ტრენინგი თემაზე - კიბერჰიგიენა კიბერუსაფრთხოებისთვის

სიახლეები | ტრენინგები | კარგი მმართველობა | მედია, ინტერნეტი და ინოვაციები | სტატია 21 აპრილი 2020

ინფორმაციის თავისუფლების განვითარების ინსტიტუტისა (IDFI) და სსიპ მონაცემთა გაცვლის სააგენტოს თანამშრომლობის საფუძველზე, 21 აპრილს მონაცემთა გაცვლის სააგენტოს წარმომადგენლებმა ინფორმაციის თავისუფლების განვითარების ინსტიტუტის თანამშრომლებს და IDFI-ს კორუფციასთან ბრძოლის სასერტიფიკატო პროგრამის მონაწილეებს ონლაინ რეჟიმში ჩაუტარეს ლექცია კიბერუსაფრთხოების შესახებ.

 

ონლაინ ლექციას უძღვებიდა CERT-GOV-GE -ის მენეჯერი დავით ქვათაძე, რომელმაც მსმენელებს კონკრეტულ მაგალითებზე დაყრდნობით, დეტალური ინფორმაცია მიაწოდა კიბერუსაფრთხოებისა და კიბერჰიგიენის იმ ძირითადი პრინციპების შესახებ, რომელთა დაცვაც კიდევ უფრო კრიტიკული მნიშვნელობისაა დღევანდელ სიტუაციაში.

 

„დღეს, როდესაც ბევრი ჩვენგანი გადასულია დისტანციურ მუშაობაზე, როდესაც კიდევ უფრო გაზრდილია სახვადასხვა მოწყობილობის გამოყენების მაჩვენებელი, განსაკუთრებით მნიშვნელოვანია კიბერუსაფრთხოებისა და კიბერჰიგიენის ძირითადი პრინციპების დაცვა. ტექნოლოგიების გამოყენების მაღალი მაჩვენებელი პირდაპირ კავშირშია კიბერუსაფრთხოების რისკებთან და სწორედ ამ რისკების შესამცირებლად, მნიშვნელოვანია თითოეული ჩვენგანის ინფორმირებულობა კიბერუსაფრთხოებისა და კიბერჰიგიენის ძირითადი პრინციპების შესახებ. ვიქრობ, დღეს მიღებულ ინფორმაციას ჩვენი მსმენელები წარმატებით გამოიყენებენ რეალურ გარემოში“, - დავით ქვათაძე, CERT-GOV-GE-ის მენეჯერი.

 

მონაცემთა გაცვლის სააგენტოს შექმნილი აქვს კიბერჰიგიენის ონლაინ კურსი და სპეციალური დისტანციური სწავლების პლატფორმა, რომლის მეშვეობითაც ნებისმიერ დაინტერესებულ პირს შეუძლია დისტანციურად მიიღოს ცოდნა კიბერუსაფრთხოების ყველა იმ ძირითადი მიმართულების შესახებ, რომელიც პერსონალური კიბერუსაფრთხოების დაცვის საფუძვლებს ეხება. მათ შორის ისეთ საკითხებზე როგორიცაა პერსონალური კომპიუტერის უსაფრთხოება, ელექტრონული ფოსტის უსაფრთხოება, მობილური მოწყობილობების უსაფრთხოება, და სოციალური ქსელების უსაფრთხოება.

 

IDFI-ს წარმომადგენლებს აღნიშნული ონლაინ ლექციის შედეგად მიღებული ცოდნა დაეხმარება საკუთარ საქმიანობაში კიბერუსაფრთხოების პოლიტიკის უკეთესად დაგეგმვასა და განხორციელებაში.

 

აღსანიშნავია, რომ კორუფციასთან ბრძოლის სასერტიფიკატო პროგრამის მონაწილეებმა 15 აპრილს დაასრულეს სასწავლო კურსი - ელექტრონული მმართველობის შესახებ კორუფციის წინააღმდეგ ბრძოლაში. შესაბამისად, კიბერუსაფრთხოების ლექცია კიდევ ერთი დამატებითი ნაბიჯი იქნება აღნიშნული კურსის მონაწილეებისათვის ტექნოლოგიებზე დაფუძნებული გადაწყვეტების მიმართულებით ცოდნის გაღრმავებაში.

 

სხვა ტრენინგები ამ თემაზე
სიახლეები

IDFI-იმ ოზურგეთის მერიისა და საკრებულოს თანამშრომლებს ღია მონაცემებზე ტრენინგი ჩაუტარა

21.10.2020

IDFI-მ პროექტის „კოვიდ-19-თან დაკავშირებული სახელმწიფო ხარჯების და ადამიანის უფლებების მდგომარეობის მონიტორინგი“ პრეზენტაცია გამართა

20.10.2020

Freedom House: საქართველოს ქულა ინტერნეტის თავისუფლების რეიტინგში გაუმჯობესდა

16.10.2020

მსოფლიო მმართველობის ინდიკატორები - საქართველო მსოფლიო ბანკის 2020 წლის შეფასებით

15.10.2020
განცხადებები

არასამთავრობო ორგანიზაციები საქართველოს საგამოძიებო და უსაფრთხოების უწყებებს, ასევე აუდიტის სამსახურს „პატრიოტთა ალიანსის“ შესახებ „დოსიეს“ მიერ გასაჯაროვებულ ინფორმაციაზე ადეკვატური რეაგირებისკენ მოუწოდებენ

02.10.2020

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020
ბლოგპოსტები

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020

რუსული სპორტი და პოლიტიკა

13.08.2020