ხელმისაწვდომი პარლამენტი ყველასათვის - თბილისის პარლამენტის შენობის ადაპტირების გეგმა

სიახლეები | პუბლიკაციები | ღია მმართველობის პარტნიორობა | სტატია 30 ნოემბერი 2017

ავტორი: ნატალია ვარაზი

 

2017 წლის 28 ნოემბერს, პროექტის "საპარლამენტო დემოკრატიის სისტემის გაძლიერება საქართველოში" ფარგლებში, რომელიც დაფინანსებულია ევროკავშირის (EU) მიერ და ხორციელდება გაეროს განვითარების პროგრამის (UNDP) მიერ IDFI-თან თანამშრომლობით, გლობალური საკანონმდებლო ღიაობის კვირეულის ფარგლებში, საქართველოს პარლამენტის ღია და გამჭვირვალე მმართველობს მუდმივმოქმედმა საბჭომ პარლამენტის (თბილისი) შენობაში, შოთა რუსთაველის სახ. დარბაზში გამართა ღონისძიება სახელწოდებით „ხელმისაწვდომი პარლამენტი ყველას“. ღონისძიების ფარგლებში, საქართველოს პარლამენტმა წარმოადგინა პარლამენტის შენობის (თბილისი) ადაპტირების გეგმა, რომლის შესრულება გაუადვილებს მობილობისა და მხედველობის შეზღუდვის მქონე პირებს პარლამენტის ტერიტორიაზე გადაადგილებას. საქართველოს პარლამენტის შენობის ადაპტირების გეგმა შემუშავებულ იქნა საქართველოს პარლამენტის მიერ, არასამთავრობო ორგანიზაცია „მარიანი“-სთან ერთად, ხოლო ინიციატივის მხარდამჭერებს წარმოადგენდნენ ევროკავშირი (EU) და გაეროს განვითარების პროგრამა (UNDP), ინფორმაციის თავისუფლების განვითარების ინსტიტუტთან (IDFI) თანამშრომლობით. შეზღუდული შესაძლებლობების მქონე პირებისათვის საპარლამენტო შენობის, ისევე, როგორც საპარლამენტო სერვისების ადაპტირება, საქართველოს პარლამენტის მიერ ღია პარლამენტის სამოქმედო გეგმით ნაკისრ ვალდებულებას (ვალდებულება 1.5) წარმოადგენს. ღონისძიებაზე დაპატიჟებული იყვნენ შეზღუდული შესაძლებლობების მქონე პირები, ადგილობრივი ასოციაციები და არასამთავრობო ორგანიზაციების წარმომადგენლები, რომლებიც აღნიშნულ თემატიკაზე მუშაობენ.


ღონისძიებას ესწრებოდნენ საქართველოს პარლამენტის თავმჯდომარე ირაკლი კობახიძე, საქართველოს პარლამენტის წევრები, ევროკავშირის და გაეროს განვითარების პროგრამის წარმომადგენლები, საერთაშორისო და დიპლომატიური ორგანიზაციების წარმომადგენლები.
საქართველოს პარლამენტის თავმჯდომარემ ღონისძიებაზე შეკრებილ საზოგადოებას მისასალმებელი სიტყვით მიმართა.

 

