და ბიზნესისთვის. მან ისაუბრა WWW.DATA.GOV.GE-ს მიღწევებზე, არსებულ საჭიროებებსა და პლატფორმის განახლების გეგმებზე.

 

,,ღია სამთავრობო მონაცემების ხელმისაწვდომობა ბიზნესისა და საზოგადოებისათვის მრავალი სასარგებლო შედეგის მომცემია: იგი იძლევა ახალი ინოვაციური იდეების გენერირების შეასძლებლობას, რაც ინდუსტრიული სექტორის მიერ თანამედროვე პროექტებში რეალიზდება- მაგალითად, მობილური აპლიკაციების სახით; აკადემიური წრეებისთვის იქმნება ახალი კვლევით- საგანმანათლებლო მასალა, ხოლო, საბოლოო ჯამში, საზოგადოება იღებს ინფორმირებულ გადაწყვეტილებებს და სარგებლობს მასზე უფრო მეტად ორიენტირებული საჯარო სიკეთეებით." - აღნიშნა ნატალია გოდერძიშვილმა.

 

იუსტიციის სახლის წარმომადგენელმა, ნატა აბაშმაძემ, მონაწილეებს გაუზიარა იუსტიციის სახლის მიერ მონაცემთა გამოქვეყნების პრაქტიკა. მან ისაუბრა ციფრული ეკონომიკის მნიშვნელობაზე და მაგალითად ევროკავშირის ქვეყები მოიყვანა, სადაც ციფრული ეკონომიკის განვითარების მაჩვენებელი მაღალია, რაც დამატებით სამუშაო ადგილებს და დოვლათის შექმნას ნიშნავს. მან აღნიშნა, რომ მნიშვნელოვანია, საქართველოც მიჰყვეს თანამედროვე ეკონომიკურ ტენდენციებს.

 

ინფორმაციის თავისუფლების განვითარების ინსტიტუტის მედია, ინტერნეტი და ტელეკომუნიკაციების მიმართულების ხელმძღვანელმა, თეონა ტურაშვილმა, ისაუბრა საერთაშორისო გამოცდილებაზე. მან მსმენელებს გააცნო ღია მონაცემების პრატფორმების საერთაშორისო მაგალითები და კარგი პრაქტიკა.

 

შეხვედრა ჩატარდა პროექტის - სადამკვირვებლო ჯგუფების გაძლიერება მთავრობის ანგარიშვალდებულებისთვის - ფარგლებში. პროექტი დაფინანსებულია ვიშეგრადის საერთაშორისო ფონდის მიერ, ვიშეგრადის გრანტების პროგრამით, ჩეხეთის, უნგრეთის, პოლონეთისა და სლოვაკეთის მთავრობების თანადაფინანსებით. ფონდის მისიაა ცენტრალურ ევროპაში მდგრადი რეგიონული იდეების წახალისება.  

სხვა მასალები ამ თემაზე
სიახლეები

კორუფციის პრევენციასთან დაკავშირებით მიღებული რეკომენდაციების შესრულების პროგრესი კვლავ ძალიან დაბალია

15.04.2021

საქართველო აშშ-ს სახელმწიფო დეპარტამენტის 2020 წლის ანგარიშში

12.04.2021

თბილისის საქალაქო სასამართლომ ა(ა)იპ მედიააკადემია საჯარო დაწესებულებად ცნო და საჯარო ინფორმაციის გაცემა დაავალა

08.04.2021

გამოფენა - ხმა ქართველი ქალისა

07.04.2021
განცხადებები

IDFI ნამახვანი ჰესის პროექტთან დაკავშირებით განვითარებულ მოვლენებს ეხმიანება

12.04.2021

IDFI-ისა და სოციალური სამართლიანობის ცენტრის განცხადება სახელმწიფო ინსპექტორის სამსახურის ანგარიშთან დაკავშირებით

07.04.2021

კოალიცია „მედიის ადვოკატირებისათვის“ წევრი ორგანიზაციები დაუშვებად მივიჩნევთ ინტერნეტის ხელმისაწვდომობის შეზღუდვას ნამოხვანში

04.04.2021

კოალიცია უზენაესი სასამართლოს დაკომპლექტების წესში დაანონსებულ ცვლილებებს ეხმიანება

29.03.2021
ბლოგპოსტები

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021

გუდმუნდურ ანდრი ასტრადსონი ისლანდიის წინააღმდეგ: მოსამართლეთა დანიშვნის შესახებ კანონმდებლობის დარღვევამ სამართლიანი სასამართლოს უფლების შელახვა გამოიწვია

10.02.2021