ანალიტიკოსების კონკურსი

სიახლეები | პუბლიკაციები | სტატია 18 აგვისტო 2015

 

 

ინფორმაციის თავისუფლების განვითარების ინსტიტუტი (IDFI), ბრემენის უნივერსიტეტთან თანამშრომლობით, გერმანიის საგარეო საქმეთა სამინისტროს დაფინანსებით ახორციელებს პროექტს "სტრატეგიული გეგმა საქართველო 2020 - სამოქალაქო საზოგადოების ჩართულობის გაძლიერება". აღნიშნული პროექტის მიზანია საქართველოს მთავრობის სტრატეგიული დოკუმენტის - საქართველოს სოციალურ-ეკონომიური განვითარების სტრატეგია "საქართველო 2020", და მასში შემავალი მიზნების შესახებ საჯარო დისკუსიების სტიმულირება და მოქალაქეების ინფორმირებულობის გაზრდა.  


პროექტის ფარგლებში, IDFI კონკურსში მონაწილეობის მისაღებად იწვევს ინტერნეტ-სივრცის აქტიურ მომხმარებლ ანალიტიკოსებს. კონკურსის მონაწილეები დაწერენ სტატიებისა და ანალიტიკურ ბლოგებს/ნაშრომებს "საქართველო 2020"-ში განხილული თემებიდან მათთვის საინტერესო საკითხებზე. ასევე, კონკურსანტები მონაწილეობას მიიღებენ შემაჯამებელი პუბლიკაციის მომზადებაში, რომელიც პროექტის დასრულებისას გამოიცემა.


კონკურსის ფარგლებში განსახილველი თემებია:


• ეროვნული ვალუტის გაცვილითი კურსი

• ეკონომიკური ზრდა

• საყოველთაო ჯანმრთელობის დაცვის რეფორმა

• განათლების რეფორმა და ადამიანური რესურსების განვითარება

• ინოვაციები და ტექნოლოგიები

• საპენსიო რეფორმა

• საჯარო სამსახურის რეფორმა

• საფინანსო ინსტიტუტების და კაპიტალის ბაზრის განვითარება საქართველოში

• კაპიტალიზმის მოდელი საქართველოში


მონაწილეების აქტივობები განთავსდება კონკურსისთვის შექმნილ ანალიტიკურ ბლოგზე, რაც მონაწილეებს საშუალებას მისცემს გამოაქვეყნონ და ფართო აუდიტორიას გააცნონ საკუთარი ანალიტიკური ნაშრომები.


კონკურსის პირველი ეტაპის შედეგად გამოვლინდება ოთხი სტიპენდიანტი,რომლებიც ოთხი თვის განმავლობაში მიიღებენ სტიპენდიას 1000 ლარის ოდენობით (დარიცხული); ხოლო კონკურსის მეორე ეტაპზე გამოვლინდება ერთი გამარჯვებული, რომელსაც პროექტის ფარგლებში ორგანიზებულ დასკვნით ფორუმზე გადაეცემა ფულადი ჯილდო 4000 ლარის ოდენობით (დარიცხული).


სასტიპენდიო კონკურსის პირველ, შესარჩევ ეტაპზე კონკურსში მონაწილეობის მსურველებმა უნდა წარმოადგინონ CV და არაუმეტეს 500 სიტყვიანი ესსე "საქართველო 2020"-ის ფარგლებში განხილულ მათთვის საინტერესო თემაზე. ესსეში დასაბუთებული უნდა იყოს კონკურსანტის თემის არჩევანი და მნიშვნელობა.


სასტიპენდიო კონკურსის მეორე ეტაპზე გადასული აპლიკანტები გაივლიან გასაუბრებას, რომელიც ჩატარდება 19 და 20 სექტემბერს IDFI-ს ოფისში.


შერჩეული კონკურსანტები მიიღებენ პირველ დავალებას და ჩაერთვებიან სასტიპენდიო კონკურსის ფარგლებში დაგეგმილ სამდღიან გასვლით სამუშაო შეხვედრაში (25-27 სექტემბერი). ისინი სამუშაო შეხვედრის დროს დაესწრებიან სტრატეგია 2020-ში განხილული თემების შესახებ ჩატარებულ ლექციებსა და დისკუსიებს, და წარმოადგენენ ანალიტიკურ ნაშრომს მათთვის საინტერესო თემაზე. სამუშაო შეხვედრის შემდეგ გამოვლინდება სასტიპენდიო კონკურსის ოთხი გამარჯვებული, რომლებიც 1000 ლარის (დარიცხული) ოდენობის სტიპენდიას მიიღებენ მომდევნო ოთხი თვის განმავლობაში.


სტიპენდიანტების გამოვლინების შემდეგ დაიწყება კონკურსის მეორე ეტაპი, სადაც მონაწილეები წარმოადგენენ ანალიტიკურ ნაშრომებს ოქტომბრიდან იანვრის ჩათვლით. ოთხთვიანი აქტივობების შეფასების შემდეგ, გამარჯვებული მონაწილე თებერვალში გამართულ დასკვნით ფორუმზე დაჯილდოვდება პრიზით - 4000 ლარი (დარიცხული)


კონკურსისათვის წარსადგენი ნაშრომების შეფასების კრიტერიუმები შეგიძლიათ იხილოთ ბმულზე.


კონკურსში მონაწილეობის მსურველებმა, გთხოვთ, გამოგზავნოთ CV და ესსე მისამართზე georgia2020@idfi.ge (დამატებითი ინფორმაციისათვის, გთხოვთ მოგვმართეთ ამავე მისამართზე).


განაცხადების მიღების ბოლო ვადაა 13 სექტემბერი.

სხვა მასალები ამ თემაზე
სიახლეები

თბილისის საქალაქო სასამართლომ ა(ა)იპ მედიააკადემია საჯარო დაწესებულებად ცნო და საჯარო ინფორმაციის გაცემა დაავალა

08.04.2021

პანდემიის გავლენა დანაშაულის სტატისტიკაზე

07.04.2021

მუნიციპალურ ა(ა)იპ-ებსა და შპს-ებში დასაქმებული თანამშრომლები და შრომის ანაზღაურების ხარჯები

06.04.2021

აჭარის უმაღლესი საბჭოს ღია მმართველობის საბჭოსა და საკონსულტაციო ჯგუფის წევრებმა სამუშაო შეხვედრა გამართეს

02.04.2021
განცხადებები

IDFI-ისა და სოციალური სამართლიანობის ცენტრის განცხადება სახელმწიფო ინსპექტორის სამსახურის ანგარიშთან დაკავშირებით

07.04.2021

კოალიცია „მედიის ადვოკატირებისათვის“ წევრი ორგანიზაციები დაუშვებად მივიჩნევთ ინტერნეტის ხელმისაწვდომობის შეზღუდვას ნამოხვანში

04.04.2021

კოალიცია უზენაესი სასამართლოს დაკომპლექტების წესში დაანონსებულ ცვლილებებს ეხმიანება

29.03.2021

IDFI-ის განცხადება პირადი ცხოვრების ამსახველი ჩანაწერების თაობაზე

23.03.2021
ბლოგპოსტები

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021

გუდმუნდურ ანდრი ასტრადსონი ისლანდიის წინააღმდეგ: მოსამართლეთა დანიშვნის შესახებ კანონმდებლობის დარღვევამ სამართლიანი სასამართლოს უფლების შელახვა გამოიწვია

10.02.2021