„მოხარული ვარ, რომ საქართველოს პარლამენტი გლობალური საკანონმდებლო ღიაობის კვირეულის ფარგლებში ასეთ მნიშვნელოვან ღონისძიებას მასპინძლობს. აღნიშნული კიდევ ერთხელ ადასტურებს ჩვენს მზაობას მასზედ, რომ გავაძლიეროთ და დავნერგოთ მოქალაქეებზე ორიენტირებული და ინოვაციებზე დაფუძნებული საჯარო მმრთველობა. ასევე მინდა ხაზი გავუსვა საქართველოს კონსტიტუციის ახალი რედაქციით დამკვიდრებულ ნორმას, რომლითაც სახელმწიფო იღებს ვალდებულებას შეზღუდული შესაძლებლობების მქონე პირთა უფლებების და ინტერესების რეალიზებისათვის განსაკუთრებული პირობები შექმნას. პარლამენტს სურს, რომ მოქალაქეებისათვის შეთავაზებული მომსახურება და ასევე ინფრასტრუქტურა შეზღუდული შესაძლებლობების მქონე პირთა საჭიროებებზე იყოს მორგებული და აღნიშნულით ხელი შეუწყოს თანასწორ ჩართულობას და მონაწილეობას საპარლამენტო საქმიანობაში. ჩვენ სიამაყით ვაცხადებთ, რომ უახლოეს მომავალში პარლამენტის შენობა სრულად განახლდება და ხელმისაწვდომი გახდება მობილობისა და მხედველობის შეზღუდვის მქონე პირებისათვის. დღევანდელ შეხვედრაზე ჩვენ გვინდა გაგაცნოთ ჩვენი გეგმა, რომელიც უკავშირდება თბილისის შენობის ადაპტირებას. აღნიშნული საქართველოს ღია პარლამენტის სამოქმედო გეგმით აღებულ ვალდებულებას წარმოადგენს. ამ პროცესში შეტანილი განსაკუთრებული წვლილისთვის მადლობა გადავუხადო ევროკავშირს, გაეროს განვითარების პროგრამას, ინფორმაციის თავისუფლების განვითარების ინსტიტუტს და ასევე არასამთავრობო ორგანიზაცია „მარიანი“-ს.“ - განაცხადა ირაკლი კობახიძემ.

 

შომბი შარპმა, საქართველოში გაეროს განვითარების პროგრამის მუდმივი წარმომადგენლის მოვალეობის შემსრულებელმა, მადლობა გადაუხადა პარლამენტის თავმჯდომარეს და პარტნიორ ორგანიზაციებს. „მსურს მადლობა გადავუხადო პარლამენტის თავმჯდომარეს იმისათვის, რომ მან უშუალოდ განიხილა ასეთი დიდი მნიშვნელობის მქონე საკითხი. ამასთან, მინდა მადლობა გადავუხადო ირინა ფრუიძეს, ღია და გამჭვირვალე მმართველობის მუდმივმოქმედი საპარლამენტო საბჭოს თავმჯდომარეს, ინფორმაციის თავისუფლების განვითარების ინსტიტუტს, რომელიც გვეხმარეობდა გეგმის შემუშავებაში და ასევე „მარიანი“-ს, რომელიც გეგმის შემუშავებაში ძირითად პარტნიორს წარმოადგენდა. რათქმაუნდა, მადლობა მინდა გადავუხადო ევროკავშირს, რომლის გარეშეც შეუძლებელი იქნებოდა ამ პროცესის წარმართვა.“ - განაცხადა შომბი შარპმა.


დოროტა დლოუხი-სულიგამ, ევროკავშირის დელეგაციის პოლიტიკის, პრესისა და ინფორმაციის განყოფილების ხელმძღვანელმა განაცხადა, რომ საქართველოს მიერ განხორციელებული საქმიანობა ადასტურებს ქვეყნის მზადყოფნას მასზედ, რომ დაიცვას ღია მმართველობის პარტნიორობის (OGP) ფუძემდებლური პრინციპები და ღირებულებები - „ჩვენ ვხედავთ, რომ საქართველოს მთავრობა, პარლამენტი და უკანასკნელი დროიდან, ასევე თბილისის მერია აქტიურად უწყობენ ხელს გამჭვირვალობისა და ხელმისაწვდომობის დანერგვას. ამ მცდელობების აღიარებას საქართველოს ღია მმართველობის პარტნიორობის თავმჯდომარედ არჩევა წარმოადგენს.“

 

 

ღოსნიძიებაზე დამსწრე საზოგადოებას სიტყვით ასევე მიმართა ინფორმაციის თავისუფლების განვითარების ინსტიტუტის (IDFI) აღმასრულებელმა დირექტორმა, გიორგი კლდიაშვილმა - „ეს ღონისძიება უშუალოდ ეხება შეზღუდული შესაძლებლობების მქონე პირებისათვის საქართველოს პარლამენტის მიერ გაწეული მომსახურების ადაპტირებას. აღნიშნული წარმოადგენს მნიშვნელოვან თემას, რადგანაც გლობალური საკანონმდებლო ღიაობის კვირეულის ფარგლებში, ეს თემატიკა არის ერთ-ერთი პრიორიტეტული და ამ საკითხთან დაკავშირებით ღონისძიებები არა მარტო საქართველოში, არამედ სხვა ქვეყნებშიც იმართება“ - ღონისძიების მსვლელობისას, ირინა ფრუიძემ, საქართველოს პარლამენტის ღია და გამჭვირვალე მმართვლობის მუდმივმოქმედი საბჭოს თავმჯდომარემ, დამსწრე საზოგადოებას საბჭოს საქმიანობასთან და მიღწევებთან დაკავშირებული პრეზენტაცია წარუდგინა. მან ღია მმართველობის პარტნიორობის (OGP) ფარგლებში საქართველოს მიერ მიღწეულ წარმატებებზე და სამომავლო გეგმებზე ისაუბრა.

 

 

მარიამ მიქიაშვილმა, ორგანიზაცია „მარიანის“ წარმომადგენელმა და ადამიანის უფლებათა დაცვისა და რატი იონათამიშვილმა, სამოქალაქო ინტეგრაციის კომიტეტის თავმჯდომარის პირველმა მოადგილემ, სპეციალური საჭიროების მქონე პირებისთვის პარლამენტის შენობის ადაპტირებული პროექტის პრეზენტაცია გამართა. გეგმაში აღწერილია პარლამენტის თბილისის შენობის ადაპტირებისათვის აუცილებელი ნაბიჯები, მათ შორის, პანდუსებისა და ამწე-პლატფორმების დამონტაჟება, ტაქტილური ბილიკებისა და რუკების, ხმოვანი სანავიგაციო სისტემების შემოღება. დაგეგმილი ცვლილებები შეეხება პარლამენტის შენობის ყველა საკვანძო სივრცეს - შესასვლელებს, კიბეებს, სხდომათა დარბაზებს, ბრიფინგების ოთახებს, სანიტარულ-ჰიგიენურ კვანძებსა და კაფეტერიებს.

 

გეგმის პრეზენტაციის შემდგომ გაიმართა განხილვა და დისკუსია. გამოითქვა გეგმის კიდევ დახვეწის არაერთი შეთავაზება და იდეა. ღონისძიება საზეიმო მიღებით დასრულდა. 

 

ღონისძიების ვიდეო ჩანაწერის ნახვა ბმულზე გადასვლით არის შესაძლებელი.

 

 იხილეთ ღონისძიების ფოტოგალერეა

 

 

 

 

 

სხვა მასალები ამ თემაზე
სიახლეები

IDFI-მ ჟურნალისტებისა და პროკურორებისთვის მორიგი ტრენინგი ჩაატარა

14.10.2019

სტალინიზმი საბჭოთა სკოლებში და სკოლის მოსწავლეების საქმე

11.10.2019

მსოფლიო მმართველობის ინდიკატორები-საქართველო მსოფლიო ბანკის 2019 წლის შეფასებით

10.10.2019

თვითმმართველობების სარეზერვო ფონდების ხარჯვა - ვიზუალიზაცია

09.10.2019
განცხადებები

განცხადება სახელმწიფო ავტოპარკის ოპტიმიზაციის აუცილებლობის შესახებ

18.09.2019

იურიდიული კომიტეტის მიერ სამუშაო ჯგუფის დაკომპლექტების შეფასება

17.09.2019

კორუფციასთან ბრძოლის სასერტიფიკატო პროგრამა

15.09.2019

კოალიცია იუსტიციის უმაღლეს საბჭოში უზენაესი სასამართლოს მოსამართლეობის კანდიდატთა შერჩევის პროცესს აფასებს

12.09.2019
ბლოგპოსტები

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019

ინტერესთა შეუთავსებლობა უზენაესი სასამართლოს მოსამართლეთა შერჩევის პროცესში

05.08.2019

რა საფრთხე ემუქრება გამოხატვის თავისუფლებას საქართველოში

13.05.2019

დამოკიდებულება პროკურორებისა და მოსამართლეების ქმედებების მიმართ

22.04.2019